التجارة تحتاج مخاطرة. ١٠ يخاطرون و ٨ يفلسون. والاثنين اللي نجحوا هم اللي يشوفونهم الناس. بالتالي ممكن تجد دكتور مالية ماعنده حتى بيت وشخص ما تعلم مليونير. وغالباً الاثنين اللي نجحوا الحظ كان العامل الاكبر في نجاحهم عن ال٨ الاخرين.
طبعاً معظم الناس يفضلون انهم ماياخذون مخاطرة بالتالي يتجهون للتعليم الجامعي عشان يصيرون متوسطي الدخل دون اخذ مخاطرة كبيرة خصوصاً ان التعليم الجامعي عندنا مجاني. وللشخص العقلاني هذا القرار السليم لان عصفور في اليد افضل من ١٠ على الشجرة.
ولابناء الاسر الثرية المخاطرة تكون اقل عليهم شخصياً لانهم ضامنين بقائهم في الطبقة الغنية حتى لو فشل مشروعهم . وعلى ذلك يفتحون ١٠ مشاريع يفشل منها ٨-٩ وينجح واحد ويصيرون رواد اعمال. ليس لانهم بارعين في التجارة بل لان الحياة تقدم لهم فرصة المحاولة مرة اخرى.
بينما الشخص العادي بيحط كل ثروته في المشروع اذا قرر ياخذ مخاطرة بالتالي اذا فلس ماعنده قدرة يبدأ بمشروع اخر على الاغلب. وش نستفيد من هالكلام؟ الفائدة اننا يجب ان نحترم رواد الاعمال ويزيد الاحترام بقدر المخاطر اللي جالسين ياخذونها. لانهم يفضلون التمرد حين يرتاح الجميع للنظام
جاري تحميل الاقتراحات...