كتبت الدكتوره Lola emad
السلام عليكم ورحمة الله وبركاته..
بإختصار انا حتكلم عن موقف واحد جمعني انا وزملائي مع د.اكرم #كلنا_اكرم_التوم
السلام عليكم ورحمة الله وبركاته..
بإختصار انا حتكلم عن موقف واحد جمعني انا وزملائي مع د.اكرم #كلنا_اكرم_التوم
( انا خريجة طب شهر12/2018 بس كالعادة ولأسباب كتيرة جدا اتأخر توزيع الامتياز حقنا سنة وتلاتة شهور ودي حاجة بتأثر جدااا في مسيرتنا المهنية المهم الحصل كآلاتي اتكونت لينا لجنة لكل طبيب اتخرج من سنة وحاجة ولسه قاعد في بيتو وحددنا يوم معين الكلام دا كان في شهر 3 الفات المهم قررنا احنا
مجموعة من الاطباء اننا نطلع في تظاهر ونمشي نحتج ونقلب عليهم ادارة الامتياز والوزارة وفعلا دا الحصل جهزنا بوستراااتنا وهتافاتنا ومشينا ادارة الامتياز اللي اصلا ما التفتت لينا ولا ادتنا ذرة اهتمام .. والكلام دا كلو موثق كان طبعا المهم شلنا رجولنا متجهين
لوزارة الصحة الاتحادية والحرقة واجعانا وخلاص وصلنا اخرنا اول ما وصلنا وبنهتف اللي ما بنرجع الا نتوزع ومدنياااااوو واحنا في قلب الوزارة طلع لينا د.اكرم قبل نتم هتافاتنا ونفك غبنتنا الحصل اتجمهرنا حولو وبدا يهدي فينا واحنا دمنا بيغلييي فاير
عديل وقالبين وشنا المهم الممثلين طرحوا نقاطهم وموضع المشكلة وكتر الكلام من هنا وهنا قام دخلنا جوا مكتبو احنا كتار طبعا فتح لينا باب المكتب دخلنا وقعدنا في الكراسي واصر الا كلنا نقعد وناخد راحتنا جدا ع الاخر لدرجة كان حيعزمنا شاي بس عملنا روحنا خجلانين احنا وكدا وعندنا قضية جينا
عشانها المهم بعد قعدنا كلنا وعم الصمت الا اصوات الممثلين واحنا بنعاين بترقب متوقعين ردة فعل متوحشة منو بس الحصل عكس كدا تماما د.اكرم احتوى مشكلتنا بصورة تامة يا جماعة وكانت واحدة من اقتراحتنا عليه انو نتوزع بدون رواتب تعرفوا قال شنو
لينا ماف كلام زي دا ما تتنازلووا عن حقكم خااالص الراتب دا حقكم احنا بنرفع تقرير لوزارة المالية وهي واجبها ووظيفتها انها تصرف ليكم قال ما بيكلف زول انو يخلي عملو قصدو وزارة المالية وطبعا احنا اقترحنا كدا كان بسبب انو التوديع متأخر بسبب ماف قروش في الخزنة
وهو قال لينا انو في قروش وانو ميزانية الصحة السنة دي زادت المهم بدينا نشكرو كدا قال لينا اوعى تشكرو زول على واجبووو دا واجببببب والحاجة التانية لمن وريناه انو عندنا مشكلة مع ادارة الامتياز وهم بيتجرجروا معانا استدعاهم قدامنا وحقق منهم وانصفنا انصااااف انا بالجد ما بقدر اوصل كل
الحصل وقتها ويومها بس د.اكرم زول حقاني ودغري شديييييييددددد ما عندو لف ودوران ومنصف جدا احنا كنا حننزل نهاية سنة2020وكنا حنكون تمينا سنتين في البيت بدون شغل بس بعد اسبوع تماما كان عند كلمتو وقدرها ونزلنا فعلا واستلمنا اشغالنا .. .
د.اكرم انسان وطني جدا وبشهادة صديق مقرب ليه
د.اكرم انسان وطني جدا وبشهادة صديق مقرب ليه
دكتورنا في الجامعة لمن لاقيتو واتناقشنا حول اللي حصل كلمني قدر شنو د.اكرم خلى وظيفتو اللي اصلا كان ماسكها تبع منظمة الصحة العالمية وكل شي وجا السودان مع المدنية لأنو زول خدووووم وحابي يخدم بلدوووو.
حيجي يوم ويثبت لكل الناس انو د.اكرم اكتر زول شايف شغلوو رغم الحاصل دا ورغم جذور
حيجي يوم ويثبت لكل الناس انو د.اكرم اكتر زول شايف شغلوو رغم الحاصل دا ورغم جذور
الفساد اللي لسه قاعدة في كل الوزارات بس هو انسب زولللل للمنصب دا وفي الوقت الراهن دا خصوصا ...
من المُشييين جدا اننا نكون جاحدييين ....
Lola emad🌺💜
#ادعم_دكتور_اكرم
من المُشييين جدا اننا نكون جاحدييين ....
Lola emad🌺💜
#ادعم_دكتور_اكرم
جاري تحميل الاقتراحات...