#ثريد
(أغرب القصص الحصلت مع الناس) part 1:
.
سلسلة جديدة منكم وليكم نعرف فيها اغرب القصص الحصلت مع ناس عايشين معانا اصحابنا او اخوانا او اهلنا او معارفنا.
-الحاجات الغريبة ممكن تحصل لاي زول الواحد بس تكون علاقتو قوية مع ربو ويتحصن.
.
حنحكي قصص لناس حصلت معاهم مواقف تشيب الراس😳:
(أغرب القصص الحصلت مع الناس) part 1:
.
سلسلة جديدة منكم وليكم نعرف فيها اغرب القصص الحصلت مع ناس عايشين معانا اصحابنا او اخوانا او اهلنا او معارفنا.
-الحاجات الغريبة ممكن تحصل لاي زول الواحد بس تكون علاقتو قوية مع ربو ويتحصن.
.
حنحكي قصص لناس حصلت معاهم مواقف تشيب الراس😳:
-اول قصة من محمد @dxvv_7 :
(رتويت عشان يوصلكم كل جديد)
(رتويت عشان يوصلكم كل جديد)
انا محمد زول بحب اقرا كتير عن القصص وبحب اكتب خواطر. زول اغلب وقتي بكون قاعد براي بحب الهدوء وعندي عادة الساعه ١٢ بكون قاعد بكتب خواطر.
القصة ابتدت لمن كنت قاعد مع ود خالتي في شقتو ف الكلاكلة والحاجة الغريبة انو يكون نايم بس نومي كيف كيف مقطع زي الواحد البنوم ويصحى لمن الكهربا تقطع مع انو الكهرباء شغالة و الجو بكون بارد وكل الناس بتعرف برودة المكيف الاسبليت.
في يوم قلنا ننضف الشقة انا قلت انضف المطبخ في واحدة من الضلف ما بنفتحا اصلا لانو ما خاتين فيها حاجة قلت انضفا واخفف فيها شوية نستفيد منها.
لمن فتحت الضلفة لقيت مطبقات نفس التطبيقة حقت الحجاب ناديت ود خالتي سالتو قلت ليهو انت في زول بخش الشقة غيرنا قالي لا نهائي(الشقة مرات بنخليها بالشهور وبنسافر)
وريتو الورق القيتو مشينا الصالة اول مافتحنا الورق جسمي برد من الخوفة وشعر جسمي وقف شعرة شعرة وود خالتي دخلت فيهو خوفة ماشفتها قبل كدة.
لقينا ف الورقة الاولى نجمه سداسية مكتوب فيها اسم ود خالتي وابوهو وامو واخوانو. فتحت الورقة التانية لقيت اسمي واسم ابوي وامي واخواني.
قريت قصة قبل كدة انو الحل في حرق الورق دا وطلعنا وحرقناهم ورجعنا كملنا نضافة عادي. بعدها قلنا نلعب ببجي فجاة تلفوني قفل وبعدا بخمسة دقايق تلفون ود خالتي قفل الغريب انو تلفوناتنا جديدة ركبناها ف الشواحن اشتغلت فنص اللعب لمحت بعيني حاجة سودا بتتحرك من غرفة لغرفة ما اشتغلت بيها.
ود خالتي مشى الدكان وانا قاعد براي سمعت صوت بناديني محمد ما اشتغلت بالموضوع تاني الصوت نادى من قريب جهه المطبخ شلت نفسي بالعافية وطلعت مشيت الدكان.
لاقيت ودخالتي تحت وحكيت ليهو القصة رجعنا البيت وشغلنا قرآن وقعدنا حسينا بأمان لكن لسة في شوية خوفة شغلت قران ف السماعه ونومت وكانت اول مرة انوم مرتاح واحس ببرودة المكيف قعدت معاه يومين ورجعت لشقتي في الرياض.
جات الساعه ١٢ بعد ما كتبت خواطر قلت انوم واتغطيت بي بطانية وبي فوق ليها ملاية..... كنت خلاص بين نايم وصاحي فحاة كدة حسيت بالملاية انسحبت قلت احتمال في حاجة متقلاها من تحت قلت انوم.. فجأة البطانية كلها اتسحبت لمن انا اتسحبت معاها!
طلعت من الشقة ودقيت لود خالتي وبديت احكي ليهو تما لي القصة هو؟ استغربت قلت لي عرفت كيف قالي حلمت اني كنت بعمل ليك كدة. انتظرت لحدي الصباح ورجعت قعدت معاهو وبقينا على الحالة دي وبنشغل قران لحدي ما جا رمضان وهسي احسن.... انتهت
-قصة تانية من امل @amyabdo95 :
.
بحب قصص البيوت المسكونة لانو من وانا صغيرة عشنا في ٣ شقق في السعودية وكلها وراها قصص.
.
بحب قصص البيوت المسكونة لانو من وانا صغيرة عشنا في ٣ شقق في السعودية وكلها وراها قصص.
اول وحده كانت مسكوونه بي جن مسلم و عرفنا كداا فيما بعد و طوالي رحلنا .. كانت كبيره شديد و حلوه.. في يوم من الايام اخوي اكبر واحد رمى قزاز مكسور في الزباله بدون يسمي. بتذكر طلعنا المسا و بعد جينا راجعين مافي ولا صحن ولا كبايه من الرفوف قاعده في محلها.. كلها في الارض و مكسره حتت.
رحلنا عمارة تانية اختي الصغيره الزمن داك كان عمرها زي ٣ سنه كدا.. يوم جات قالت لي امي يا امي حبوبه قاعده في غرفتك قالت دايراك و جرت امي من يدها.. مشينا و الغرفه كانت ظلام و بقت تاشر بي يدها اهي يا ماما حبوبه في الركن امي ولعت النور و قالت ليها امشي جيبيها..
اختي صرخت وجات جارية لامي قالت عيونها بقت حمرا و مشت. (حبوبتي متوفية ليها زمن ربنا يرحمها).
-موقف تاني في نفس الشقه دي بتذكر كان عيد ضحية.. و كلنا بعد الغدا ملمومين في الصاله و كان في جك عصير قاعد في الصينيه في الارض.. شفت صوت الواحد لمن يشرب حاجة؟ .. بس نفس الصوت دا و الجك اتهز.. زي الزول شفط منو حاجة اقسم بالله اتصنمنا كلنا! و بعد داك اخدو الموضوع هظار.
اخر موقف غرفتنا كانت ملاصقه لي الصالون حق الرجال.. و بينا في باب زلاق قزازو بلر كدا ما بظهر بي وضوح..الصالون دا كان شبه ماف زول بخشو الا يجي ضيوف رجال في يوم اغبر بالليل انا و اختي صاحين شفنا طيف اسود واقف ورا القزاز اتنين واحد قصير و التاني اطول حبه.. والله ما بنسى ليوم.
-ثالث قصة من M @5iixii6 :
حبيت اشارك بس عن موقع كان قريب مننا في السعوديه تحديدا منطقه نجد.
حبيت اشارك بس عن موقع كان قريب مننا في السعوديه تحديدا منطقه نجد.
كان في جبل اسمه جبل (خنوقه) الجبل مشهور جدا والان اذا بحثت في الانترنت عنو بتجيك معلومات الجبل مشهور انو فيه قبيلتين من الجن تسكنه من سنوات قديمه جدا الجبل كان قريب مننا مسافه 40 كيلو تقريبا عل حسب ما اعرفو انو ال يدخل الجبل طبعا فيه فتحه نفس الكهف ان ال يدخله يطلع شاعر ،
بتكلم عن الموقف :
في مره من المرات قررنا نخيم عند الجبل ما كنا قريبين جدا من الجبل لا مسافه بعيده شوية جهزنا حاجاتنا وتوكلنا ومشينا اول م قربنا السياره غرزت في الرمل وم قدرنا نطلعها فجاه جونا مجموعه من الشباب عدد ٣ الله اعلم اذا كانو جن او انس كانو متجهين لينا من جهة الجبل. .
في مره من المرات قررنا نخيم عند الجبل ما كنا قريبين جدا من الجبل لا مسافه بعيده شوية جهزنا حاجاتنا وتوكلنا ومشينا اول م قربنا السياره غرزت في الرمل وم قدرنا نطلعها فجاه جونا مجموعه من الشباب عدد ٣ الله اعلم اذا كانو جن او انس كانو متجهين لينا من جهة الجبل. .
... متجهين لينا من جهة الجبل واحنا لينا ساعات نحاول نطلع السياره م قدرنا فا طلعو لينا السياره في دقيقتن بس وقالو لينا انو ما نقرب من هاذي المنطقه ورجعو من جهة الجبل واختفو في لمحه بصر المهم من صار الموقف واحنا ماعاد نقرب الجبل.
انتهى الثريد وان شاء الله بكرة ولا بعدو نعمل جزو ثاني لانو القصص كتيرة والثريد حيطول وشكرا لكل الناس الاتفاعلت معاي ويديكم الف عافية♥️🙏🔥.
.
(رتويت وفلو علشان يوصلكم كل جديد)
.
(رتويت وفلو علشان يوصلكم كل جديد)
حساب M كان فيهو غلط وكدا معليش.
@5iixil6
@5iixil6
جاري تحميل الاقتراحات...