لما تشوف مقابلة لوزير المالية وتسمعه يقول بعض المصطلحات مثل عجز، فائض، ميزانية، موازنة، فيمكن تسأل نفسك وش يقصد ووش معناها، في هذا الثريد راح اشرح هذي المصطلحات بشكل بسيط وممتع.
الموازنة: هي خطة تقديرية (متوقعة) للنفقات والإيرادات الحكومية للدولة، معنى هذا الكلام ان قبل ما تبدأ السنة الجديدة يجي وزير المالية ويرسل طلب لباقي الوزارات عشان يعطونه مخطط واضح لإجمالي المصاريف (المتوقعة) ووكل الأمور المالية المتعلقة بالوزارة للسنة الجايه
بنفس الوقت يتم معرفة الإيرادات المتوقعة عن طريق توقع كمية الإنتاج وارباح الاستثمارات وأسعار النفط، .
بعد ما ترسل كل وزاره مخططها المالي يجتمع مجلس الوزراء ويتم الموافقة على الموازنة وهنا يوضح لهم هل النفقات المتوقعة أكثر من الإيرادات المتوقعة او العكس
بعد ما ترسل كل وزاره مخططها المالي يجتمع مجلس الوزراء ويتم الموافقة على الموازنة وهنا يوضح لهم هل النفقات المتوقعة أكثر من الإيرادات المتوقعة او العكس
إذا كانت الإيرادات المتوقعة أكثر من النفقات المتوقعة تسمى هذه الحالة (فائَض). أي أن الأرباح أكثر من التكاليف. أما إذا كانت النفقات اعلى من الإيرادات تسمى هذه الحالة (عجز) ، فإذا كان فيه عجز بالموازنة تجي الدولة وتستعمل شيء اسمه الدين العام أو أنها تأخذ من الاحتياطي
الدين العام: هي الأموال التي تتسلفها الدولة من الأشخاص والشركات لمواجهة العجز وسداد بقية التكاليف المتوقعة
ممكن تسال نفسك ان بدال ما نتسلف تزيد الإيرادات، وجواب على هذا السؤال ان رؤية 2030 أساسها تنويع مصادر الإيرادات وعدم الاعتماد على مصدر واحد وهو النفط لان صناعة النفط واسعاره متقلبة حسب الدورات الاقتصادية فمن الصعب الاعتماد عليها كمصدر اساسي للدخل
رؤية ٢٠٣٠ تطمح إلى تنويع المصادر غير النفطية للاقتصاد السعودي مثل الاستثمارات في قطاعات مختلفة وتقليل الاعتماد على النفط .مثل ما شاهدنا مؤخرًا صفقات صندوق الاستثمارات العامة في شركات عالمية مثل “والت ديزني” و “اوبر” وغيرها، وقد زادت الإيرادات غير النفطية خلال السنوات الماضية.
اخيرا معنى الميزانية انه لما تخلص السنة اللي سوينا لها موازنه نجي ونشوف هل صار المتوقع ولا صارت أشياء ثانيه، فلما نقيس الإيرادات والمصروفات الحقيقية اللي سويناها خلال السنة فهذا اسمه ميزانية،بمعنى آخر قياس التكاليف والإيرادات التي حدثت خلال السنة ومعرفة العجز أو الفائض الحقيقي.
ختاما أتمنى اني وفقت في سرد المعلومات وتسهيلها وتقدر تشوف بيان ميزانية الدولة للأعوام الماضية عن طريق الرابط mof.gov.sa
جاري تحميل الاقتراحات...