بسم الله.
.
.
ثريد عن رحلة #إجلاء_السعوديين من #بولندا اللي أنا كنت واحد منهم.
إن شاء الله تستفيدوا منها.
#عودة_امنة #اجلاء_السعوديين_العالقين_بالخارج #إجلاء_السعوديين
.
.
ثريد عن رحلة #إجلاء_السعوديين من #بولندا اللي أنا كنت واحد منهم.
إن شاء الله تستفيدوا منها.
#عودة_امنة #اجلاء_السعوديين_العالقين_بالخارج #إجلاء_السعوديين
في آخر أيام شهر أبريل، كنت أبحث في موقع الخطوط عن أي رحلة من وارسو إلى السعودية. بالصدفة لقيت إنهم جدولوا رحلة يوم ١٠ مايو من وارسو إلى جدة الساعة ٤ العصر. الخبر كان فعلًا مفرح بالنسبة لي ع الأقل وخصوصًا إنهم أخيرا بدأوا في الإجلاء من بولندا.
خلال العشر الأيام دي، كانت السفارة تتصل إما لتأكيد العودة أو الغائها. طبعًا أنا أكدت. بعدها بيوم اتصلوا يخبروني عن موعد الرحلة وقالوا لازم نكون في المطار قبل الرحلة ب٤ أو ٥ ساعات. قالوا كمان لازم نحضر بكمامات وقفازات.
للأسف السفارة ما كان عندها علم بأي إجراء بعد وصولنا للسعودية مثل مدة الحجر وموعد الفحص وجميع الإجراءات التي تلي الوصول. كان الوضع مبهم ومجهول. صح كان عندنا فكرة عامة بس بدون تفاصيل.
يوم الرحلة، وصلت على مطار وارسو قبل الرحلة ب٤ ساعات. الطابور كان واصل إلى خارج المطار بسبب التباعد مش الزحمة. عملنا check-in وشحنا الشنط وتم التفتيش وختم الخروج بشكل عادي وسلسل. صحيح استغرقنا ساعتين بس الوقت مشي
ركبنا الطيارة، التباعد كان بين الأفراد، والعوائل عادي جنب بعض. للأمانة طيارتنا ما كانت زحمة. أخذت لي ٤ كراسي 😅، وزعوا لنا الطاقم كمام واحد ومناديل معقمة وعادية. بعدها جابوا snacks مغلفة مع عصير وماء. مدة الرحلة ٥ ساعات، يعني فلمين وانت واصل إن شاء الله، بالنسبة لي ما حسيت فيها.
نبدأ في الجزء المثري في القصة وهو عند وصولنا إلى جدة. أولًا نزلنا من الطيارة على دفعات ووزعونا بأعداد معينة في باصات المطار. ولما دخلنا المطار كانت في موظفة تقيس درجات الحرارة، وموظف آخر يقيس بالكاميرا الحرارية. بعدها ختم الدخول اللي كان ملاحظ فيه التباعد بين الركاب.
بعدها رحنا إلى منطقة استلام الشنط. المنطقة هنا كانت عشوائية وكأنها حراج. الشنط كثيرة مرة ونزلوها من على السير ووقفوها على الأرض فصار الكل يدور على شنطته هنا وهناك وصارت حوسة وما كان فيه أي تباعد. كان الوضع غريب فعلًا هنا.
بعد بحث على الشنط، طلعنا من المطار، وتوجهنا للباصات اللي رح توصلنا للفندق.
طلبوا مننا في البداية نأخذ شنطة وحدة بس والباقي نخليه عندهم وهما يوصلوها لنا بعدين. أتوقع سبب الحركة دي انه ما في مكان في الباصات اذا الكل أخذ كل شنطه معاه، واحنا ما شاء الله كل واحد معاه شنطتين واكثر
طلبوا مننا في البداية نأخذ شنطة وحدة بس والباقي نخليه عندهم وهما يوصلوها لنا بعدين. أتوقع سبب الحركة دي انه ما في مكان في الباصات اذا الكل أخذ كل شنطه معاه، واحنا ما شاء الله كل واحد معاه شنطتين واكثر
تركنا باقي الشنط عندهم وركبنا الباصات وتوجهنا للفندق. الفندق كان شوية بعيد عن المطار فأخذنا لفة في جدة. كان وقتها الساعة ١٠ بالليل. وقتها جدة كانت فعلًا مختلفة مو زي ما تعودت عليها. ما كان فيه احد كنا في كأننا في موكب الوضع جدًا مخيف والتفتيش في كل مكان. عندما تنام المدن.
لما وصلنا الفندق كنا على كلام الموظف ٩ باصات، كنا كثير، وكانو ينزلوا على دفعات شوية شوية. انا كنت في الباص قبل الاخير. فطولنا شوية على ما جا دوري تقريبًا أبو ساعة. في هذه الساعة جا موظف وزارة الصحة ووزع على كل واحد ٤ أوراق، تعبي فيها بياناتك وتوقع على تعهدات الحجر الصحي كلها.
جا دورنا ونزلنا من الباص كل ٥ أشخاص مع بعض. دخلنا ورحنا للاستقبال وتعمل تسجيل دخول للفندق عادي ويعطوك ورقة تسلمها للي رح يعملك فحص كورونا. طبعًا الكل لازم يسوي الفحص. لما تسويه ما تحس بألم زي ما الكل يقول ولكن هو أكثر للشعور المزعج، يستمر عادة لمدة ربع ساعة وطبعًا يخف تدريجيا.
بعد الفحص، يسلموك مفتاح الغرفة ويطلبو منك تعطيهم الورقة اللي فيها الباركود حق شنطتك عشان يجيبوها لك لغرفتك. الباركود ده يعطوك هوا مع تذكرة السفر، فلا أحد يرميه. والحمد لله أخيرًا دخلت غرفتي، كانت نظيفة ومرتبة ولقيتهم مجهزين السحور على الطاولة. شكرًا على الصورة @abdullahksa94
وبعد السحور يكون انتهى اليوم وانتهت رحلة الإجلاء. بإذن الله رح اكتب عن يوميات الحجر في الأيام المقبلة. بس قبل كدا خليني أقول لكم شوية نصائح تفيدكم إذا عندكم رحلة إجلاء في زمن الكورونا:
١- يفضل تجيبوا معاكم قفازات وكمامات ومعقمات خاصة فيكم.
٢- لازم تكونوا في المطار قبلها ب٤ ساعات
١- يفضل تجيبوا معاكم قفازات وكمامات ومعقمات خاصة فيكم.
٢- لازم تكونوا في المطار قبلها ب٤ ساعات
٣- جيبوا معاكم شنطة صغيرة وحطوا فيها ملابس وغيارات حقت أول يوم، لأن باقي الشنط رح توصلكم بعدين وغالبا في اليوم الثاني.
٤- من الأفضل تأكلوا في بيوتكم قبل تروحوا المطار، أو تجيبوا معاكم أكل أو snacks، لأن كل شي في الطريق بيكون مقفل وما بتلاقوا شي تشتروه.
٤- من الأفضل تأكلوا في بيوتكم قبل تروحوا المطار، أو تجيبوا معاكم أكل أو snacks، لأن كل شي في الطريق بيكون مقفل وما بتلاقوا شي تشتروه.
٥- ما يركزوا كثير على الوزن الزايد في الشنط. يعني اذا ٣ كيلو زيادة أو شي انا مشيت معي وما دفعت شي.
٦- تحلوا بالصبر واتكلوا على الله وإن شاء الله توصلوا بسلامتكم وعافيتكم.
٦- تحلوا بالصبر واتكلوا على الله وإن شاء الله توصلوا بسلامتكم وعافيتكم.
في الأخير، من نِعَم الله التي لا نُلْقِي لها بالًا، هو أننا فعلًا ننتمي لهذا الوطن. هذا الكم من التنظيم والترتيب والترحيب كان مبهرًا جدًا. رغم أن معظم الإجراءات كانت مبهمة لي، إلا أن كل شيء حدث بطريقة سلسلة وسريعة. الحمد لله🇸🇦والله يرزقهم جميعًا بما يريدون ويجزيهم عنا خير الجزاء
جاري تحميل الاقتراحات...