قصتنا لهذا اليوم هي احدى مغامراتي من الصيف الماضي في نفس هذا اليوم 9/19 شوفو حتى التاريخ مميز ماقدرت انساه الله لايعيده من يوم بغيت اروح بس ربي عطاني عمر جديد الحمدلله...
-قررنا في يوم من الايام نروح استراحه اسبوع ونجتمع حنا وخالاتي ونستانس لانها فرصه وكان وقتها اجازه ومره وحده نعيد وكل واحد يروح لديرته بعدها ويشوف شغله المهم الاستراحه هذي كان فيها مسبح كبير وعميق وخالتي الكبيره دايم تتأكد وتقفله اذا اذن المغرب لان بالليل يكون فيه هوا قوي وبارد..
2-العصر تفتحه لنا عشان البزران يلعبون ويلتهون باللعب ومايزعجونهم وقت الطبخ وذا واكيد عندهم الشغالات مراح يكونون لحالهم،،هذا الكلام كان قبل يوم الحادثه الخطيره...جاء اليوم الموعود وهو نست خالتي تقفل المسبح وراحت نامت وانا بالصدفه كنت اطفي لمبات الغرف والحوش عشان خلاص بننام...
3-بننام ليه نخلي الدنيا كلها منوره واكتشفت ان المدخل اللي يودي لحوش المسبح مهو مقفل هنااا عاااد جتني الافكار الخنفشاريه😈ههههه امزح قلت اخلص شغلي وارجع له بسرعه المهم تتبعت الوضع الا كلهم نايمين وبس انا واخوي الصغير هذا عجزت انومه وقلت اخذه معي وبنت خالتي واختها الصغيره...
^^**ملاحظه**^^
الاستراحه بمزرعه لنا كبيره مره والحوش حقها مقسم نصين قسم اللي فيه الجلسه والنجيل او العشب اللي تسمونه وقسم المسبح برا وعليه حمايه عشان محد يطب فيه من الوراعين مهو جوا البيت فهمتوا....
الاستراحه بمزرعه لنا كبيره مره والحوش حقها مقسم نصين قسم اللي فيه الجلسه والنجيل او العشب اللي تسمونه وقسم المسبح برا وعليه حمايه عشان محد يطب فيه من الوراعين مهو جوا البيت فهمتوا....
4-الوكاد يا طويلين الاعمار جمعتهم كلهم وقلت لهم لا يطلعون صوت عشان محد يقفطنا وانا استغل الوقت واعبي المسبح بالهوز ابي اخليه عمييق مره لين يمتلي طلع صوت بس مو قوي مره قلت عشان ابعد الشك عني اخذ اللي صاحين واوديهم للصاله وارفع صوت التلفزيون وبكذا محد يحس او يسمع احد يعبي المسبح...
5-اممم الافكار انا😭،المهم اخذ مني تعبيته يمكن 35 دقيقه وانا كل شوي اروح اشيك على الوضع وارجع هنااااا بدت المغامره🚫🚫🚫 قررت اني اطب فيه تحسبون عادي انزل وخلاص انتهت السالفه!!!هههه يحليلكم،،جمعت الكراسي والمراكي واحطهن فوق بعض عشان انط من فوقهن هذا اخر شي كنت اتذكره بصراحه...
6- تحركت المركى وطحت ومن قوة الصدمه ماقدرت احرك اي جزء من اطرافي ظليت ثواني معدوده انتظر معجزه تنزل علي وتنقذني من اللي انا فيه وطول هالمده شريط حياتي يمر بسرعه وسبحان الله كأن احد يدري عن السالفه جت امي تركض وتسحبنييي مع يدي مصعتها لي بس فدا فدا.....
7- لو تأخرت ثواني بس كان فقدت الحياه ماعاد فيه اكسجين واقححح واشاهق بغيت اموة،،وهي تهاوش وكفوف وانا ماهمني ابي ابي اكسجين بس وتروح وتدق على ابوي وتعلمه السالفه وصحوا خالاتي ودروا على السالفه البيت كله قعد حتى خوالي اللي كانوا يلعبون بالمجلس اللي برا الاستراحه جو يشوفوني....
8-على طووول قمت ورحت اقرب غرفه وقفلت مالي نفس اسمع هواش وانضرب مره ثانيه،الا بالغصب يبون يشوفوني عييت لين هذا الوضح وطلعت وهم على نفس الجلسه ينتظرون عبالي طلعوا واكلتها وقعدت اصيح وتركوني الحمدلله وعدت السالفه على خير وعندي فوبيا من المسابح الان😭😭😭😭
9- خلصت القصه والمغزى من السالفه طيعوا والدينكم لا تعصونهم ولا تسوون شي من وراهم يصيرلكم نفس اللي صار لي واكثر بس هذي رساله من ربي عشان المره الجايه اسمع كلامهم وبس.
جاري تحميل الاقتراحات...