أنا معك بكلامك هذا ،ودائمًا أنا مع المرأة ، لكن هل صدق إن الدين والقرآن يظلمون المرأة ويفضلون الرجل عليها؟ جمعت معلومات وأجوبة تخص اسئلتك هذي وبحطها لك تحت التغريدة
١- الورث ليه ورث الولد أعلى من المرأة ، الله يقول "الرجال قوامون على النساء" وهذي الآيه ما تعني إن الرجل قوام على النساء يعني بالسلطة وإنه افضل منها واعلى منها لا ماهو هذا المفهوم ، هذي الآيه تعني الرجل واااجب عليه يصرف على المرأة بينما المرأة حرّه بورثها تصرفه على زوجها او ....
٢- ليه شهادة المرأة بشهادتين بقولك السبب بس انا شفتك قلتي لأحد الاشخاص اللي رد عليك لا تقولي عشان اذا وحده نست الثانية تذكرها بس فعليًا هذا السبب صدق لأن الرجل ((((((((("غالبًا")))))))) يكون قدرته على التذكر اقوى من النساء وهذا ماهو عيب لا تحسبيه عيب ...
أو تصرفه على نفسها ماهو واجب عليها تصرف على احد حقها لها تصرفه مثل ما تبي ، هذا يعني الرجل يحتاج اكثر من المرأة لانه لو ما صرف عليها يأثم لانه ترك حق من حقوق المرأة عليه ، نشوف كثير نساء يصرفون على ازواجهم هذا ماهو واجب عليهم انما تكرم منهم ولكن الرجل لو ما يصرف على أهله فهو آثم.
ولكن هي غالبا اضعف من الرجل في هذا الجانب واكثر عرضة لمرض الزهايمر من الرجل ، وفيه دراسات جاءت بعد القران بمئات السنوات اثبتث هذي بصوّر لك اسم احد هذي الدراسات اذا كنتي مهتمه تتعمقين فيها ، كذلك المرأة عندها جوانب اخرى غير الذاكرة تتفوق فيها على الرجل ايضًا هذا ما يعني عيب بالرجل
٣- الموضوع الثالث اللي هو الدية، بالقرآن مافيه اي آيه اثبتت انه دية المرأة تساوي نصف دية الرجل بالعكس كان الموضوع مُطلق وكلهم متساوين وما فرق الله بينهم بهذا الموضوع وراح اوضح لك بهذي الصورة فيها تفسير الآيه اللي جاءت عن موضوع الديه
أما بالنسبة للمعلومة اللي جاتك عن الدية فهذي المعلومة انتشرت استنادًا على هذا الحديث "دية المرأة على النصف من دية الرجل" بس هذا الحديث ضعيف جدًا ولا يُعمل به ولا له سند صحيح، فـ إستنادًا على الآيه اللي بالقرآن دية المرأة تساوي دية الرجل ولا فيه فرق بينهم
٤- التعدد صح انه حلال بس مافيه ظلم للمرأة ابدًا، لانه ماهو حلال إلا بشرط اللي هو العدل اذا الرجال ماهو قادر يعدل بين زوجاته فحرام عليه التعدد،و للإسف فيه رجال كثار يعدد ويحسب إنه حلال عليه وهو ماهو عادل بينهم ففي هذي الحالة يعتبر التعدد حرام ، والرجل آثم.
٥- ليه الرجل عادي يتزوج بمرأة مسيحية او يهوديه والمرأة حرام تتزوج رجل غير مُسلم ، لان المرأة اكثر لينًا ورِقه و((عاطفة)) من الرجل ، ومعروف في (غالب) المجتمعات إن الرجل له الكلمة الأخيرة بالقرارات عشان كذا فيه احتمال انه المرأة ممكن تغيّر دينها اذا تزوجت رجل غير مسلم.
٦- لعن المرأة ، صح ان الحديث ورد في المرأة وانها تُلعن اذا رفضت الجماع (((((بدون عذر))))))، وبرضوا الرجل له نفس الحكم اذا دعته زوجته ورفض ((((((بدون عذر)))) لإن بالحديث ما ورد استثناء للرجل ، وفيه قاعدة تقول ما دام مافيه استثناء فالحكم عام على الجنسين.
٧- المرأة ليه ما تقدر تزوج نفسها، من قال هذا الكلام !، اصلا ما يصير الزواج الا بموافقة المرأة ولو تزوجت بالغصب فهو حرام ، اما اذا قصدك تبين المرأة هي اللي تروح تخطب وتزوج نفسها فكيف يصير هذا الشيء واصلا النفقه واجبه على الرجل والرجال قوامون على النساء ، برضوا بسألك عمرك شفتي ...
عمرك شفتي ناس من برى من غير المسلمين يعني، بنت تتقدم لولد وتعطيه الدبلة وتسأله هل تقبل تتزوجني؟ دائما هذا هو دور الرجل، فلذلك مسألة التقدم دور للرجل والمرأة لها الحق بالقبول أو الرفض
٨- ليه المرأة ما تقدر تطلق الرجل؟
الطلاق ماهو بس محصور للرجل ايضًا المرأة تقدر تخلع الرجل اذا كان ماهو معطيها حقوقها ومقصر معاها ، فحتى المرأة إذا شافت زواجها من الرجل مافيه خير لها تقدر تخلعه وتنفصل عنه
الطلاق ماهو بس محصور للرجل ايضًا المرأة تقدر تخلع الرجل اذا كان ماهو معطيها حقوقها ومقصر معاها ، فحتى المرأة إذا شافت زواجها من الرجل مافيه خير لها تقدر تخلعه وتنفصل عنه
٩- اسف على الإطالة واتمنى اني افدتك ولقيتي اجوبة لأسئلتك ، وتذكري دائمًا إن من صفات الله العدل فمستحيل أن يُفرق بين خلقه ويكون رافع الرجل على المرأة أو رافع المرأة على الرجل.
رتب @Rattibha
جاري تحميل الاقتراحات...