رتبها

عايز أعمل ثريد باللقطات اللي الممثلين فيها ماقدروش يمسكوا نفسهم من الضحك في وسط الأفلام والمسرحيات

نبدأ بأعظمهم على الإطلاق، لقطة الإمتحان في (إسماعيلية رايح جاي) ، محمد هنيدي ماقدرش يمسك نفسه من الضحك ومحمد فؤاد وحنان ترك مغطيين وشهم عشان بيضحكوا برضو رغم كدة المخرج ماعادش المشهد وأظنّني أفهمه وقرار موفّق :D

حسن حسني مقدرش يمسك نفسه من الضحك
(مسرحية حزمني يا)

ثبات إنفعالي غريب من عادل إمام وهو بيموت عمر الحريري من الضحك وبيبوظ المسرحية

فؤاد المهندس وزكريا موافي ماقدروش يمسكوا نفسهم من الضحك
(سك على بناتك)

أديك الميكروفون أه..
هناء الشوربجي قبل ما محمد صبحي ينطق جملته حتى بدأت تضحك، الحقيقة هي طول المشهد بتحاول تكتم الضحك ومش عارفة وأنا مقدر موقفها

حسن مصطفى (العيال كبرت)

٤٠ ثانية هنيدي ومدحت صالح وشريف منير إتصرفوا فيهم كإنها قعدة على القهوة مش مسرحية بجمهور

أم علاء ماقدرتش تمسك نفسها من الضحك وهما بيضربوها

هنيدي وشريف منير في ألابندا

هيغيغيغيغيغي، خشي يامّا خشي

ماجدة زكي ميتة من الضحك على ضحك حسن حسني وهو بيتزغزغ

أبو حنان بعد ما حجاج عبد العظيم قال له مساء الخير يا حاج أو حنان للمرة مليون وتلتومية ألف مقدرش يمسك نفسه من الضحك

حسن حسني مقدرش يمسك نفسه لما علاء ولي الدين باسه

السلعاوي طول المشهد بيحاول يكتم الضحك

أم جاد حاولت تمسك نفسها وتقاوم الضحك ببسالة لكن إنهارت عند الحتة بتاعت "التاكسي نزّلني وداس عليا"

مشاركة عظيمة من @Mambazlam
المنتصر بالله بجبروت قدر يضحّك وحيد سيف غصب عنه

بالمناسبة اللي عمله المنتصر بالله في وحيد سيف في الفيديو السابق ده كان Comeback بعد ما وحيد سيف قبلها بدقيقة رمى عليه الإفيه ده وبرضو خلّاه يموت من الضحك غصب عنه

مفيش جملة واحدة من اللي قالهم حسن حسني في المشهد كانت نكتة أو إفيه، الممثلة ميتة من الضحك على طريقته وضحكته الطفولية وهو مكسوف :D ❤

طلعت زكريا في عوكل.. بيحاول يكتم الضحك لكن فشل في الآخر بشكل واضح وضحك وسابوها غالبًا اعتمادًا على إنها مش هتبان عشان من ضهره :D

محمود القلعاوي في مشهد من مسلسل رحلة المليون مع محمد صبحي كان بيضحك بجد، وصبحي في الآخر عام على عومه وضحك معاه، والمخرج عام على عومهم هما الاتنين وقرر إن المشهد يتعرض زي ما هو كدة