القصص الشخصية
العلاقات
تجربة شخصية
العائلة
الزواج
قضايا اجتماعية
القصة الشخصية
قضايا الزواج
القضايا الثقافية
الصدمة العاطفية
اسفة لو تدخلت بس ايش سبب طلاقك؟ — تدرين كثير يحسبونه سبب تافه؟ curiouscat.qa
تخيلو معاي تخرجت توي من الثنوي ودخلت ١٨ سنة في تاريخ ١٠/٨
وتزوجت يوم ٢٦/٨ لشخص ما اعرف ولاشيء عنه وكنت بزر وتزوجت غصب عشان اهلي عرفو عن محمد وارفضوه لانه بزر ولاني بزر وكان بنظرهم لازم يغطون الفضيحة هذي وتزوجت لواحد اكبر مني ب ١٦ سنة تقريبا انا مو قاعدة ابالغ لما اقول لكم
وتزوجت يوم ٢٦/٨ لشخص ما اعرف ولاشيء عنه وكنت بزر وتزوجت غصب عشان اهلي عرفو عن محمد وارفضوه لانه بزر ولاني بزر وكان بنظرهم لازم يغطون الفضيحة هذي وتزوجت لواحد اكبر مني ب ١٦ سنة تقريبا انا مو قاعدة ابالغ لما اقول لكم
اني وقت الزفة كنت انزف ودموعي مغرقتني والله العظيم كنت ادمع ومكياجي ساح وشكلي اخترب واحس بخوف وقمتة ورعب مب طبيعي وسافرت من القاعة لامريكا لانه كان يكمل ماجستير طبعا هو يقرب لي وانا اذكر كنت اسمع كلام عنه من وانا بزر كيف هو رجال زين وكويس ومحترم وظيفة وناجح ومتفوق وكل هالكلام
وصلت لبيتي في واشنطن وانا باقي فيني اثار مكياج الزواج تخيلو اني بهذيك اللحظة اخذ جوالي واذكر كان بلاك بيري كيرڤ كان محمد جايبه لي وانضربت ضرب اقسم بربي لو يهودي ماينضربه وبدون اي سبب لانه يقول فشلتيني تبكين والناس يحسبونك مغصوبة بس انا فعلا كنت مغصوبة وهو يدري
اخذ مني جوالي في ٢٠١٤ وماعاد شفت جوالي هذا غير في اخر ٢٠١٥ كان معطيني ايباد مافيه شريحة عشان اتفرج والعب كاني بزر وماقدر احمل اي تطبيق اكلم اهلي فيه كنت اكلم اهلي بجواله وهو موجود فقط تستوعبين؟ قعدت معاه تقريبا ٨ شهور كل يوم انضرب تخيلي بنت ١٨ سنة كل يوم تنضرب
بدون اي سبب؟ تخيلي ينطفي بجلدك وبلحمك دخان؟ تخيلي تنهبد راسك بالجدر بدون اي سبب؟ تخيلي ينقص شعرك تنامين بالارض وتطيحين بالحمام من كثر الضرب وانتي ماسويتي شيء؟ ماتشوفين الشارع؟ ماتكلمين اهلك ماتتواصلين مع اي احد؟كانت امه عايشة معنا وامه كانت تدري انه مريض وسكتت
تخيلي اني ٨ شهور كل يوم انضرب وانهان ويغتصبني كل يوم غصب عني يضربني يعنفني يقطع لي شعري اذا اشتكيت او تكلمت او طلبت بحق اني اخرج انضرب والين اشوف جسمي ينزف وانا موقادرة اسوي ولاشي؟ وامه كانت تقول انتي تعصبينه هو طيب هو حنين بس هي كذابة كانت تدري ولدها مدمن ومريض نفسي
وياخذ ادوية وماقالت؟ طيب تخيلي ان تشوفين زوجك يجيب قدامك البيت بنات وينام معهم ويعزمك واذا قلتي لا يمسكك يكسر عظمك ضرب؟تخيلي بنت عمرها ١٨ سنة تنحبس بالحمام عشان ما تبغا احد يغتصبها قدام احد؟ لاتحسبيني ابالغ انا للاسف عندي ادلة على كل هذا! حتى الشارع ٨ شهور ماشفته
ولو خرجت سوبرماركت اخرج معه ومع امه كاني سجينة!! تخيلي اذا جاتك الدورة برضو احد يغتصبك وماتعرفين اي الم تواجهين؟ تخيلي اني كنت اخذ منومات عشان ما اشوفه ومايكلمني ولا يقرب مني ولكن ماكان في شي يمنعه وهو سكران؟ بعد محاولات واقناع قدرت اقنعه اروح لاهلي زيارة واستغليت
لحظة خروجه خبيت كل شي وثبوتاتي تحت باب العمارة ولما رحت ازور اهلي واحدة ساكنة جنبي خذت اغراضي للمطار واعطتني هي عند البوردينق عشان مايدري وهربت ووصلت جدة واكتشفت اني حامل وكرهت نفسي
وكرهت الجنين وكرهت عمري وزني كان في الثلاثينات ٨ شهور ما اكل زين ولا اشرب زين وجسمي كله جروح كله دم كله اثار حروق دخان اثار ضرب وعض شعري الي كل الناس كانو يمدحونه صار خصلتين تستوعبين؟ وصلت جدة ورفعت قضية خلع او طلاق او اي شيء يخلصني منه بسرعة ولما صرت حامل بالشهر السابع
قلت بروح امريكا اخذ اوراقي وشهاداتي وملابسي وكل شي لي وصلت امريكا ورحت مع اخوي عشان مااكون لوحدي ومايستفرد فيني، تخيلي انه ماكان بالولاية اصلا ويوم دخلت الشقة اخوي خرج يشتري اكل وهو جا وقتها ولقاني بالبيت تدرين وش سوى؟ تستوعبين ولو شوي وش ممكن يسوي؟
مسكني ضربني ضرب عشان يبغا يموت بنتي مسك راسي دقها بمغسلة الحمام ضربني الين صرت اقسم بالله زي الجثة بيده ما اتحرك ودخل اخوي وانا قاعدة انضرب ومسكه وكان بيذبحه وودوني المستشفى ولدوني كان نبض بنتي خلاص بنتي بتموت حتى بنتي انا الي سميتها وسجلتها ماحد كان وقتها موجود
انتي تستوعبين اني انضربت والشقة كلها دمي؟ كلها جلدي الذايب المحروق ؟ تستوعبين اني نزلت فوق ٢٠ كيلو بدون ادنى مجهود ؟ تستوعبين اني اتعرضت للاغتصاب الف مرة وانحبست وانا توني بزر وهذا كله بدون سبب بس عشان بكيت يوم زواجي؟ انا لليوم جسمي مشوه حروق واثار ضرب وعض
انتي تستوعبين انه مسجون ليش؟ لانه اعتدى علي قبل ٦ شهور انا والعسكري بالمحكمة ضربني انا والعسكري وكان يبغا يضرب محمد وكان يضرب بنتي اذا اخذها ويبهدلها ويصورلي بنتي جنبها ممنوعات ومخدرات، انا ماشفت شي بسيط صدقيني انا من وانا بزر جسمي تكسر ضرب وشفت الموت الف مرة
وتجون تقولولني اهلك كيف راضيين عن حياتك اهلك كيف تاركين لك حريتك لاني انا الي تبهدلن واقل شي اهلي يسوونه لي انهم يعطوني حريتي الي اخذوها واهلي لليوم يبكون ونادمين عشان زوجوني له وابوي يقول لو ايش ما اسوي ما اقدر اكفر عن ذنبي لك لان ماحد كان يدري بيصير كذا ف انا ماشفت شي بسيط ابد.
اقل شي اهلي والدنيا يسووه لي انهم يعطوني حريتي اعيش حياتي نفس ما ابغا لاني تبهدلت وبكيت وانحرقت وانضربت وتشوهت كثييير وانا بزر وانا ماسويت شي ، كثير يقولولي كل الحريم تنضرب بس انا ما ابغا انضرب وانهان ويصير فيني كل يوم كذا مع واحد مريض نفسي مدمن وقذر والله ينتقم منه هو وامه
تخيلي ان امه كانت تشوفني انضرب واترجاها ماكانت تسوي شي تسكت تقول ولدي اذا عصب ما اقدر امنعه تدرين ان حتى هي كانت تنضرب معاي وكنت اترجاها تبلغ اهلي ويتصرفون ماترضى تقولي ولدي يحبك ويوم تطلقت قذفوني ودخلو بعرضي وقالو اني زانية وان هذي مو بنته وشهرو بسمعتي؟
اذا الناس والدنيا وانتم تشوفوني ما استحق السعادة عشان ماتعرفون وش عشت انا اشوف اني استحق اعيش نفس ما ابغا واعيش حياتي واخذ كامل حقوقي لاني عانيت وبكيت وانقهرت وانحرقت كثير وانا استاهل بعد كل هالعذاب اعيش نفس ما ابغا بدون ما احد يتدخل فيني..
جاري تحميل الاقتراحات...