في الثريد ده ح أكتب مجموع من الحاجات البديهية البتوقف حياتنا رغم بساطتها
وبتمنى إنو ما نعلق في البديهيات 👇🏼💙
وبتمنى إنو ما نعلق في البديهيات 👇🏼💙
البدايات الكبيرة خرافة؛ كل الأشياء العظيمة بتبدأ صغيرة وناقصة، من مسودات عشوائية وأفكار عارضة.
أبدأ الآن بالمتوفر ... رحم البدايات الكاملة عاقر.
أبدأ الآن بالمتوفر ... رحم البدايات الكاملة عاقر.
الوقت المناسب خدعة كبيرة جداً جداً؛ وأثناء انتظارك للحاجة المافي عشان تجي، ح تكون الحاجة الفي مشت.
عقولنا بتقدر تصيغ الحجج كويس جداً، ودايماً العذر لإنك ما تنفذ ح يكون مقنع.
الحقيقة إنو الوقت المناسب بصنعوهو ما بستنوهو.
عقولنا بتقدر تصيغ الحجج كويس جداً، ودايماً العذر لإنك ما تنفذ ح يكون مقنع.
الحقيقة إنو الوقت المناسب بصنعوهو ما بستنوهو.
التفكير في إنو الماضي لو رجع كنت ح تتصرف أحسن من تصرفك العملتو أبداً ما صاح.
انت في وقتها اتصرفت بكل المعطيات والإمكانيات الكانت عندك؛ وحالياً بتشوف نفسك غبي لأنو إمكانياتك زاد ومعطياتك اتغيرت - أقلاها إنو النهاية انكشفت ليك - فما تندم؛ لأنو اذا الزمن رجع بيك ح تعمل نفس العملتو.
انت في وقتها اتصرفت بكل المعطيات والإمكانيات الكانت عندك؛ وحالياً بتشوف نفسك غبي لأنو إمكانياتك زاد ومعطياتك اتغيرت - أقلاها إنو النهاية انكشفت ليك - فما تندم؛ لأنو اذا الزمن رجع بيك ح تعمل نفس العملتو.
من البديهي جداً إنك تحب شخص وما يبادلك الشعور، إنك تختارو وما يختارك، إنك تعمل ليهو كل حاجة سمحة، وللأسف العكس ما يحصل.
الحاجات دي بعملها الزول باختيارو، ما ينفع تغصب عليها ولا تستجدي.
الحاجات دي بعملها الزول باختيارو، ما ينفع تغصب عليها ولا تستجدي.
الأفلام والمسلسلات والروايات لا تنقل الحقائق؛ ولكن بتنتج العايزو انت وح تشتريهو "والعايزو انت ما ضروري يكون حقيقي".
فمن السذاجة تاخد معايير حياتك "خاصة العاطفية" من فيلم أو رواية.
فمن السذاجة تاخد معايير حياتك "خاصة العاطفية" من فيلم أو رواية.
فكرة إنك ستنال كل ما ترجوه دي ما صحيحة؛ لأنو مافي زول وعدك بيها ولا حتى ربنا، إنت الفهمت نفسك كده.
وجود مفهوم البلاء، الكرب، الصبر ... ووجود شعور الحزن وحالة البكاء؛ دي أكبر أدلة على إنو في قدر من السوء مفروض نعيشو في حياتنا.
وجود مفهوم البلاء، الكرب، الصبر ... ووجود شعور الحزن وحالة البكاء؛ دي أكبر أدلة على إنو في قدر من السوء مفروض نعيشو في حياتنا.
إنت عندك قيمة، وقدر، وأثر مهما شفت نفسك تافه وعديم فايدة ... المشكلة بس إنك ما دايما بكون متاح ليك تعرف كده؛ فما تستقل نفسك.
لا تكن عالقاً في البديهيات💙.
لا تكن عالقاً في البديهيات💙.
جاري تحميل الاقتراحات...