طيب بما انه الشكاوي كترت بالنسبه في الموضوع دا أنا حابي انبه الناس أنه في الفترة الجاية دي ونسبة لانتشار الفايروس حتكون في حالات اشتباة كتيرة ومراكز العزل اتملت تماماً مركز العمليات فقد السيطرة وما حيقدروا يغطوا كمية البلاغات البتجيهم في اليوم الواحد
يعني نعذرهم +

الكوادر الطبيه شغالة بالامكانيات المتاحة عندها يعني ما عندهم شئ يقدموه اكتر من كدا ودا اكيد ماغلطهم ولا غلط وزارة الصحة
عشان الناس ما تلوم ساي
طيب انا نصيحتي بسيطة
اي زول بشعر باعراض الفايروس عشان يكسب زمنو
اقرب غرفة
في البيت يدخل ويحجر نفسه جواها +#احمى_نفسك_احمى_بلدك

ويعتبر روحوا في عزل صحي هو واهله
يتبع ارشادات العزل والحجر المنزلي بطريقة صحيحة صدقني حيكون افضل ليه من المستشفي
علما بان المستشفي ما بتعمل ليك اااي شئ
مجرد توجيهات لا اكثر
جيب بندولك ومخفض حرارة وعسل وليمون وجنزبيل وصابونتك ومعقمك
وافتح المكيف ونوم
#احمى_نفسك_احمى_بلدك

يعني انا بعتقد انه غرفة نومك هي افضل مكان للعزل فيها مكيف وتلفزيون و الاكل يجيك بتحت الباب والعصائر و الحلويات و دلع و اخر عناية
المهم يا حلوين الناس ما تقعد تلوم من طرف الوزارة نصحتكم وماقصرت وحظرتكم وماقصرت والباقي كان عليكم والشعب قصر
#احمى_نفسك_احمى_بلدك

انا بنقل شكري وتحياتي لاي كادر طبي ساهم ولو بقليل في تخفيف معاناه مريض، شباب وشابات الكول سنتر المتطوعين لله ف الله يا ناس
شكراً شكراً لكل طبيب وطبيبه مساهرين في مراكز الحجر والعزل ومعرضين حياتهم وحياة اسرهم للخطر
شكراً جميلاً جزيلاً 🌹🇸🇩
#احمى_نفسك_احمى_بلدك