المشكلة ما مع أكرم ولا مع القراي ولا مع محمد الأمين التوم، المشكلة مع انهم بدوا يفككو التمكين الما تحت يافطة الكيزان، لكن المربوط مع حلفاؤهم في شبكة المصالح.
اي زوبعة تحصل دا أساسا، نتذكر انه دي ثورة و التغيير مشوار و الداير ينزل في أول محطة بكون داير يوقف الباص يشتروا من حلته.

ننسى الأسماء و نشوف السياسات، مجانية التعليم و الصحة ، تحسين القطاع العام للمستشفيات المركزية، تحسين المناهج للمدارس الحكومية، طوالي حيظهروا ليك المتضررين و العندهم نفوذ و قدرة على تحريك الاعلام و تحريك اذرعهم من مقاولي القوة، تدفع ليه يكتب ليك مقال و بسرب خبر و يأجج و يحرف

الناس ترد الأمور لي حقيقتها و تشوف الصراع في كل مستوياته، و تختار الصف البجيب ليها حقها و بحسن وضعها في صحة و تعليم اولادها و مستقبلهم و في تحسين أوضاع الكوادر البشرية البتنفذ للسياسات البتضمن تحقيق مصالح قوى الثورة ، دي مسؤولية جماعية