#ثريد
(اغرب القصص الحصلت مع الناس) part 2:
.
.
تكملة لسلسلتنا من القصص الغريبة الحصلت مع الناس.
-ماتنسو اهمية التحصن -
⭕ رتويت⭕
(اغرب القصص الحصلت مع الناس) part 2:
.
.
تكملة لسلسلتنا من القصص الغريبة الحصلت مع الناس.
-ماتنسو اهمية التحصن -
⭕ رتويت⭕
-قصتنا الليلة مع عَطِرة @etra112 :
نحنا عائلة بتتكون من بنتين و ولد و امنا الله يحفظها وبابا شغال برا السودان فاا برجع السودان أجازات اغلب حياتنا عشناها وامي كانت راجل البيت لانو اخوي عمرو ما بتجاوز العشرة سنوات انا انسانة بتحب الهدوء فا اغلب وقتي بكون في غرفتي ومطفية النور لاني بحب الظلام برضو في يوم كنت نايمة..
صحيت الساعة ٢ صباحا على صوت بينادي عِطره اتجاهلت الصوت وقررت انوم بس ما قدرت كان قلبي قوي وصحيت وفتحت عيني على بنت واقفة فوق السرير وبتعاين بي طريقة مرعبة حاولت اصرخ بس في لحظات زي دي الواحد صوتو بمشي وين ما معروف صحيت الصباح وقلت دا كابوس عادي ف حاتجاهل.
بعدها بي اسبوع رجعت من الدوام بدري وكنت انا الوحيدة اللي في البيت دخلت غرفتي وقررت انام بس قبل ما انام سمعت كلمتين بصوت غريب" عِطره ما تتجاهلينا" حسيت بالرعب اللحظة دي وبصوت مبحوح رديت انتو منو؟! سألت للمرة الثالثة ومافي جواب عايزة اطلع ومن الخوف ويدي كلها عرق الباب ما فتح؟! 💔
شفت نفس البنت اللي شفتها بس معاها طفلتين و كان وجههم كلو دم وبضحكو والبنت الكبيرة بتعاين لي وساكتة بكيت بطريقة هستيرية وغمضت عيوني وقريت آية الكرسي والمعوذات....في اللحظة دي امي جات.
لقتني في حالة غريبة وبرجف فا خافت وسألتني مالك مع العلم انو امي بتعالج بالقرآن بس اترددت اقول شي لكن بطريقتي خليتها تودينا عند شيخ بتاع رقية شرعية حضرت الجلسة الأولى بس ما حصل شي وبكدا قررت اقنع نفسي انو دي أوهام كان عندي ٣ بسات "كدايس. صغار كنت بحبهم شديد اختفو...
يومين وقلبت عليهم الدنيا كلها وما لقيتهم بس في اليوم الثالث شميت ريحة غريبة؟ في الغرفة فاا دورت كويس ولقيت الكدايس ميتة أو مأكولة نصها!!! التحت في وحدة في دولابي واتنين تحت السرير هنا اقتنعت انو دا شي ما طبيعي جات الساعة 11 وزيي زي اي بنت ماسكة الجوال فجأة... .
الجوال طفى ونور الغرفة يمشي ويجي شفت نفس البنتين الصغار.والبنت الكبيرة بس المرة دي البنت الكبيرة بتضحك وبتقول لي عِطره ما تتجاهلينا عشان نهايتك ما تكون على ايدنا....💔... قررت أقوى قلبي واتكلم برجف وبتمتم سألت انتو منو فجأة لون الغرفة اتغير وحسيت اني في مكان تاني ومخنوقة!
كان شوية و اموت بس حاولت اتكلم ونطقت بس ما عرفت قلت شنو للان خلاهم يتجمعو حولي ويعاينو لي متفاجئين في اللحظة دي حاولت اتذكر سورة وحدة من القرآن ما قدرت ولسه الوضع زي ما هو البنت الصغيرة قربت مني وجرت شعري لانو كانت طويلة والتانية كانت ماسكة ايدي واختهم بتبكي دم وانا بردت حرفيا💔
. قلت إذا خفت دا ما ح ينتهي ولازم الاقي نهاية قلت للبنت انتي عاجبك شعري ولا عايزة مني شنو انا عملت شنو ردت البنت الكبيرة وقالت انتي كنتي بتقعدي في مكان نحنا عايشين فيهو والساعات وبنشوفك بتبكي وقرارنا ناخدك معانا!! ؟
"الجن قبائل زينا وفيهم الكويس وفيهم الشرير وانا قابلت يمكن الكويس بس بطريقة شريرة أو للان انا ما قدرت افسر الحادثة دي" انا كنت حساسة ويمكن أقل شي بأثر فيني وببكي ولما ابكي في غرفتي كنت دايما بحس انو في شي بخفف عني بس ما اتوقعت تكون مجموعة جن عايزة تاخذني معاها اتصلت على بابا.
وكان قراري انو ننقل من بيتنا وفعلا نقلنا لي بيت تاني اول شي عملتو قصيت شعري و يمكن إثر القبضة بتاعت البنت كان في ايدي لمدة ٦ شهور كنت مرتاحة في البيت الجديد بس البدايات دايما بتخدع بعد شهرين بالضبط حصل نقاش حاد بيني وبين امي وكانت قافلة على نفسي يوم كامل وكالعادة صحيت زي الساعة ٢
بصوت ضربات على سريري ٣ ضربات مع بعض قمت مخلوعة وقلت بسم الله انا غرفتي عندها شباك مُطِل على زقاق كدا وبعدها ميدان يعني المكان شبه فاضي صوت الضربات خوفني بالذات لما حسيت انو كل شي ح يرجع تاني قعدت في نص السرير وبقيت ببكي.
لاني مليت من الخوف العايشة فيهو دا وفجأة اسمع صوت بقول ارح معاي بفتش في الصوت لقيتها مرآة وقافة في الشباك كانت لابسة عباية وشال لونهم اسود و وشها مجروح واللحم باين وانيابها بنية عندها٤ أصابع في اليد اليمين و ٣في اليسار الحمدلله امي انسانة بتحصن البيت كل يوم قلت لو عايزاني تعالى!
تعالى لي انتي لاني واثقة انها ما ح تقدر تدخل وصوتها زي موجات موجات بتقول المكان طاهر ما ح ادخل تعالى انتي لاني ح اخدك واقتلك إذا ما جيتي صحت اختي الاصغر مني وكالعادة عايزاني امشي معاها تشرب موية وفي اللحظة دي قررت اطلع برا اشوفها طلعت وشفتها وكانت رجولها مقلوبة قربت!!......
كانت شايلة عصاية ورفعتها عشان تضربني بس امي جات لما شافتني استغربت وحكيت ليها كل شي قررت ننقل من البيت برضو بس بعد ما اتخلصت من الأرواح الشريرة دي وبعد جلسات بتاعت قرآن والحمدلله هسي بخير.......
حاولت اعرف الكان بحصل لي دا شنو بس للأسف ما عرفت وحاولت اسأل امي بس ما بتجاوب بس كل ما تتذكر البحصل وانو حتى ملامحي اتغيرت وبقى شكلي غريب بتقول لي كنت ح افقدك يا بتي بس الحمدلله اني لحقتك في الوقت المناسب....
انتهت القصة ❤️
.
معليش القصص طويلة ومابقدر ازيد الثريد اكتر من كدة حاحكي القصة التانية بكرة ان شاء الله 👐.
.
ماتنسو رتويت للقصة وفولو عشان يوصلك كل جديد ومستمرين ان شاء الله🔥❤️.
.
وماتنسو تتحصنو لانو بتيحميكم من كل شي.
وشكرا ليكم شديد ❤️❤️❤️.
.
معليش القصص طويلة ومابقدر ازيد الثريد اكتر من كدة حاحكي القصة التانية بكرة ان شاء الله 👐.
.
ماتنسو رتويت للقصة وفولو عشان يوصلك كل جديد ومستمرين ان شاء الله🔥❤️.
.
وماتنسو تتحصنو لانو بتيحميكم من كل شي.
وشكرا ليكم شديد ❤️❤️❤️.
جاري تحميل الاقتراحات...