آيفون رخيص !! بس هيكلفك !!! ليه آبل عملت آيفون رخيص؟! - شرح استراتيجيات التنافس. ("ACCA "SBL)
بسم الله ..
بسم الله ..
آبل كشفت عن آيفون جديد اسمه (iPhone SE 2020) بتكلفة تبدأ من 400 دولار، ودي مش أول مرة آبل تصنع فيها آيفون بالسعر ده، في 2016 الشركة قدمت لمستخدميها آيفون (iPhone SE 2016) بسعر 400 دولار، لكن لو أخدنا تأثير التضخم فإصدار 2016 قيمته النهاردة بتساوي من 450 - 430 دولار تقريباً.
يعني كده الــ (iPhone SE) إصدار 2020 يُعتبر ارخص آيفون آبل نتجته حتى الأن!!.
✍️مكونات الآيفون وعلاقتها بالتسعير:
📱الموبايل بييجي بشاشة زي شاشة الـ (iPhone 6) إصدار 2014 وبنفس كاميرا الـ (iPhone 7) إصدار 2016، والتصميم والشكل الخارجي نفس شكل الـ (iPhone 8) إصدار 2017.
✍️مكونات الآيفون وعلاقتها بالتسعير:
📱الموبايل بييجي بشاشة زي شاشة الـ (iPhone 6) إصدار 2014 وبنفس كاميرا الـ (iPhone 7) إصدار 2016، والتصميم والشكل الخارجي نفس شكل الـ (iPhone 8) إصدار 2017.
الشاشة والكاميرا والتصميم الخارجي للتليفون من أكثر المكونات اللي آبل بتدفع فيها فلوس، وبتعلي تكلفة تصنيع الموبايل، والاستعانة بالمكونات دي من إصدرات سابقة هي السبب في إنخفاض تكلفة الآيفون، وبالتالي تم تسعيره بالسعر ده.
📱أما بالنسبة للمعالج (Processor) فالموبايل بييجي بمعالج (A13 Bionic) وده نفس المعالج المستخدم في الـ (iPhone 11 Pro)، واعتقد استخدام نفس المعالج المستخدم في الـ (iPhone 11 Pro) في الإصدار ده له مغزيين:
- المغزى الأول: هو ان آبل مش متوقع تعمل تغييرات على الموديل ده في السنوات الجاية، يعني متتوقعش يكون في إصدار جديد من iPhone SE) ) في 2021 والله أعلم طبعاً.
- المغزى الثاني: إن استخدام مكونات إصدرات قديمة في إصدار جديد، زي التصميم والشكل الخارجي مثلاً، قد يُفقد من قيمة البراند بتاعة آبل عند مستخدميها، وهنا بييجي دور المعالج القوي (A13 Bionic) عشان يوازن النقطة دي.
طيب ليه آبل بقى اصدرت الآيفون الرخيص ده في التوقيت ده؟!🤔
✍️مدخل لفهم استراتيجيات التنافس (Competitive Generic Strategies):
أي شركة بيتم إنشئها بهدف تحقيق أرباح، وعشان الشركة تحقق أرباح لازم يكون عندها حاجها بنسميها ميزة تنافسية (Competitive Advantage)، والميزه التنافسية هي أي حاجه بتخلي الشركة ليها أسبقية وأفضلية على الشركات التانيه.
أي شركة بيتم إنشئها بهدف تحقيق أرباح، وعشان الشركة تحقق أرباح لازم يكون عندها حاجها بنسميها ميزة تنافسية (Competitive Advantage)، والميزه التنافسية هي أي حاجه بتخلي الشركة ليها أسبقية وأفضلية على الشركات التانيه.
واحد اسمه (Michael Porter 1980) قالك إن الشركة عشان تحقق الميزة التنافسية لازم يكون عندها حاجه اسمها (Competitive Generic Strategies) اللي هي استراتيجيات التنافس.
ودي بتكون من خلال تحديد حاجتين:
ودي بتكون من خلال تحديد حاجتين:
▪️أول حاجة بحدد اساس التنافس (Competitive Basis)، واللي قد يكون (Lowest Cost) يعني بنافس على اساس تصنيع منتج منخفض التكلفة، وبالتالي هبيعه بسعر رخيص، أو يكون (Differentiate) يعني بنافس عن طريق تصنيع منتج جودته عاليه وسعره عالي، يعني مختلف (Difference) عن أي منتج موجود في السوق.
▪️تاني حاجه بحددها هي نطاق التنافس (Competitive Scope) ، يعني هل الشركة هتنافس في سوق الموبايلات كله على نطاق واسع، وده بنسميه (Broad Target)، ولا هتنافس عن طريق انها تركز على جزء معين من السوق أو بعض الدول وده بنسميه (Focus Target).
يبقى كده نقدر نقول استراتيجيات التنافس (Competitive Generic Strategies) يا إما تبقى:
▪️Cost Leadership
▪️Differentiate
وده لو الشركة هتنافس على نطاق واسع في السوق كله، أو تكون:
▪️Cost Leadership
▪️Differentiate
وده لو الشركة هتنافس على نطاق واسع في السوق كله، أو تكون:
▪️Focus
وده لو الشركة هتركز على جزء معين من السوق وتنافس فيه، وهنا برده الشركة مكن تنافس علي اساس التكلفة وبنسميه (Cost Focus)، أو تنافس على اساس التميز والاختلاف وده بنسميه (Differentiate Focus).
وده لو الشركة هتركز على جزء معين من السوق وتنافس فيه، وهنا برده الشركة مكن تنافس علي اساس التكلفة وبنسميه (Cost Focus)، أو تنافس على اساس التميز والاختلاف وده بنسميه (Differentiate Focus).
✍️التطبيق على شركات الهواتف الذكية الموجودة حاليا:
تعالوا نطبق الكلام ده على شركات الـهواتف الذكية الموجودة حالياً، عندنا شاومي وانفنيكس، آبل وسامسونج، وهواوي.
تعالوا نطبق الكلام ده على شركات الـهواتف الذكية الموجودة حالياً، عندنا شاومي وانفنيكس، آبل وسامسونج، وهواوي.
📱شاومي وانفنيكس منتجاتهم جودتها متوسطة وسعرها منخفض، وبتستهدف السوق كله، وبالتالي الشركات دي بتتبع سياسة التنافس (Cost Leadership)، يعني الميزة التنافسية للشركات دي إنها بتبيع منتج منحفض التكلفة.
📱منتجات شركة آبل والـ (Flagship) بتاع شركة سامسونج اللي هو سلسلة (Note Series)، وسلسلة (Galaxy S)، المنتجات دي جودتها واداءها عالي وسعرها عالي، وبتستهدف كل اسواق الهواتف الذكية،
وبالتالي الشركات دي بتتبع سياسة التنافس (Differentiate)، يعني الميزة التنافسية بتاعتهم بيع منتج عالي الجودة ومميز وبسعر عالي، والسعر ده بنسميه (Premium Price).
📱سلسلة الـ (Galaxy A) واللي بنطلق عليه (Mid-range Smartphone ) اللي بتنتجها سامسونج، دي منتجات متوسطة الجودة وسعرها متوسط، وبتستهدف جزء معين من سوق الموبايلات، يعني بيتم تصنيعها لدول معينة، وهنا نقدر نقول ان استراتيجية التنافس اللي وضعتها سامسونج للسلسة دي تعتبر (Cost Focus).
📱شركة هواوي بقي بتجمع ما بين الثلاث استراتيجيات، عندها منتجات (Differentiate) جودتها عالية وسعرها عالي زي الـ (Flagship) بتاعتها اللي هي سلسة (Mate & Ps)، وعندها منتجات تانية تكلفتها منخفضة وجودتها متوسطة زي سلسلة (Y & Honor).
✍️استراتيجية آبل في التنافس والنمو (لوازم الاستراتيجية وعيوبها):
هنركز على استراتيجية الاختلاف والتميز (Differentiate) اللي بتتبعها شركة آبل موضوعنا النهاردة.
هنركز على استراتيجية الاختلاف والتميز (Differentiate) اللي بتتبعها شركة آبل موضوعنا النهاردة.
لوازم الاستراتيجية:
▪️الاستراتيجية دي بتجبر آبل انها تكون متميزة في التصميم و الجودة (Design, Quality, Features Differentiation)، وبالتالي لازم يكون عندها قدر عالي من الابتكار (Innovation)، وده بيتطلب وجود ادارة بحث وتطوير قوية جدا (Research and Development – R&D).
▪️الاستراتيجية دي بتجبر آبل انها تكون متميزة في التصميم و الجودة (Design, Quality, Features Differentiation)، وبالتالي لازم يكون عندها قدر عالي من الابتكار (Innovation)، وده بيتطلب وجود ادارة بحث وتطوير قوية جدا (Research and Development – R&D).
▪️كمان الاستراتيجية دي دفعت شركة آبل انها تتحكم في الموردين بتوعها (Control Over Suppliers) عن طريق الاستحواذ عليهم، فعلى سبيل المثال، آبل استحوذت على (Intel Smartphone Modem Business) ودي اللي كانت بتورد ليها الـ (Modems).
النوع ده من الاستحواذ بنسميه (Backward Integration) وهو إني بستحوذ على الموردين بتوعي، ولو بستحوذ على الموزعين بتوعي بنسميه (Forward Integration) وبرده آبل بتعمل كده، أغلب الموزعين بتوعها مسيطره عليهم.
اللي بقى مش بتقدر تستحوذ عليه بتتبع معاه سياستها الشهيرة (Dual-Source)، وهو ان إي مواد خام بتحتاجها لازم تجبها من أثنين موردين على الأقل، عشان ميكونش صُباعها تحت ضرس مورد واحد ويكون له تأثير وقوة عليها، فمثلاً بتجيب الـ (Motion Sensor) من شركة (InvenSense) وشركة (Robert Bosch).
كل ده عشان تتحكم في سلاسل الإمداد (Supply Chain) وتُنشئ نظام اسمه (Ecosystem of Suppliers) ويكون في تناسق وتناغم ما بين مكونات المنتجات بتعتها، وده أحد الأسباب للإداء العالي والجودة العالية بتاع منتجات شركة آبل.
وعلى فكره السياسة دي هي اللي خلت آبل ترجع بسرعة (Restart Operations) للإنتاج وتصنع آيفون جديد مع وجود ازمة فيروس كورونا.
▪️وكمان عشان الاستراتيجية دي تنجح، لازم يكون في منتجات وخدمات مكملة للآيفون والآيباد والماك (Complementary Products/Services)،
عشان كدة آبل صرفت مبالغ ضخمة على الـ (Wearable Technology) زي (Apple Watch & Air Pods)، وبتستثمر مبالغ كبيرة في خدمات آبل زي (iCloud, App Store, iTunes, Apple Music, Apple Maps, Siri, Apple TV+, Apple Arcade ).
ده غير بقى نظام الـ (iOS) الخاص بيها والمُتحكمه فيه وفي كل تحديثاته، بعكس نظام (Android) ملك شركة جوجل، ده نظام مفتوح المصدر (Open Source) ، جوجل بتنزل التحديث لكن اللي بيتحكم في توقيته نزولة للأجهزة شركات الهواتف الذكية وليس جوجل، ودي من أكبر نقاط تفوق آبل على جوجل.
كل الكلام ده خلى العميل لاحول له ولا قوة، وأصبح أسير لمنتجات آبل والـ (Ecosystem) بتاعها، والأَسر ده بيبدأ لما العميل يشتري أول جهاز آيفون، يشتري الآيفون بعد كده الآيباد، ثم الماك، ثم الأير بود، ثم آبل وواتش، وبالمرة يشترك في آبل تي في.
لكن .............
عيوب الاستراتيجية:
مشكلة الاستراتيجية اللي بتتبعها آبل هو إن في أوقات الكساد العميل الجديد مش بيقدر يدفع السعر العالي ده، والعميل الحالي مش هيقدر يُحدث (Upgrade) الموبايل اللي معاه، لك أن تتخيل إن حوالي 200 مليون عميل ما زالوا بيستخدموا (iPhone 6/6S).
عيوب الاستراتيجية:
مشكلة الاستراتيجية اللي بتتبعها آبل هو إن في أوقات الكساد العميل الجديد مش بيقدر يدفع السعر العالي ده، والعميل الحالي مش هيقدر يُحدث (Upgrade) الموبايل اللي معاه، لك أن تتخيل إن حوالي 200 مليون عميل ما زالوا بيستخدموا (iPhone 6/6S).
وده اللي مخلي آبل تحتل المركز الثالث، بعد سامسونج وهواوي، من حيث الحصة السوقية للهواتف الذكية، تسعير عالي للإصدارات الجديدة (Supper-premium Pricing)، وعدم مرونة في أسعار الإصدرات القديمة (Insufficient Price Elasticity)، الإصدار بينزل بسعر يفضل ثابت عليه لحد ما يخلص من السوق،
يعنى مش سايبه فرصة للعميل اللي فلوسه على قده (Low-budget) أنه يمسك آيفون.
✍️الإجابة على السؤال ( ليه آبل عملت آيفون رخيص؟!):
طيب قلنا إن آبل طورت من الخدمات بتاعتها وصرفت مبالغ ضخمة عليها وفي نفس الوقت حصل إنخفاض في مبيعات الآيفون على مستوى العالم.
✍️الإجابة على السؤال ( ليه آبل عملت آيفون رخيص؟!):
طيب قلنا إن آبل طورت من الخدمات بتاعتها وصرفت مبالغ ضخمة عليها وفي نفس الوقت حصل إنخفاض في مبيعات الآيفون على مستوى العالم.
واستراتيجية آبل في الفترة الجاية مُرتكزه بشكل كبير على الخدمات اللي بتقدمها، والخدمات دي مُعتمدة بشكل كبير على أجهزة الآيفون، وعشان الخدمات دي تُؤتي أُكُلها، يبقى لازم آبل توسع قاعدة مُستخدميها وتُؤسر مستخدمين جُدد للـ (Ecosystem) بتاعها.
وهنا بييجي دور الـ (iPhone SE 2020) موبايل رخيص ! واللي آبل غيرت من (خلاله فقط) استراتيجية التنافس بتاعتها من الـ (Differentiate) للـ (Cost Focus)، وبكدة آبل هتقدر:
- تجذب مستخدمين جُدد ليها قبل إصدار الـ (Flagship) بتاعها في سبتمبر القادم، وده هيزود الإيرادات الناتجة من خدمات آبل، واللي هيساعد بشكل كبير على تحقيق خطة آبل في النمو.
- تقتحم الأسواق الناشئة (Emerging Markets) زي الهند مثلاً، اللي العميل فيها بنطلق عليه (Price-Conscious)، يعني مش بيحب يدفع فلوس كتيره في أي منتج.
- تُغري مستخدمي الإصدرات القديمة زي الـ (iPhone 6) أنهم يعملوا تحديث للموبايلات بتاعتهم.
طبعا دي كانت رؤيتي الخاصه اللي قد تحتمل الصواب والخطأ، لو عندك تعليق اكتبه وهنرد عليه.
سبحانك اللهم وبحمدك، أشهدُ أن لا إله إلا أنت، أستغفرك وأتُوب إليك.... والسلام عليكم ورحمة الله وبركاته.
بقلم : وليد ياسين
@Rattibha
سبحانك اللهم وبحمدك، أشهدُ أن لا إله إلا أنت، أستغفرك وأتُوب إليك.... والسلام عليكم ورحمة الله وبركاته.
بقلم : وليد ياسين
@Rattibha
لينك الفيديو:
youtube.com
youtube.com
جاري تحميل الاقتراحات...