بما أني طفشانه وماعندي حياه بسوي ثريد لسنه ثاني علمي الي خلصتها والان انا ثالث ثنوي
اول اسبوع داومت كان الفصل كئيب والمعلمات جداً سيئين وكل وحده كان كلامها ازفت من الثانيه واغلب كلامهم يتمحور ان انتم علمي والمرحله اصعب من انكم تتوقعون اذا انتم مو قده اطلعو طبعاً فوق الضغط النفسي من المعلمات كان الفصل جداً كئيب وحسيت اني بنتحر
دخلت علينا ابله خلود ابو العلا وكان اسلوبها وتعاملها جداً لطيف وكانت الطف معلمه تدرسنا واعطتنا حلاوه اللقاء ومن يومها وانا طايحه بغرامها وحبيت الاحياء منها جداً اعطتنا ورقه نكتب الي نبغاه منها والله وكيلكم عبيت الورقه البيضاء واحس منجد محد يعطيني وجه اطلب
تعرفت على مجموعتي طول الترم وانا اقولهم ابغاء احول ادبي لدرجه اني رحت الاداره اكثر من مره وقالتلي الوكيله فرح اذا عن ماده اعبديها ولا تضيعين الفرصه منك وكملي وكانت تشجعني وبنات مجموعتي كانو معاي والحمدلله كملت):
وبعد بفتره صار كل فصلنا قلوبهم على بعض نضحك مع بعض ونجيب اكل وناكل ونشجع بعض وبرضو نغشغش بعض هذا غير الالعاب الي كنت نلعبها ونقاشاتنا وسوالفنا وضحكنا الي مستحيل انساه
مره تناقشنا عن موضوع النسويات ومن وقتها انا تعرفت على ريناد كانت نفس تفكيري وتقربنا من بعض وتعرفت على الشله اللطيفه الي انا معاهم الحين واغلب مواقفي هالترم اللطيفه كانت معاهم
وجاء وقت المشاريع اكثر مشروع انبسطت فيه وسويته من اعماق قلبي كان مشروع ابله خلود ابو العلا كان عن مرض سرطان الثدي كانت المجموعه الي سويت معاها لطيفه وفكره المشروع الطف،طبعاًكان فيه لوحه يكتبون عليها وسرقت الكلام واصايل كانت تدوره لانها تحب تجمع ذكريات نفسي(:
طبعاً الجزء المهم اني مره تعلقت بصحباتي وصرنا اسبوعياً اذا مو يومياً ننزل نلعب كوره ولا نجيب اكل ولا نتناقش ونحارش ونصفق بعض واحس يومي مايكمل الا اذا كانو موجودين كلهم ولعبنا وافكورس قهوه لانا الصباحيه):
جاء الترم الثاني ولاحكيكم عن ابلاتنا وخاصه ابله بثينه كيف كانت دراما كوين وتزعل عشان قلنا ماحلينا الواجب وماسوينا البسبوسه وتبكي عندها موقف مانساه لما بنات الفصل قالو انها غايبه وانا واصايل سوينا فزعه نشوفها وطلعنا فوق وكانت عند غرفه المعلمات وربي كنت اجري الدرج دون عقل من الخرشه
طبعاً معلماتنا هالترم كانو ضاغطين علينا خاصه ابله لطفيه بس تعودنا على الضغط و يوم شفتا درجاتنا عندها كان يوم كئيب بس نزل مطر وطول الحصه واحنا تحت نلعب فيه وقتها روحي تجددت ونسيت الدرجه الزفت الي جبتها
ومن ضمن المواقف الي صارت هالترم سوينا بيرثداي امجاد طبعاً كان كيك متواضع وجبنا ولاعه وطول حفلتنا لها قامطين احد يدخل بس ماحنتوب وكل بيرثداي حنسويه فالمدرسه(:
الطف ابله انقليزي ممكن تمر عليكم ابله عايشه احس على نياتها ودايم نتاخر عندها وتكتب لنا ليت،ومره زنينا نبغاء نمشي قالت سوو قطار سريع وقولو توت توت وامشو فالممر ولا يوقف سويناها اهم شي نطلع(:
طبعاً لاننسى اول قاروره لعبنا فيها وكيف نطلع متجرحين ونعنف بعض،وتنمرنا على بعض فحصه ابله عايشه وانا اكثر وحده معرضه للتنمر
وفحصه وحده من المعلمات مابقول اسمها تقفط حسابي،كنا نجري حرفياً زي الحمير عشان لانتاخر حتى لو كانت حصه فراغ قبل حصتها نجري كاننا حمير هايجه واذا هي علينا احتياط نجيها من قوه الخرشه من انها مو حصه اساسيه
طبعاً من قوه مان لعبنا دفش صرت اطلع من اللعبه معاي صداع نصفي واصايل تعاني نفسي والسبب كوع الجوهره😭😭😭
طبعاً مانكون احنا اذا علينا حصه احتياط وماشردنا نطلع ونننزل ونروح الحمام وغرفه الصيفي وقلك نكذب عليهم اننا بنات صيفي ويطلعونا من الحصه وبعد كل التخطيط ندخل الفصل زي البقر(:
انا واصايل كنا نضرب بعض ومرو بنات وقالو بنات العلمي استخفو واحس مالومهم،كثييير بنات يكرهوننا ومايطيقوننا والحمدلله اننا ضاغطينهم(:
ومره فيه بنت تكرهني عرفتني على صحباتها وهي طول الترم تنقد تصرفاتي وطريقتي فالنقاش وانا سكت لها فالنهايه بلكنا بعض والحين ارسل فقروب صحباتي سناب وهي تتفرج سناباتي واحس مره يضحك وضعنا
طبعاً فيه مواقف كثيره ومصايب كثيره ومواقف الطف بس ماقدر اذكر كل شي عشان لا التويتر يبلكني حبيت اسوي الثريد عشان يبقى ذكرى حلوه كل ماشتقت لهم وابغاء اصيح اشوفه):♥️♥️♥️♥️♥️
جاري تحميل الاقتراحات...