ابن تيمية حلو بس أسامة بن لادن أساء فهمه. خالد بن الوليد حلو بس أبوبكر البغدادي هو اللي قلّده غلط. صلاح الدين الأيوبي حلو بس كان لازم يقتل آلاف من الشيعة حتى يستتب الأمن في البلاد. الخلافة جميلة حتى لو تسببت في شلالات من الدم. الشريعة رائعة بس تحتاج ظروف معينة لتطبيقها..
الكلام دا ممكن يكون مفهوم لو يقوله إسلامي عايز يكسب ود المثقفين أو ينافق الغرب. بس لما الدولة والفن يتبنوا نفس الخطاب يبقى دا إفلاس فكري واستسلام لمنطق المتطرفين...
لو عايز تحارب الإرهاب يبقى لازم تحطم كل رموزه وأصنامه أمام من يؤمنون به ومن لا يعرفون كل الحقائق.
لو عايز تحارب الإرهاب يبقى لازم تحطم كل رموزه وأصنامه أمام من يؤمنون به ومن لا يعرفون كل الحقائق.
لازم تتخلى عن المصطلحات التي يستخدمها الإرهابيين زي الجهاد والشهادة، ولازم تجرهم لملعبك مش تجري وراهم في ملعبهم وتفسر القرآن والأحاديث لأنهم حيتوهوك في سراديب علم الرجال والجرح والتعديل والناسخ والمنسوخ وهيبقى شكلك وحش.
لازم الإرهابيين واللي بيؤمنوا بأفكارهم هم اللي يبقوا في موقع الدفاع ولازم هم اللي يبرروا. ليه انت كدولة وكفن وكإعلام تدافع عن دروعهم اللي بيتحصنوا بيها ورموزهم اللي بتديهم شرعية؟
محاربة التطرف الديني بكلام معسول من أو عن الدين أو بتقريب جماعة دينية من السلطة لمهاجمة جماعة دينية أخرى لم يأتِ يوماً بأي نتيجة إلا زيادة التطرف وزيادة مطالبه بل وتوحشه، واسألوا التاريخ عن الرئيس المؤمن محمد أنور السادات!
جاري تحميل الاقتراحات...