للناس اللى عايزة تعمل حلويات العيد فى البيت و محتارة و قلقانة من التجارب الفاشلة ..
وصفة بسكوت النشادر الهش المقرمش وع ضمانتى .
المقادير : كيلو دقيق + معلقة صغيرة بيكنج بودر
عدد 4 بيض + كوب سمن+ نصف كوب زيت + كوب ونصف سكر بودرة + معلقة كبيرة ممسوحة نشادر + فانيليا +ربع كوب لبن

الطريقة :نضرب السمن البارد والزيت مع السكر البودرة بالمضرب حتى يتحول لكريمة نضيف البيض والفانيلا ونكمل ضرب .. ندوب النشادر فى ربع كوب لبن او ممكن نستبدله بعصير برتقال ويبقى بالبرتقال ونضيف شوية بشر برتقال ننخل الدقيق مع البيكنج بودر ونضيفه للخليط السابق ونضيف اللبن او البرتقال

نلم العجين مع بعضه بدون عجن كتير يا جماعة عشان ميعملش عرق ... البسكوت ده بيتقطع بالمكنة بتاعة البسكوت مينفعش بكيس الحلوانى ... ويخبز على حرارة 180 حتى يصل للون الذهبى الفاتح ... وبالهنا والشفا .....

ملحوظة بسيطة على وصفة البسكويت للناس المبتدئة ...
العجينة هتكون جافة فى ايدك وناشفة شوية وخشنة متخافيش هى كده تمام مش محتاجة اى سوائل اخرى وهتديكى احلى نتيجة ان شاء الله