كيف تعمل بذكاء؟ #ثريد مختصر وبحاول إني أحط لك خارطة طريق توصلك لأهدافك باتباع طرق ذكية.. وعلشان ترفع من مستوى إنجازاتك الشخصية أو إنتاجيتك سواء في عملك أو حياتك. #المجتمع_الوظيفي #الموارد_البشرية
بسم الله
بسم الله
إذا عندك هدف أو مجموعة أهداف حاول إنك تجزءها او تفصلها لمجموعة أهداف صغيرة وتوزعها لمراحل اما نصف/ربع سنوية أو شهرية او حتى ممكن اسبوعية وتكون كل مرحلة مكتوبة ومرتبطة بالهدف الرئيسي اللي تحاول تحققه،وكل هدف تحط جنبه مؤشرات (وقت،جودة، الخ)حسب مؤشراتك اللي تخليك تعرف هل تطورت او لا
اثناء تنفيذك للهدف اعزل نفسك عن كل شيء سواء العلاقات الاجتماعية او التقنية وخاصة الجوال، التركيز مهم ولا تاخذك في نفسك رحمة أبدا وافضل شي إنك تقفل قنوات التقنية والجوال بشكل مؤقت (خلال عملك وتنفيذ الهدف مثلا ساعتين كل يوم) ولاتتصل بها الا للظرورة القصوى والعاجلة.
لاتسوي أي مهام ثانية حتى لو انت مستعجل اذا ماكانت ظرورية طبعا وركز على الوقت حقك اللي انت مخصصه لهذا الهدف وحتى لو انت متمكن وعندك مهارة عالية انك تسوي أكثر من مهمة بوقت واحد. التركيز عنصر اساسي في نجاحك.
إبدأ بالاهداف اللي تعطي نتائج سريعة ولها تأثير ومدى أوسع، علشان تحس انك انجزت وعلشان تعطيك دافع داخلي للاستمرار والاصرار. بس اهم شي يكون لها ارتباط بهدفك الاستراتيجي علشان ماتفقد التركيز والعائد من الاستثمار.
استمر بالروتين على متابعة وتحقيق هدفك بس لا تطول يعني مارس واتبع أكثر من طريقة للتنفيذ وجرب أشياء جديدة لفترة محددة ثم اكسر الروتين وارجع له بعدها، المهم انك تتابع خطتك بشكل اسبوعي/شهري وتشوف التطور او النمو.. لا تدقق على الادوات أكثر من المهارات والهدف..
كل فترة شهر مثلا خذ راحة يومين او ثلاث ولاتسوي اي شي فيها له علاقة بأهدافك يعني اطلع عن المألوف ومارس هوايات تحبها او ماتحبها فالمهم إنك ترجع لخطتك وانت مشتاق لها وفيك حماس، قفل اللي بديت فيه قبل تطلع للراحة يعني لاتخلي شي معلق.
اخيرا،لو بديت بشيء وجاك أحد قالك مايسوى ولو انك سويت كذا أزين لك او احد حاول يلفت انتباهك عن هدفك قله (صح عليك)وكمل شغلك ولا تهتم. طبعا استشر من تثق فيه ويكون متخصص وله تجربة سابقة بهدفك ثم فكر واعمل اللي تشوفه صح.
وتذكر انه مافي احد يتعلم من الكتب بس والخبرة ماتجي الا بالتجربة.
وتذكر انه مافي احد يتعلم من الكتب بس والخبرة ماتجي الا بالتجربة.
@Rattibha لاهنت
جاري تحميل الاقتراحات...