صارلي موقف قبل شوي رحت للبقاله ولقيت ولد يبكي ويترجى الرايح والجاي قلت وش فيك قال توديني للعزيزيه يا عم ؟ قلت خذ تكسي قال مافيه تكاسي الشرطه قالت ممنوع تكفى وصلني ابوي هبدني (ضربني) وامي قالت رح عند عمتك مدري خالتك تكفى لازم اروح قبل العصر ! قلت قل للشرطه ابوي ضربني وهم يودونك

قال لا ابوي على عيني وراسي مااشتكيه لو يذبحني المهم قلت العزيزيه بعيد وانا عندي شغل بطلب لك تكسي قال يوديني ب 40 ريال قلت ماعليك انا بحاسبه صار يتشكرني وجا بيحب خشمي وراسي قلت لا لا وحملت تطبيق كريم وسجلت وطلبت له تكسي وجلست انتظره تقريباً هالعمليه خذت نص ساعه وفجأه ...

وصل التكسي ووصل ابوه بنفس الوقت والله لوهم متواعدين ومتفقين مو كذا قالي وين لقيته ؟ قلت بالبقاله يبكي وركب الولد مع الوه وراح !! والتكسي وش اسوي فيه ؟ المهم اعتذرت للتكسي وجيت بعطيه فلوس ورفض قال انت اللي طالب له التكسي قلت ايه قال بيض الله وجهك .. انتهى

انا مو مضيق صدري الا انه قالي يا عم