وأخيرا جاء اليوم اللي بتكلم فيه عن مشروع تخرجي! هذا الثريد بيكون فيه مشواري في هذه الرحلة من البداية ، ببدأها بشوية نصايح لاختيار الأعضاء والفكرة والسوبرفايزر اللي بيمسك والمصادر والأدوات اللي ممكن تحتاجها ويالله بسم الله نبدأ! 👏🏻🎓
اعتقد أول خطوة هي : اختيار الأعضاء وحرفيا ما أقدر أوصف أهمية هذه الخطوة لأني أشوف إن 70% من نجاحك وفعاليتك وأدائك وراحتك النفسية مرتبطة بالأعضاء اللي معك ف مهههم جدا تكونون متناغمين وتكَونون نفسكم من مستوى سادس
إذا وحدة طلبت منك تكونون تيم سوا وانتي مو مرتاحة لها أو ما تبغين لاي سبب كان (لا تستحين ترفضين بس بأدب طبعا) لان هذا مشروع تخرج مو أي بروجكت بتقعدون سنة كاملة مع بعض فضرووري التيم حقك تكونين مرتاحة معاه وأفكاركم متقاربة عشان تبعدون عن المشاكل قدر الإمكان 😴
مهم يكون فريقكم مقسمه مهاراته بمعنى :
وحدة شاطرة بالكتابة وصياغة الجمل وإنجليزيتها كويسة ،
وحدة شاطرة بالكودينق ،
ووحدة شاطرة بالبحث وكيفية استخراج المعلومة ..
أحس هذي اهم 3 أشياء بس تقسيمتكم بناء على مشروعكم ممكن تتغير 👌🏻
وحدة شاطرة بالكتابة وصياغة الجمل وإنجليزيتها كويسة ،
وحدة شاطرة بالكودينق ،
ووحدة شاطرة بالبحث وكيفية استخراج المعلومة ..
أحس هذي اهم 3 أشياء بس تقسيمتكم بناء على مشروعكم ممكن تتغير 👌🏻
بعد ما يتم تكوين التيم نجي لاختيار الفكرة ، عن نفسي كانت الطريقة كالتالي : قلت للتيم حقي من أول يوم إني ابغى مشروعي يكون بال VR ويساعد الناس بس ايش بالضبط؟ مادري والحمدالله فريقي كان موافق على الفكرة والمحادثة كانت كالتالي
* سبويلر: التيتشر اللي ذكرناها ما داومت الترم الجاي بكبره
* سبويلر: التيتشر اللي ذكرناها ما داومت الترم الجاي بكبره
ليه يا رغد VR بالذات؟ بمستوى رابع كنت عضو في نادي بكليتنا اسمه كوديو، دخلت مسار تطوير الألعاب وجربت إني أسوي بروجكت صغير على ال VR فكرته كانت Maze بوسط الفضاء ( لسبب ما) والشخص يحاول يطلع منها وكانت كالتالي 🤩
ما اذكر إذا انا مصورة شيء (كنت مرا متحمسة وداخله جو ) بس شوفوا تغريدة هذي اللطيفة تفي بالغرض 👌🏻❤❤:
فهذه التغريدة مخصصة لهذا النادي الرهيب ، شكرا فاطمة القحطاني على تأسيسك لهذا النادي شكرا لكل القائمين عليه شكرا لمشرفات الكورس نورة وبشاير ونورة شكرا ل @shahd_a7mad صاحبتي بالمجوعة اللي كنا نحمس بعض وأكيد شكرا لصديقتي @ithana_2 اللي للحين نحمس بعض بهذا المجال ❤❤
فـ اختياركم للفكرة لازم يكون مقسم عدة أجزاء : اختيار المجال هل هي سوفتوير أو هاردوير؟ إذا هاردوير ( اردوينو ، رازبيري باي ...)
إذا هي سوفتوير ايش بيكون توجهكم؟ ( أندرويد ، أي ا واس ، بي سي ... ) هل تبغونه يكون VR ، AR ،ML ، AI واللسته تطول فضروري تحددون بالأول مجالكم 🤓
إذا هي سوفتوير ايش بيكون توجهكم؟ ( أندرويد ، أي ا واس ، بي سي ... ) هل تبغونه يكون VR ، AR ،ML ، AI واللسته تطول فضروري تحددون بالأول مجالكم 🤓
بعدها نبدأ بأهم الأسئلة، ايش المشاكل اللي موجودة بالعالم ومجالنا يقدر يحلها؟ مجالنا وين تبرز مميزاته؟ فهنا يبدأ العصف الذهني وممكن هالمرحلة شوي تطول معاكم ، كانت بدايتها معانا كالتالي * ركزوا على " اللي انحبسوا بمصعد" أحب أقول إن هالفكرة تم كنسلتها وقت العصف الذهني 😂
الى أن صار وقت التسليم الأسبوع الجاي! ورجعنا نقرا الأفكار فجاه استوعبت .. دقيقة كان فيه فكرة رهيبة كنسلناها! 🙆🏻♀️🤦🏻♀️
ومن هنا كانت البداية طلع Cubed للدنيا✨ هدفه؟ Be comfortable in the uncomfortable 👌🏻
ومن هنا كانت البداية طلع Cubed للدنيا✨ هدفه؟ Be comfortable in the uncomfortable 👌🏻
فكرتنا كانت كالتالي :
ثبتنا هالفكرة الأساسية بعد ما قالت لنا كووردينيتور المادة إنها (ممتازة) هذا الشيء حمسنا أكثر نثبت عليها وبدت مرحلة البحث عن مشرفة لان لصدمتنا التيتشر للي كنا نبيها ما داومت الترم كله 💔 عشان كذا أعيد وأزيد وأقول "حطوا خطة أ وب وت الى ص " فبدأت مرحلة البحث عن مشرفة
بدينا نطق على المشرفات باب باب ونطرح عليهم فكرتنا ونشوف مجالات كل تيتشر وإذا هي مهتمة أو لا وصدق هذي الفقرة شينة ما حبتيها كنت أحس إني متطفلة عليهم 😂💔💔
طبعا حفلات زي كذا لازم تصير 😂😂
عبينا رغباتنا للمشرفات ورتبنا أفكارنا وأحب أقول إن مشرفتنا نزلت علينا من السماء لأنها حتى ما كانت من ضمن الاقتراحات والحمدالله هذا كان من الطف الأشياء اللي صارت لنا .. مسكتنا تيتشر راوية بن شيحة❤ ويااا إلهي انا فخورة بإني وحدة من بناتها 😭😭❤ يوم يؤرخ
وبدأت رحلة البحث عن طبيب نفسي للاستشارة وهالشيء ما كان سهل لان ماتوقع أحد كان ماخذنا بجدية فصدق تعبنا واحنا ندور على هذي السالفة 🤦🏻♀️🌚
وتغيرت وتمحورت الفكرة لأكثر من شكل الى آخر والى اخر شهر و إحنا نغير فيها (طبيعي) خذوا راحتكم بهالمجال، اخر نصيحة بقولها لكم قبل ما أكمل قصتي هي : المصادر اللي بتحتاجونها للجي بي وكيف ممكن حياتكم تتسهل ولا تدخلون بحوسه التعديل ورا بعض:
أولا: بما إنكم بتستخدمون الوورد فأنصحكم تستخدمون نسخة أونلاين وحدة .. ما تصدقون شكثر هالشيء يختصر وقت!! طبعا قبلها يحتاج تحفظونه بقروب SharePoint بينكم .. الشير بوينت تحصلونه في موقعكم الرسمي ولكم Full access عليه ويسهل عليييكم مرا وأحلى شيء أن كله أونلاين وبينكم محدث لآخر نسخة
هذا رابطه يا طالبات جامعتنا : imamuedusa.sharepoint.com
ثانيا : وأكيد بتستخدمون مصادر كثيرة اهم شيء ابعدوا عن citation اللي بالوورد انحااشوا منه لأنهم مب دقيق .. استخدموا الرهيب Zotero يمديكم بوسطه تسوون قروب ويصير بأي ريسورس يضيفه أحد منكم ينضاف للجميع ✨واضح لكم قد ايش كرفته بمشاريعي؟ المهم هذا رابطه : zotero.org
ثالثا: لازم تستخدمون برنامج للتصحيح النحوي احنا شخصيا اشتركنا في Grammarly premuim و كان يفي بالغرض في اغلب الأحيان الحلو بالموضوع انه يمديك تحمل برنامجه او كإضافة بمتصفحك المفضل او باختصار اضيفه للورد نفسه وعلى طول يصحح لك كلامك مثل ما هو قاعد يقروشني حاليا و انا اكتب ..
و يمديك تحدد الفئة المستهدفة ونسبة الغش واشياء كثير هذا رابطه : app.grammarly.com واعتقد هذي أهم الأشياء يالله نكمل قصتنا 👏🏻👏🏻
زيارة واستعارة المشاريع السابقة امر لابد منه 📚👌🏻
بتنامون وتقومون على البحث وشغل المشروع وهذا شيء طبيييعي جددا 😚
وخلصنا الترم الأول الحمدالله 😍
بالنسبة لي GP2 كان أضعاف المجهود ومشاعري ونفسيتي أقدر اوصفها بال Roller coaster ساعة اضحك لان اللي أبيه ضبط وساعة ابكي ليش مو قاعد يضبط !! بعدين ارجع اضحك لان غلطي كان تافه ويستمر اللوب...
قمة الانفصااام 😂😭
والان مع فقرة تجميع التويتات المتعلقة بالجي بي بس دقيقة لازم نرجع فلاش باك شوي ونذكر هالتغريدتين 😂👍🏻👍🏻
حب الحاسب كان فيني منذ الولادة شكله 😂😭
ومن أولى ابتدائي :
يالله نكمل وطبعا ما ننسى سالفة الورد :
سلمنا جي بي 1 👍🏻
طبعا لازم يصير فيه اكشنات 😂
اخر يوم في 2019 يؤرخ بعد ❤
لالا صدق وقتها كرهت البتنز
ثريد كامل عن المحادثات السابقة وحالتي النفسية وقتها 😂👌🏻حرفيا أحب أحب هذاك اليوم كمية الإنجاز اللي سويته فيه الحمدالله تفووووووز :
طبعا كانت فيه أيام غامقة شوي
ربي استجاب الحمدالله
أول ميلاد لكيوبد
لا ننسى هذا الرياكشن 😂
طبعا ما نتكلم عن هالفترة 🌚
بس هذا نتاجها ✨
وهنا ردود أشخاص عزيزين وريتهم المشروع 🤩❤❤
قد ذكرت إني أحب مشرفتي؟ معليش ما وفيتها حقها شوفوا زيادة ❤❤❤:
أول ما خلصت تعديل المشروع 😢
سلمت جي بي 2 😭
قبل المناقشة
بعد المناقشة
نوع من أنواع الراحة النفسية
لما بدا التعليم يصير عن بعد والحفلة اللي صارت لنا :
وقت المناقشة عن بعد شيء ثاني 😭 كنا فاتحين سيشن بلاك بورد ونسولف + ما كنا نعرف مين اللي بيناقشنا فجأة دخلت وحدة وكانت ساكته كم دقيقة والوضع 😶😶:
مشكلة صارت لي وما استوعبتها إلا عقب من كثر التيستينق اللي كنت أسويه نظاراتي كانت تتحكك مع الفي آر وكل يوم أحس بالصداع يزيد والسبب : المشكلة إني فصلت نظاره جديدة بس الحجر خرب على ولا قدرت استلمها 💔
سهرت الليالي والصباحات ✅
مخي في أوقات كثيرة ما كان يشغله إلا الجي بي ✅
حرفيا هذي الملاحظات كنت اكتبها بدقيقة قبل أنام وأول دقيقة من أقوم
بس الحمدالله الدرجة تجبر والله ❤
مخي في أوقات كثيرة ما كان يشغله إلا الجي بي ✅
حرفيا هذي الملاحظات كنت اكتبها بدقيقة قبل أنام وأول دقيقة من أقوم
بس الحمدالله الدرجة تجبر والله ❤
وهذي بعض الصور لحياتي اليومية بهذا الترم :
ونجي للبطل الخفي خلف هذا كله
وفي الختام ، شكرا شكر عظيم لكل من وقف معاي بهالمشوار ولكل من شجعني وألهمني فيه واللي شَهِدَ حلطمتي ، تخرجي هذا اهديه لكم ❤
ومع ظهور الدرجة اليوم أنتهي من مسيرتي الدراسية بتحقيق حلم الطفولة والتخرج من كلية الحاسب.. وآخر دعواهم أن الحمدالله رب العالمين ❤❤❤❤🎓
ومع ظهور الدرجة اليوم أنتهي من مسيرتي الدراسية بتحقيق حلم الطفولة والتخرج من كلية الحاسب.. وآخر دعواهم أن الحمدالله رب العالمين ❤❤❤❤🎓
جاري تحميل الاقتراحات...