الصادق المهدي و العقد الاجتماعي..
مذكرة #الصادق_المهدي او فلنقل حزب الامة الاسمها العقد الاجتماعي - واللي فيها تشبيه بفلسفة جان جاك روسو الفيلسوف الالهم الثورة الفرنسية - فيها كلام كتير كويس، ونقاط كتيرة برضو عليها تحفظات شديدة.. لكن كدي نركز في النقطتين المهمتين ديل
مذكرة #الصادق_المهدي او فلنقل حزب الامة الاسمها العقد الاجتماعي - واللي فيها تشبيه بفلسفة جان جاك روسو الفيلسوف الالهم الثورة الفرنسية - فيها كلام كتير كويس، ونقاط كتيرة برضو عليها تحفظات شديدة.. لكن كدي نركز في النقطتين المهمتين ديل
اولاً، و دي الأخف، قصة انه عاوز حصة اكبر في البرلمان الانتقالي عشان حزبه كان الفائز في آخر انتخابات شهدها السودان.. طبعاً بعد ٣٥ سنة، ح يكون اصغر زول صوت في اخر انتخابات عمره هسة ٥٣ سنة، مما يسقط الدعوى دي من قولة تيت..
النقطة الثانية ودي الأهم.. بيتكلم فيها عن مصالحة و عفا الله عما سلف و بتاع.. وعشان ما نظلمه نجيب صياغة الفقرة كاملة:
{يتفق على أساس لمشاركة القوى السياسية و المدنية التي ساهمت في معارضة النظام المباد في المرحلة الإنتقالية، كما تخاطب جماعة المؤتمر الوطني أن تقوم بنقد ذاتي معترفة بما أُرتكب من خطابا الانقلاب والإقصاء و التمكين والإستعداد للمساءلة القانونية لمن ارتكبوا الجنايات}
كدي خلينا من التلميح باشراك قوى زي الشعبي و الاصلاح الآن حزب الامة بتاع الفاضل وباقي الجماعة النطوا من مركب الحكومة يوم ١ يناير ٢٠١٩.. وديل اصلاً ما مفروض يكونوا جزء من الحكومة الانتقالية لأنهم سبب رئيسي في التمكين وبالتالي ح يعيقوا اي شغل ازالة تمكين..
لاحظتوا للغة الناعمة الاستخدمها في الفقرة؟.. طيب نقطة المؤتمر الوطني دي، الزول دة ببساطة عاوز يعمل زي ما حصل في جنوب افريقيا لما عملوا اشتغلوا عدالة انتقالية بعد نهاية نظام الفصل العنصري (الابارتايد).. طيب العدالة الانتقالية هناك طبقوها كيف؟
عملوا لجان سموها لجان الحقيقة و المصالحة truth & reconciliation فيها الناس الاتعرضوا لانتهاكات في النظام السابق قدموا شكاويهم قدام اللجان دي، في المقابل طُلب من المتهمين ان يشهدوا في المحكمة واذا اعترفوا بجرمهم يتم اعفاءهم من اي عقوبات جنائية.. يعني باركوها و عفى الله عما سلف..
هل نتخيل يعني مثلاً يجوا ضحايا حروب دارفور الفقدوا اولادهم و ازواجهم و اهلهم و اصحابهم واتقطعت بيهم السبل ويجوا يشتكوا أحمد هارون ولا عمر البشير، ويقوم الواحد فيهم يقول انا والله غلطان و بعترف وخلاص يا دار ما دخلك شر؟؟!
ولا هل نتخيل افراد الامن الاغتصبوا و قتلوا الشهيد احمد الخير يقولوا معليش و نطلق سراحهم؟ ولا قتلة د. بابكر و اخوانه يقولوا سوري وخلاص، يمشوا يشوفوا شغلتهم..
طيب هل شغل لجان الحقيقة و المصالحة دة فعلاً كان ناجح؟ وهل جرائم نظام الفصل العنصري في جنوب افريقيا ممكن نقارنها بعمليات الابادة الجماعية النفذهوا الاسلامويين؟؟.. وهل يمكن الحديث عن اي تسوية سياسية قبل اعمال تنفيذ العدالة فعلاً؟
هل الصادق المهدي فعلاً واعي ومتخيل انه الشعب ح يقبل بكلام زي دة، بس عشان مجد شخصي ويخت اسمه جنب مانديلا و غاندي على حساب الارواح دي؟؟!!.. ولا يفوز ليهو بنوبل للسلام و بتاع؟؟!.. ما مفروض يكون في اي كلام عن تسوية سياسية قبل حسم المحاسبة و ازالة التمكين.
اعتذارك ما بيفيد يا كوز..
اعتذارك ما بيفيد يا كوز..
@Muhamed__osman @AmroKamal دة غير الآثار السالبة الطويلة المدى اللي حاصلة ليوم الليلة بسبب المرارات الما تم علاجها بصورة سليمة... لو متابع قضايا ال xenophobic hate crimes 💁🏾♂️
جاري تحميل الاقتراحات...