ثريد عن العدوى من الأسطح
1- المنظمة مغيرتش كلامها .. من أول يوم بتقول ان العدوى من الأسطح محتملة وغير مؤكدة لأن تأكيدها بيلزم التأكيد ان حد مصاب ومتعاملش مع أي حد مصاب تاني اطلاقا ولا كان قريب منه وده مستحيل عمليا التأكد منه لكن نظريا محتمل

2- المنشور عن مدة بقاء الفيروس حي ع الأسطح ده في المعمل مش في الحياة خارج المعمل .. يعني القماش والبلاستيك والمعادن .. الخ واحنا جوه ف المعمل الظروف مختلفة عن برة واختبار بقاءه حي برة صعب برضه علشان الظروف متنوعة جدا ..

3- لكن طبعا الفيروس الخارج مع رذاذ المصاب ونزل ع الأسطح بيكمل فترة حي فعلا برة المعمل عادي بس مش الفترة دي كلها وتأثير بيضعف مع الوقت والعدوى بيه احتمالها أقل
لكن حساب ده بالضبط صعب جدا وخاضع لظروف كتير جدا زي العوامل الجوية ( حرارة ورطوبة ورياح .. الخ )وحركة السطح واستواءه ..الخ

4- لذلك غسيل الايدين كان وما زال مهم وفعال وتطهير الأسطح المعرضة للمس كتير .. وكذلك عدم المصافحة والأحضان .. الخ
لأن الرذاذ لو لسه خارج من المريض قريب وبكثافة كمان فيهكون احتمال الاصابة بيه عالي ... ويضفع كل ما يعدي وقت وكل ما الكمية كانت أقل

5- المنظمة قالت قبل كده انه مفيش ضرورة لتعقيم اكياس المشتريات وده المقصود انك متبقاش مرعوب من كل سطح تم لمسه ..لكن بشكل شخصي شايفهم منبهوش ع ده بالشكل الكافي المطلوب الا لما بدأ تظهر سبوبات بوابة التعقيم الذاتي والرش بالعربيات والمواتير
ورأيي كان المفروض يهتموا اكتر بالتوضيح بدري