#رحله_الكورونا
#ايام_في_العزل
أعذروني ياجماعه إن كنت اتأخرت عليكو. كنت متخيل إن رحلة الكورونا معايا هتنتهي بالشفاء التام وبعد مسحتين سلبيين ولله الحمد وخروجي من المستشفي بخطاب رسمي موجه للمستشفى التي أعمل بها لتسويه أيام غيابي ولكن واضح إن الموضوع أكبر.
#ايام_في_العزل
أعذروني ياجماعه إن كنت اتأخرت عليكو. كنت متخيل إن رحلة الكورونا معايا هتنتهي بالشفاء التام وبعد مسحتين سلبيين ولله الحمد وخروجي من المستشفي بخطاب رسمي موجه للمستشفى التي أعمل بها لتسويه أيام غيابي ولكن واضح إن الموضوع أكبر.
بس أنا هتكلم معاكم عن الجزء المنتهى وهو دوره المرض من البداية حتي الشفاء المشكك فيه. وبعدين نكمل الحكايه ونشوف هتخلص علي اية وما هي تداعياته إللي هي اشد من المرض نفسه
البداية بدأت بتليفون من صديق نعمل سويا بأنه إيجابي 🙄 لحظه ذهول وفلاش باك سريع الكام يوم إللي فاتو مع إني لسه عامل صوره دم من كام يوم وطلعت كويسه وزي الفل كنت عامله علشان اطمن المهم ،تحرك سريع فردي لغرفة وعزلت نفسي فيها وتطهير البيت بالكامل وعزل حاجتي وغسلها
الاكل يتحط ع الباب افتح أخد واقفل علي نفسي علي الفور تم تبليغ أداره المستشفي باني مخالط وعايز أعمل تحليل وتم الاتفاق علي عملها اليوم التالي وقد بالفعل رحت المستشفي بالماسك و الجوانتى وتم أخذ العينه والعوده العزل المنزلي يوم صعب عدي عليا مش خوف علي نفسي
لا خوف علي المخالطين ليا في الفترة إللي فاتت ورسم سيناريهات الأزمة لي ولاهل بيتي ووالدتي أو من خالطتهم وكوني طبيب كنت متماسك علي الاقل فاهم هو بيعمل إيه وتم أيضا في نفس اللحظة عزل كامل لمن خالطتهم من أهل بيتي بالبلد لإنهم هم من خالطتهم ولمواخالط أيا من أهل البلد كوني لم اخرج من
البيت فتره وجوده في البلد أول أيام رمضان لحرصي الزائد برضه. ظهرت نتيجه المسحه بالايجابيه والعزل المنزلي حتي يتم الاتصال بي كابوس لم اتردد بالاعلان عنه لأن الناس حقها تعرف. تم الاتصال بي بعد النتيجة ب٤٨ ساعة بأن أجهز نفسي للعزل بالمستشفي.
خلال تلك الفتره كنت بدون اعراض وطلبت منهم اكمال العزل المنزلي فرفضوا لكون الافضل لعمل مسحات دوريه
بمناسبه الاعراض الفلاش باك كان فيه إيه بقي هو ممكن تكون الاعراض إللي كانت عندي دي هي اعراض الكورونا طب فين السخونية مفيش فين الكحه مفيش يعني شويه رشح علي مغص شديد وشويه أسها تبقي كورونا بس كان فيه حاجه غريبه الهمدان كأنك راجل عجوز مش قادر يتحرك كان وهن وده اللفظ الادق
كانوا يومين ويعدوا حتي الكحه إللي ظهرت بعد ما عرفت باني مخالط ظهرت علي استياء ببلغم خفيف بتاع السجاير وأنا صايم فعادي واعيد واكرر مع حرصي الدائم من أول ظهور الكورونا
بعد اتصاله تم ترتيب الشنطة ونفسيه متدمرة مع ادعاء القوه امام أطفالي وزوجتي وكيفيه النزول الاسعاف ونظره الغير بس ده كله مكنش هاممني غير إني اتصرفت صح وعملت التحليل. كوني دكتور ومن إللي سمعته عن أماكن العزل كنت قلقان أروح مكان مش كويس
بس علي فكره أنا كنت قوي فعلا مش بادعي كان عندي إستعداد أقابل كل حاجه وهتعامل معاه وهتعامل معاها صح وإن شاء الله خير
قربت من ربنا قوي طول قعدتي في العزل ودي حاجه جميلة.
واليوم طويل ومفيش كوره فكانت فرصه أقرب آكتر من ربنا. دلوقتي أخدت حاجتي ونزلت ورحت للعزل بواسطة الاسعاف لمستشفي العزل بقها. علي فكره أنا بدأت أفطر رمضان بعد معرفتي بالنتيجة بيومين بنصيحه من طبيب بل أمرني بالافطار
الطريق للعزل داخل عربه اسعاف بالليل وإنت مش عارف فين طريقك فين وكويس إني أخدت معايا كتابين لدكتور نا احمد خالد توفيق مع المصحف الصغير واللاب وهتعدي الامور بإذن الله بس برضه في خوف من المجهول بس قلت هاخدها خطوه خطوه وهتعدى باذن
أنا بحكي تجربتي الشخصية علشان مندخلش في سكه السياسة أنا رحت المكان مش باختياري وده من حظي الكويس إللي نعرفه أحسن من إللي معرفوش اطمنت ووصلت المستشفي استقبال كويس مكان نضيف وت٦امل كزملاء واحترام متبادل من الكادر بالكامل أطباء وتمريض مع ابتسامه دائمه خلف الماسكات
والنظارارت ولبس رواد الفضاء تم تسكيني بغرف لوحدي لحين استقبال زميل آخر الغرفه كانت جيده بها شاشه تليفزيون تليفون كاتل تلاجه بار كرسي سرير ممتاز ومونيتور أحدث الاجهزه عيبها الوحيد إن الحمام مشترك مع الغرفه إلي جنبي مع نظافته
طلبت تغيير الغرفه إن أمكن في أي وقت ووعدوا بذلك. تم امدادي بالماء والعصائر والاكل والمشروبات علما بأن ذلك يحدث مع أي نزيل مع تقدير الزماله إن أمكن تم تغيير الغرفه في اليوم التالي بغرفة أفضل بكثير كنت بها لوحدي نهار يوم كامل ونهايه ليله حتي جاءنى زميل
وجبات الاكل الثلاثة كانت كنستشفي ممتازة ونضيفه العدا كان لحوم أو فراخ مع الخضار والفاكهة مغلفة وطازه الاكل سخن. خدمه ممتازة. والله يشهد إن التعامل مع زميلي مثل تعملهم معي ولم نطلب منهم طلب إلا ولبوه مع الالتزام مواعيد الدواء متابعه العلامات الحيويه
وجود حد معايا في الاوضه كان راجل طيب وغلبان وكان حاسس إنه هيموت طالما عنده الفيروس وعاش ليله زي الزفت وعيشني معاه فيها بين تطمينه وتهديه مع إنه كان صعبان عليا طمنته ونام
ومر الايام وبقي يسمع كلامي من ناحية النضافه للحمام والاكل والشرب كان مطيع وطيب وخايف علي نفسه علشان عياله
عرفنا النظام ومواعيد العلاج ومعاد أول مسحه في اليوم الخامس الدخول تم أخد المسحه مع عدم الاهتمام بالنتيجة كونها دايما تطلع إيجابي غالبا
وبالفعل إيجابي بانتظار المسحه التانيه وهي دي لحظات الرعب الحقيقية بتبين إن ماشي في أي اتجاه مع العلم إن مفيش أي اعراض. والحمد لله تطلع سلبيه
في الوقت ده الدكتور صاحبي بعد ماكنت المسحه سلبيه رجع إيجابي في المسحه التانيه ونزل قعد معايا بعد ما لمريض إللي معايا أتنقل مكان تاني
وقعدنا مع بعض واخدوا مننا المسحه الاولي ليا ولصاحبي إللي تعتبر الاولي ليه برضه لإنه رجع ايحابي
وطلعت النتيجه بأنها سلبي أنا وهو وطلعنا من المكان إللي كنا فيه في اوضه في الدور السلبي بانتظار المسحه التالية لو سلبي نأخد افراج لو إيجابي ننزل تآني لحد ما نبقي سلبي مرتين ورا بعض
من أصعب الايام إللي مرة علي حياتي خوف من إيه مش عارف من نتيجه معمل أو مسحه مانا صحتي كويسه بس إحساسك إنك في اوضه و مقفول عليك من بره مرعب وترجع تعيد الكره تآني وفيها أربع أيام علي الاقل. إحساس فظيع لا انتظار نتيجه الثانويه العامة علي ايامنا
بين المسحه والمساحه ٤٨ ساعه والنتيجه بتطلع بع ٢٤ ساعة يعني كل يوم يا مسحه ياظهور النتيجه تخيلوا الرعب ولا كميه الحاجات السخنه وإللي بنشربها وألميه مع التوتر وكل شويه تدخل الحمام مع اعراض نفسيه مع إني دكتور بس أنا حاليا مريض بحاجه منعرفهاش وبتراوغنا
لتاني وتالت مره أنا بحكي تجربتي الشخصيه نيجي لنتيجه المسحه التانيه لأول مره تتأخر كل مره أخرها الساعة تسعه بالليل اتأخرت لبعد ١١ أطول يوم عدي عليا توتر فظيع ورعب أفلام صلاه ودعاء وقرايه قرآن واليوم مبيعديش
مع كميه اتصالات لا تنقطه مش عارف أرد علي مين ولا علي مين وده من أول يوم للنتيجه حتي آخر يوم تعب نفسي آكتر من بدني إللي عايز يطمن وإللي عايز يعرف إنك عايش ولا ميت ولا بتموت كل إللي يكلمك م عندوش يقين لنك بصحه كويسة
صراع نفسي مع إللي حواليك مين بيقول اية ومين بيعمل إيه كل ده مكنش مهم المهم إني ماقرت في حق أي حد بمرضي ولا اصريت باي حد وكنت بدعي إن محدش يتصاب بسببي أو اتضر في حد من أهلي أو مرضاي مع إن ممكن يكون المرض جالي من مريضه وده الاحتمال الارجح
قبل انتصاف الليل ظهرت النتيجه في اليوم العاشر من العزل بالمستشفي والخامس عشر للعزل كاملا سلبي ولله الحمد وتم ابلاغنا أنا وصديقي بأن نجهز لنغادر لبيوتنا
تطول فتره انتظارنا حتي اتي الممرض لياخذنا في ذلك الوقت كنت ابلغت أهلي بالنتيجة وهل بلدتي للاطمئنان وابلغت أحبتى. الممرض معه ورقه بالأسماء واسمي غير مدون بها
صدمه جديده غير متوقعة مع زلزله الارض تحت قدماي كيف ؟؟؟
الممرض إسمك مش موجود طب ليه وإزاي معرفش
الممرض إسمك مش موجود طب ليه وإزاي معرفش
تواصلنا مع أداره المستشفي الجديدة لأنها بتتغير كل ١٥ يوم ولسه ماسكه أول يوم ليها يافندم دي أول مسحه سلبيه ليك. إزاي ياجماعه وأنا محجوز في السلبي
إستني ما نشوف الفايل ونتأكد و هاتوا الايميل ويدوروا وفي الاخر اعتذرو لي ولقوها الاسم وبالفعل مسحتين سلبيتين وهنا الفرحه ممزوجه بالانهيار ليه مش عارف برضه صحتي كويسه ياجدعان بس هي مسألة وقت علشان منضرش غيرنا
وبالفعل أخدت الورق إللي يثبت إني خالي من الكورونا ولا كأنها شهاده البكالوريوس رجعت بيتي علي الفجر ولحقت اتسحرت وصمت بعد ١١ يوم فطار ربنا يجعله في ميزان حسناتى ويقدرني إني اصومهم ويديني العمر
هتسالوني وماذا بعد أنا في البيت حاليا اتجولةبحرصىفي الشقه زياده أمان وإن كان معظم وقتي في الغرفه ونظرا لكوني مدخن فده أفضل أتحرك بالماسك و الجوانتى واتعاملةمعةاسرتي عن بعد إلي حد ما بدون رعب أو خوف وأخد فتره نقاهه ١٤ةيوم بالمنزل
هتسالوني عن العلاج
كلوكروكين
تاميفلو
فيتامين سي
كلكسان
بنادول
فيتامينات
كلوكروكين
تاميفلو
فيتامين سي
كلكسان
بنادول
فيتامينات
دي قصتي مع المرض قصتي الشخصيه وللأمانة أنا استفدت من المنظومه الصحية علي أكمل وجه.ولم ار أي تقصير طول الفترة السابقة. الغيب مش في الوزاره الوزاره مستعدة بس التعامل مع الأزمة بالطريقه بتاعه البلد حاليا هو إللي مخليه الموضوع فوق طاقه الوزارة لازم حظر كامل ضروري والا
المنظومه هتنهار. دي القصه للي عايز يعرف فتره مرض طبيب من الالف للياء من الناحية الطبية إما بخصوص تداعي التجربة من الناحية النفسيه موضوع التنمر هكتب عنه في وقته لما تتضح الصوره
أحييكم أنا دكتور احمد العايدي من منزلي بعد تمام شفائي والحمد لله الذي انعم علي بتمام الصحه والعافيه بفضل الله وفضل دعاكم القريب مني والبعيد دمتم أخوه أحباب
جاري تحميل الاقتراحات...