رتبها

- محبين القهوة?☕️..
ماذا عن نظرة بيولوجية عن شنو يصير بجسمكم من داخل عشان تحصلون تأثير حبكم لها؟ هل في مرة فكرتوا ليش مرات نضاعف الكمية عشان نحصل نفس تأثير قبل؟ أو فكرتوا ليش تأثير الكوب الواحد يختلف من شخص لي آخر، هل ممكن يكون الـDNA له دور بهالإختلاف، جين يخص القهوة مثلاً??!

طبعًا كلنا عارفين إن مركب الكافيين إهوا الهدف من شرب الـ☕️، عندنا ألف تسليم و نبي مخنا صاحي نشرب قهوة، عندنا مناسبة و نبي نصحصح وقت أطول نشرب قهوة، عندها فاينل أو بروجكت أو بحث و نبي كامل تركيزنا عشان نسهر نشرب قهوة?!
السؤال شلون هالمركب الظريف قاعد يلعب بإعدادات مخنا؟?⏱

تخيلوا طول اليوم جسمنا يستهلك طاقة?، علىٰ نهاية اليوم يبدي مركب إسمه إدينوزين (A) تبدي تزيد كميته بخلايانا العصبية، فشيسوي الـA يشتغل چنه مفتاح? عشان يشغل إعدادات النوم?عن طريق القفل?إلي علميًا اسمه Receptor لما يمسك القفل بالمفتاح?= راح يعطي شعور الراحة و النوم?..

ارتباط الـ A بالـ Receptor راح يخلي الوضع هادي تبدي دقات القلب تهدىٰ الشخص يحس إن يحتاج ينام يعني چنخ دقمة الـ Sleeping صارلها ON✔️!

لما يبدي النوم يستعمرنا و نقرر نشرب قهوة عشان نطير هالشعور??، شنو راح يصير إلي يخلي الإعدادات تنقلب و يستبدل شعور النوم و الدوخة لي شعور تركيز و مصحصحين؟?

تذكرون القفل و المفتاح إلي طافوا?؟
صدفة قدر إن مركب الكافيين إلي بالقهوة يشاب مركب الـ A شبه مقارب جدًا لاحظوا مقارب مو مطابق??، فشراح يسوي الـ Caf في حال كان يشبه مركب الهدوء و الراحة?؟ راح تصير هوشة خفيفة و منافسة بينهم?

الـ Caf☕️راح يتنافس عشان يصير إهوا المفتاح?، و راح يحقق مُراده شلون؟ راح يمسك بالـ receptor?لأن شبيه مركب النوم?‍♂️، بس شنو راح يسوي ما راح يفعل النوم بالعكس راح يسوي بلوك عشان الـ A ما تقدر تتوهق، هٰذا البلوك راح يخلي شعور النوم ما يقدر يرتبط بقفله✖️!

راح تنهار العلاقة بين الـ?و الـA?? بحضور الكافيين كضيف دخيل، فيصير عندنا ارتباط يديد بين الـ?و الـ ☕️❤️

هٰذا الإرتباط راح يقلل من إشارة? النوم??⬇️، و يزيد من قوة إشارة اليقظة⬆️?، لأن جزيئات مركب الكافيين مسوية بلوك، متىٰ تبدي الإشارة تنعكس و يرد النوم لما يروح تأثير الكافيين بعد ساعات و يرد الـ A يمسك?، يعني لما ينشال البلوك و يرد المركب الطبيعي بمكانه الطبيعي✅

الحين نجاوب سؤال آخر??، مرات نبدي بكوب قهوة☕️ بس بعد فترة كوب واحد من القهوة ما قام يعطي نفس التأثير فنضطر نبي كمية أكبر من قبل⬆️! تخيلوا معاي الخلية فيها بوابات?( receptor ) الباب فيه القفل?، لما نشرب أول مرة راح تتشبع الأقفال بمفاتيح الكافيين☕️?!

بعد فترة من الشرب☕️، كوب قهوة واحد ما قام يصحصح نفس قبل! ليش؟ لأن الخلية سوت بوابات أكثر?⬆️، فلأن الأقفال زادوا نحتاج مفاتيح كافيينية أكثر عرفتوا؟☕️?، عشان أسوي بلوك أكثر و أبعد مركب الراحة راح أزيد جرعتي عشان أوصل حق نفس شعوري الأول☑️

الحين بِسم الله نبدي حق جملة جين القهوة و علاقة الموضوه بالـDNA?☕️?.. ليش مرات غيرنا من أول كوب قهوة يصحصح يوم كامل و احنا و لا چنه أصلاً شاربين قهوة?!

الله يسلمكم في بارت من الـ DNA فيه "جين" هٰذا الجين اسمه CYP1A2، شنو وظيفته؟???يحول الأحرف ACGT من لغة أحرف لي لغة بروتينية تعطي معنىٰ، يعني رحلة الجين و شفراته نهايتها: إنزيم?، هٰذا الإنزيم يحمل نفس اسم الجين?!

شمعنىٰ هالجين إلي يعطي هالإنزيم؟??☕️
لأن هالإنزيم يعتبر الإنزيم الرئيسي إلي يهضم مركب الكافيين لي مواد أخرىٰ☕️?

هٰذا الإنزيم بمثابة مقص✂️، راح يقصص الكافيين المركب الرئيسي?? لي مُركبات ثانوية??????‍?

بالكبد موجود هالإنزيم حلو؟ حلو راح يفككلي الكافيين تقريبًا بنسبة 95% لي هالـ٣ مواد???، أما الـ 5% تقريبًا إهيا فقط الصافي من الكافيين، يعني التأثير غالبًا إلي نحصله إهوا الصافي التقريبي = 5%، حلو الحين شنو علاقة إلي قلتيه بالـجين و الـ?!

بِسم الله فيه شي اسمه SNP بكل اختصار شديد أفهمهم إياه إهوا چنه غلطة مطبعية سواها الـDNA يعني مثلاً: مفروض A معاها دايمًا T و C دايمًا معاها G، بالـ SNP يصير تغيرات تخلي الـ DNA و يحطلي مثلاً A مع A?، مو شرط الـ SNP تأدي حق مرض أو شي مو زين عادي نحمل الكثير منها للعلم?!

الحالة الأولىٰ صار عندنا (AA) نسميها Variant في منطقة الجين إلي يخص الإنزيم?✂️، هٰذا النوع من التغير راح يأدي حق نشاط عالي حق الإنزيم = بيتفكك بسرعة لي الـ ٣ مواد = الصافي راح يصير أقل من 5٪! يعني القهوة إذا شربناها☕️كافيينها بسرعة ينهضم و يقل تأثيره⤵️

الحالة الثانية : (AC) (CC) هالنوع من التغير راح يأدي حق نشاط أقل حق الإنزيم، يعني المقص بيكون بطيء ما راح يتفكك لي ٣ مواد بسرعة = صافي الكافيين بيكون أعلىٰ من 5%، يعني كوب واحد من القهوة إذا شربه شخص يحمل هالنوع من الـSNP راح يكون أعلىٰ و لفترة أطول و أقوىٰ أكثر من الحالة 1?☕️

فهٰذا دور جيناتنا و التغيرات إلي بينا شلون ممكن تغير من طبيعة النشاط بحيث غيرنا ممكن يرتفع عندنا يكون منخفض و هٰكذا?☕️..

- The end☕️..

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة