رتبها

دي قصة حقيقية حصلت في أبشع دولة من دول الديكتاتورية في القرن الماضي..بتدي أمل وبتقول أنها بتيجي علي أهون سبب..إيه القصة بقي..
فى ال80 كانت رومانيا مقفولة على نفسها باوامر من "شاوشيسكو".مفيش أى نوع من التواصل مع العالم .. تليفزيون إرساله ساعتين كلهم تمجيد فى الزعيم و الشيوعية..

وكانت جريمة إنك تشوف حاجة غير اللى بيعرضها تليفزيون الدولة .. بلد بتستخدم نوع واحد فقط من كل منتج .. من العربيات لمواد التموين.
فيه واحد اسمه"زامفير" تجرأ و دخل البلد جهاز فيديو تهريب..سعر الجهاز بعد التهريب كان سعر عربية داشيا(أول مرة أسمع عن النوع دا)وسعر شريط الفيديو مرتب شهر.

أفلام أمريكية مش مترجمة ..كان فيه بنت بتشتغل فى إدارة الترجمة جوة جهاز الرقابة على المواد اللى جاية من برة اسمها "ايرينا أنستور"
وسط حد يعرض عليها تترجم الافلام المتهربة
راحت المخبأ اللى عامله و لقت كنز بيفرجها على العالم اللى ماحدش ف رومانيا يعرف عنه حاجة
وافقت على العرض..

وماكنتش بس بتترجم .. كانت بتعمل دوبلاج .. بتركب صوتها بالروماني على صوت الشخصيات كلها بدون استثناء .. ست راجل طفل .. وهى بتمثل طول الوقت مشاعر مختلفة حب كرة غضب شتيمة بكاء ضحك.خرجت الشرايط من المخبأ و بدأت تجارة سرية فى أجهزة الفيديو المنهوبة..

اللى بيقدر يجيب جهاز كان بيعمل حفلات عرض سرية فى البيت..كانت الناس بتدقق تقول لمين علشان "شاوشيسكو" خلى البلد كلها مخبرين..وابتدت حياة تانية بيحي عنها الرومانيين كان صوت "المستور" هو أوضح ما فيه..بيحكوا إن صوت انستور عرفهم مش إنه بس فيه حياة تانية أجمل ..

لكن عرفتهم إن فيه حياة تانية أصلا..بيقولوا على صوت انستور نصا : ساعدنا فى البقاء أحياء
ماكنوش يعرفوا شكل صاحبة الصوت اللى بيغير حياتهم ده..اللى اتخيلها شقراء و اللى اتخيلها خمسينية و اللى اتخيلها بتترجم وهى بتتطبخ علشان فيه صوت كركبة جنبها دايما..

بيقولوا بعد صوت انستور لا الحجر بقى حجر و لا الشارع بقى شارع ولا النظرة للمستقبل بقت زى ما هى..زاد الضغط و الطلب عليها فبقت ب تدبلج ب ال7و 8أفلام فى اليوم..اتعلق الناس بالخيط ده وانتشر الخبر ووصل للبوليس..صاحب المخبأ قرر أنه يقدم رشوة للمسئولين..

كانت عبارة عن أجهزة فيديو و أفلام أمريكية
انستور دبلجت أكتر من 3000 فيلم و بقى فى رومانيا حوالى 10000جهاز فيديو معتمدين عليها
و لما اختلفت مع صاحب المخبأ جاب واحد يقوم بنفس الدور لكن الناس اعترضت و رفضت تشتري افلام و ضغطوا لحد ما رجعوا انستور
كانت الدنيا بتتغير بفضل صوت واحدة..

مش معروف ملامحها
و فضل التغيير يكبر و الأفكار تتغير لحد ما الناس تجرات و نزلت الشارع و ازاحت شاوشيسكو اللى تم اعدامه هو و مراته فى نفس يوم محاكمتهم
لحد النهاردة بالنسبة ل أهل رومانيا كانت انستور هى صوت المقاومة هي اللى خلت الناس تفكر فى بكرة ..

وكانت هى من أول الحاجات اللى عايزين يشوفوها بعد الثورة .. كانوا عايزين يشوفوا صاحبة الصوت اللى غير حياتهم شكلها ايهلما سألوها بعد الثورة عن اللى عملته قالت:الناس كانت محتاجة قصص .. وكنت شايفه حياتهم بتتغير .. ولم أكن قادرة على التوقف لحظة..

المصدر الفيلم الوثائقي " chuck norris vs communism"
منقول من بيدج كلاسيك

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد