بسوي لكم ثرد فيه احسن و ارخص منتجات للعناية بالبشرة (كلهم مجربتهم)
منتجات العناية تنقسم لأربع اشياء:
غسول/مقشر/مرطب/ماسك و المفروض تستخدمون شي واحد من كل قسم الا الماسكات ممكن تنوعون، طبعاً افضل اسوي لي كورس و استمر عليه ٣-٥شهور و تذكرو كل ما قلت كمية المنتجات كل ما صارت النتيجة احسن، و مولازم تبين النتيجة من اول اسبوع هذا يعتمد على البشرة.
غسول/مقشر/مرطب/ماسك و المفروض تستخدمون شي واحد من كل قسم الا الماسكات ممكن تنوعون، طبعاً افضل اسوي لي كورس و استمر عليه ٣-٥شهور و تذكرو كل ما قلت كمية المنتجات كل ما صارت النتيجة احسن، و مولازم تبين النتيجة من اول اسبوع هذا يعتمد على البشرة.
(الغسول-simple) مرتين باليوم الصبح/بالليل و بعد الميك اب طبعاً لازم.
شريته قبل اسبوع تقريباً سعره جداً رخيص ومكوناته ممتازه للبشره الحساسة و لكل انواع البشره لان كل الي يسويه اهو ينظف ما يقشر ما يجفف ما يرطب و تقريباً متوفر بكل الجمعيات + افضل استخدام مزيل ميك اب flormar قبله.
شريته قبل اسبوع تقريباً سعره جداً رخيص ومكوناته ممتازه للبشره الحساسة و لكل انواع البشره لان كل الي يسويه اهو ينظف ما يقشر ما يجفف ما يرطب و تقريباً متوفر بكل الجمعيات + افضل استخدام مزيل ميك اب flormar قبله.
(المقشر-اكرتين) له اكثر من طريقة، انا شخصيا استخدمته بالتدريج اول اسبوع مكان الاثار و الحبوب ثاني اسبوع يوم و ترك على كل الوجة ثالث اسبوع يومياً و استمر لين ما اوصل للنتيجة الي ابيها بعدين اخفف منه و احطه مرتين بالاسبوع و احطه بس بالليل بعد ما اغسل ويهي و بعدها انام.
(المقشر-اكرتين)اذا قمت الصبح لازم اغسلة مايصير تحطون اي مقشر سواء اكرتين او غيره تتعرضون للشمس راح تحترقون و اضائة التليفون والبيت ما تأثر، بس افضل بليل لان البشره تكون مرتاحة.اذا استخدمتوه فتره طويلة بتحبب البشره لانها تعودت عليه فلازم تقطعونه شهرين و تستخدمونه مره ثانيه.
(المرطب) احبه لان مرطب و فيه حماية و لونه ما يقلب ابيض/رمادي و خفيف على البشره (احب استخدمه لما ابي اطلع بس) انا اذا كنت فالبيت احب شي يكون ثقيل(عاليمين)خصوصا بعد الاكرتين البشره تجف و تنشف والحلو ان ما يسوي شي بس يرطب و ما يأذي البشرة.
(مرطب) زيت اللوز الحلو و الروز هيب مستحيل استغنى عنهم استخدمهم حق(الشعر/الجسم/الوجه/تحت العين) يسوون تقشير جداً خفيف و يخففون من السواد تحت العين بنسبة مقبولة بالنسبة لسعرهم و حتى للتصبغات حول الفم او بقع الشمس ممتازين. استخدمهم بليل بس باليوم الي ما احط فيه اكرتين.
(المرطب) الحلو بزيت اللوز الحلو و الروز هيب ان يخففون من تهيج و احمرار البشرة، يعني بعد الاكرتين كنت احس بأحمرار خفيف و ويهي كان شوي يحرقني بس الزيوت ساعدتني وايد خصوصا لما تقشرت بشرتي و صار فيها قشور رطبتها عدل و طبعاً تقدرون تستغنون عن واحد منهم.
(الماسكات) للامانه احب الشيت ماسك لانهم عباره عن سيرومات ترطيب فيرطبون عدل (احطهم مره بالاسبوع او قبل الميك اب) هذيل من سكين فوود، عند ايتيود هاوس حلوين و حتى ملوت قارنييه
(الماسكات) و اذا استخدمتو الاكرتين تجنبو اي شي فيه احماض AHA-BHA او حتى هيلرونيك اسيد او فيتامين سي لان يعتبرون مقشرات و اذا قشرتي بأكثر من منتج النتيجة بتكون عكسية مراح تكون اسرع و ترى تقدرون تستخدمون الاكرتين كماسك لمده ٣٠ دقيقه و تغسلونه يوم و ترك او مرتين بالاسبوع.
شغلة مهمة عن الاكرتين او اي مقشر ثاني، طبيعي فالبداية يطلع حبوب، طبيعي يكون في احمرار، طبيعي البشرة تنشف و تحرق شوي لان فيه فيتامين أ. حتى التقشير الي بالعيادات بيصير معاكم جذي بس اهم شي لا تلعبون بويهكم و عشان تخففون من هالاعراض استخدمو منتجات خفيفة و لطيفة على الوجة + ثلج يبرد
اهم شي لا تحسون انكم مجبورين توخرون الحبوب، شي طبيعي تطلع و تختفي، تعلمو شلون تتقبلون نفسكم بجميع اشكالها بعدها فكرو بالتغيير الي تبون تسوونه، احب نفس و انا مع الحبوب و مع تصبغات و سواد تحت العين و من غيرها. و انتو بعد لازم تسوون جذي لان محد بيحبكم كثر نفسكم ولان تستاهلون💗
جاري تحميل الاقتراحات...