السلام عليكم رح اكتب هالثريد وبثبته عندي صحيح ماعندي متابعين لكن لعل شخص دخل بالصدفة يستفيد والأجر لي وله كتبت في حسابي السابق عن تجربتي في التبرع بالخلايا الجذعية وكانت دايم تجيني أستفسارات بشكل شبه يومي وهذا من فضل الله لكن للأسف حسابي تقفل وماقدرت ارجعه لذلك بعيد كتابة القصة🙏🏼
طلبوا مني مجموعة بنات أسوي ثريد عن قصة تبرعي بالخلايا الجذعية في عام2018بالجنادرية كان في خيمة فيها متطوعين يتكلمون عن الخلايا الجذعية دخلت عندهم صدفة واخذوا مني عينة من اللعاب وطلعت ونسيت موضوعهم بعدها بخمس أشهر اتصلوا على أبوي وخبروه أن في مريضة سرطان تطابقت الخلايا...
تطابقت الخلايا حقتي معها طبعاً أهلي رفضوا لأن ماكانوا يدرون وش يعني خلايا جذعية وكان الممرض اللي يكلمهم يقول فكروا بالموضوع رح تنقذوا حياة مريضة يعني من بين 70الف ملف متبرع كنت الوحيدة اللي تطابقت معها وتشجعت كثير وأصريت على التبرع وبحثت كثير وشفت قد إيش الموضوع سهل وحددوا موعد..
طبعاً بعد كذا موعد عشان يتأكدون من سلامتي وطريقة التبرع أما عن طريق اليد مثل سحب الدم او عن طريق نخاع العظم وعلى حسب حالة المريض يتم تحديد الطريقة أنا اختاروا لي عن طريق نخاع العظم
وكان موعدي يوم1نوفمبر2018 كنت متوترة كثير وخايفة لدرجة ماقدرت أنام الليل شعور فرح مع خوف وقلق..
وكان موعدي يوم1نوفمبر2018 كنت متوترة كثير وخايفة لدرجة ماقدرت أنام الليل شعور فرح مع خوف وقلق..
لما وصلت لمستشفى الملك فيصل التخصصي تم تجهيزي لدخول العملية ويوم جاء الصدق جلست اصيح بغرفة العملية بعيد من اهلي😹 لكن الله يجزاها خير الممرضة هدتني وسووا لي بنج كامل يقول الدكتور اللي سوا العملية اقسم بالله اسهل مرة سوا العملية فيها تيسرت مرة واعطوني أدوية مؤقته وماكان في أي ألم
والخلايا اللي تم سحبها ترجع بعد أسبوعين وطلعت بعد العملية بساعة تقريباَ وأنا بكامل صحتي وعافيتي اللهم لك الحمد لا ألم ولا شي وبشروني بعدها بكم أسبوع أن المريضة تم زراعة لها الخلايا اللي اخذوها مني وتشافت تماما الهدف من كتابة الثريد ودي كل الناس يتبرعون بالخلايا لان موضوعها سهل
يكفي أنك رح تنقذ حياة إنسان والله شعور حلو جداً وأنا من يوم تبرعت فيه إلى هذا اليوم وأنا سعيدة جداً كوني أنقذت مريض وأتمنى من كل قلبي نشر الوعي بين الناس عن هذا الموضوع
هذي صورة للأغراض اللي احتفظت فيها للذكرى الحلاوى مر عليه أكثر من سنة🙂
اي إستفسار جاهزة
#الخلايا_الجذعية
هذي صورة للأغراض اللي احتفظت فيها للذكرى الحلاوى مر عليه أكثر من سنة🙂
اي إستفسار جاهزة
#الخلايا_الجذعية
وهذي صورة حديثة للأغراض بعد مرور أكثر من سنة ونصف أقسم بالله بدون مبالغة أجمل يوم في حياتي اللي عشتها خلال٢٣سنة كان١نوفمبر ٢٠١٨ طبعاً ممنوع أشوف البنت الأمورة إلا بعد سنتين من التبرع والحمدلله هانت باقي خمس أشهر وأشوفها على خير😭شعور غريب جداً مستحيل أقدر أوصفه الله يخليها لأهلها
مداخلة نسيت أكتبها😬دايم يجي في ذهني وش كانت أم البنت تدعي عشان ربي يسخرني لها يعني سبحان الله كنت المتبرع الوحيد المطابق وساكنة بالرياض نفس المكان الموجود فيه المستشفى وكنت سليمة لأن لو مريضه ممنوع يعني تسهلت لها بشكل كبير لأن لو كنت خارج الرياض كان ممكن أهلي يرفضوا وبس 🤭
@FatmahAlkathiry تراها هينه لاتخافي😬
جاري تحميل الاقتراحات...