رتبها

بالبداية يارب بعد الازمة كل البنات بشرتهم حلوه وفيها عافيه ومعالجين كل مشاكلها والشعر أكثف وأطول وأظافرنا حلوه بعد الاهتمام الصح ونفسياتنا عااااليه🍭💕💕
ويلا نبلش •العناية• المكونة من شعر بشره جسم، وفق تجربتي "الشخصية" وبنات اذا عندكم نقطة بتضيفونها بالمنشن أستقبلها بكل حب💖

•اولًا الشعر
اول شي كلنا نعرف انه من غير العلاج والاهتمام الداخلي ماراح نستفيد شي من الاهتمام الخارجي مهما سويتي وحطيتي،
لذلك تأكدي انه تحاليلج تمام👇🏻
ويلا نبلش بالاهتمام الخارجي

الحِـنـه ❤️❤️
السحر الحلال والله! حل لجميع مشاكل الشعر
أفضلها عن الماسكات
شلون اسوي مالتي انا؟
أهم شي اعجنها بماي بصل وثوم🙊 اي اي افوح البصل والثوم وبعدين اصفي الماي واعچن الحنه واحط معاها روب "زبادي" للترطيب ..
وفي إضافات وانتي وكيفچ في ناس تحط عسل ومايونيز وسدر و و و ..الخ

والحين البطل زيت جوز الهند
غير شعري والبيبي هير انترس🤩 مع الصبااار والثوم <ادري ادري باللي ببالكم بس جايتكم على سالفة الثوم
افرك الصبار والثوم بالفراغات والجذور
وادهن بالزيت وبعدها مساج وساعتين واغسل
للامانه ماتشجعت واستمريت إلا اللي حولي بنفسهم لاحظوا التغيير من غير ماتكلم🥳

نروح للثوم 😂
بنات الثوم ممتاز ممتاز للشعر مابي اسولف بفوايده اكثر بس Google it
وحتى الخدم بالبيت شهدوا على فوايده وانه حتى هم يستخدمونه من وهم صغار، وعاد شسولف وشخلي عن شَعر الهنديات هم أهل الشعر والجدايل والله مابعد كلامهم كلام 👏🏻😂

بس ادري تفكرون بالريحة وانا معاكم الريحة سيئة جدًا بس والله ترووح
شلون اوخرها؟
اولا اغسل الشعر مرتين بقهوة تركية
ثانيا هالشامبو العجيييييييب
بنات تعرفين لما تاكلين علچ نعناع وبعدها تشربين ماي بارد؟ شفتي الانتعاش اللي حسيتيه؟ بالضبط بالضبط راح تحسينه بفروة راسج من هالشامبو🤣❤️

غسلي بالشامبو مرتين ثلاث وخليه عليج شوي لا تغسلينه بسرعه، وبعدها بخررري وعطري والشعر مبلل واتحدااااااااااااج اذا في ريحة ثوم 🙆🏻‍♀️
- وبعض عطور الشعر اللذيذة
اللي أحبهم🥺💞
خصلة الوردي والتيفاني من أطياب المرشود
وعنبر فانيلاااا من لورا مارسيه 🍭😋

ولا ننسى الاستمرار ثم الاستمرار
من غير استمرار وفري على نفسج ولا تضيعين وقتج من الحين 😩
الحِنه مرتين بالشهر حلو
الزيوت والماسكات مرتين بالأسبوع 👏🏻
عندكم ماسك الجرجير ممتاز
وماسك الصبار
تحصلون اكثر من طريقة بقوقل اخذي اللي تعجبج واللي تقدرين تحصلين على مكوناتها بسهوله بهالحظر

خطوة مابعد الغسيل،
من قطعت البلسم شعري صار ما يتساقط يمكن للحين ما طحت على النوع اللي يناسبني مادري 🤷🏻‍♀️ بس اللي اعرفه اني ارتحت وافتكيت ... وصرت استخدم هالحلوووين عشان النفشه ويصير طري وناعم
بديل الزيت نقطة خفيفه على كل الشعر
وهالسيروم العجيب على الأطراف

• ثانياً الجسم 🥰
بنات شغلتين لا يُعلى عليهم بتوحيد لون الجسم والنظافة والنظارة وكل شي
مهمها شريتي سنفرات وسوالف هالخطوتين توب توب ونتيجة أسرع واحلى 💘
شهرياً جلسات الليزر مع الحمام المغربي
قبل الجلسة بعشر ايام تسوين حمام مغربي وادعيليييييييي

لكن بهالوضع شنو ممكن نسوي شي نستمر عليه وفيه نتيجة؟
سنفرة القهووووة 🔝🔝
بنات من الاخر انا وحده ما بقى شي من بوتيكات محلات براندات ما جربته وكلهم طاحوا بچبدي😂
اكثر شي يوحد اللون
( قهوة تركية - سكر - زيت زيتون )
وافركي بليفه شووووي خشنه
مرتين بالأسبوع 👏🏻 وشوفي التغير الجذري

ومن باب التوصية
انصحكم بهالحلوين بعد الحظر 🙆🏻‍♀️❤️
مجموعة التفتيح من الصابون •الشرقي• للامانه أخذهم كا نظافة وريحه حلوه💕 مش تفتيح لانه ماشفت نتيجة ملحوظة
والثاني ماحصلت صوره للمجموعة لكن من الصابون •اللبناني•
اشياء لذيذه كلها بريحة بخور تخيلي تطلعين من الشاور ريحتج بخور😩❤️

• اخيراً وليش آخراً .. البشرة 💕
اول شي اذا انتي تعانين من مشاكل قويه بالبشرة لا تنطرين وحده تكتب وتسولف عن منتج معجزه ويعالج كل شي 🤷🏻‍♀️
روحي الجلدية واخذي كريمات وعلاجات واشياء طبيه تناسبج وبعدها روحي لسوالف ماسكات وكريمات وعنايه يوميه

نجي الحين للي بشرتهم عاديه ومشاكلها بسيطة وعادية
بنات هالمكس جبااااااارر
الكريم اسمه القنبلة وهو فعلاً قنبلة 🤩
من سارة الرشيدي 💕< insta: soap_aljmela
احط من الكريم على وجهي ورقبتي بليل بس ولما اقوم اغسل بهالصابونه
الوجه بعد الاستمرار يصير لمبه 💡😌

وبما انه احنا حظر طلبوا بعد الحظر الكريم
لكن هالصابونه حتى من غير الكريم بتشووفووون نتيجة شي عجييييب تشيل كل شي وتفتح وريحتها برتقالة🍊🍊😋
خليت غسول وجهي وصرت استخدمها بس
وتصلح للجسم بعد بس ضروري ترطيييب بعدها
تحصلونها بلولوووو هايبر انا توني ماخذتها 😍😍

ومن سنفرات الوجه اللي اموت فيهاااا
هالسنفره حتى من أول استخدام بتلاحظوون نظاره والله🥺
أحبها قبل الميك اب احس بانتعاش وترطيييب💕💕

شغله نسيت أضيفها مع الجسم👆🏻
بكملها هني..
الترطيب مهممم
داخلي< كثري شرب ماااي
خارجي< عن نفسي ماعترف بلوشن عطري كا ترطيب ماعرف ماكتفي فيه🤷🏻‍♀️
لازم ارطب بزيت اللوز المر والجسم مبلل وبعدها لوشن عادي💕 اقروا عن فوايده للجسم👏🏻
الجسم يصير زبده وحتى ريحة اللوشن والمسك تثبت اكثر بالجسم🥰

وبنهاية الثريد
بنات حاولت كثر ما اقدر انه العناية تناسب هالاوضاع بانه كل شي يكون متوفر وتقدرونه تحصلونه بسهوله بهالحظر وأغلب اللي ذكرتهم اصلا موجودين بالجمعيات والعطار والصيدليات❤️
من زيت الشعر والجسم والسيروم حتى الليفه اللي تكون شوي خشنه تحصلونها بالصيدلية وشكراً عفواً 🥰

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد