رتبها

ثريد راح أتكلم فيه عن تجربتي مع نظام [ الكيتو دايت ] ،،
قراءة ممتعة

بداية تطبيق البرنامج : ١٢ مارس ٢٠٢٠
الوزن قبل : ٩١ كجم
الوزن اليوم ( ٦ مايو ٢٠٢٠ ) : ٧٨ كجم

🛑
ملاحظة : انا مش خبير ولا متخصص ، لكن راح احكي تجربة شخصية كان لها أثر جيد بالنسبة لي في نزول الوزن ، مع اني افضل انك تراجع متخصص في التغذية عشان يعطيك نظام يصلح لك ، وما يسبب لك الرجيم اي مشاكل صحية لا قدر الله.

🛑
ملاحظة ثانية : في اي نظام غذائي حاول تتفقد جسمك وتسوي تحاليل عشان ما يسبب لك مشاكل ، انا شخصيا اخدت مكمل غذائي ( فيتمينات سنتروم ) موجود في الصيدلية.

بداية ، لازم نعرف ان الجسم يستمد طاقته من خلال الكربوهيدرات ، هذي الكربوهيدرات تجي من مصادر مختلفة مثل الرز والقمح والفواكه وغيرها ، وهذي الكربوهيدرات في حال كانت زايدة عن حاجة الجسم تتحول إلى دهون وهذا احد أسباب السمنة .

يعني ، زيادة كارب في الجسم ( فوق الحاجة ) يساوي زيادة في الدهون المتراكمة في الجسم.

ففكرة الكيتو دايت ، نبي نحول اعتماد الجسم على الكارب للحصول على الطاقة الى انه يعتمد على الدهون الموجودة في الجسم والدهون الطبيعية اللي نأكلها ، فيصير الحرق اسرع ويصير بعدها خسارة الوزن.

نظام الكيتو ما يعتمد على السعرات الحرارية اللي نأكلها ، يعتمد بشكل أساسي على كمية الكارب بحيث تكون اقل من ٥٠ جرام.

عشان تتخيلون الكارب الموجود في الاكل ،، خذوا هذا المثال البسيط : تفاحة وحدة فيها تقريبا ١٤ جرام كارب.

يعتمد أيضا نظام الكيتو على الدهون والبروتين ، وإذا نبي نحط نسبة فنقدر نقول : الدهون ٧٠ ٪ والبروتين ٢٠ ٪ والكارب ٥ ٪

ملاحظة : العناصر الغذائية قد تكون موجودة في نوع واحد من الاكل ، مثلا اللحم فيه بروتين وفيه دهون وكذلك الدجاج والخ ،،

يعني ، قلل كارب ، زود دهون طبيعية وبروتين وخضار ورقية ، وأمورك طيبة ان شاء الله 👌🏻👌🏻👌🏻

شغلة مهمة : لازم تحط في بالك ان الجسم لين ما يوصل لمرحلة الكيتو يبغاله وقت ، عشان يتأقلم ويبدأ يتحول من الكارب للحصول على الطاقة الى الدهون الموجودة في الجسم ،، الشغلة تاخذ لها من ١٠ ايّام الى اسبوعين ، بعدين راح تشوف الفرق ونزول الوزن.

ايش المسموح في الكيتو وايش الممنوع ؟
اذا فهمنا قاعدة تقليل الكارب وزيادة الدهون والبروتين راح نعرف نحدد ايش الاكل المسموح فيه والاكل الممنوع ، يعني الاكل المسموح هو اللي فيه كارب قليل ، عشان نخلي كمية الكارب اللي تدخل الجسم اقل من ٥٠ جرام في اليوم.

ملاحظة : الوصول الى ( صفر ) كارب حيل صعب ،، لان اغلب انواع الاكل فيها كارب ، احنا نبي نوصل الى كمية قليلة من الكارب اللي تدخل الجسم.

أمثلة للمسموحات :
( اللحوم - الأسماك - الخضار التي تنمو فوق سطح الارض - الاجبان الطبيعية - الزبدة والسمن وزيت الزيتون وزيت جوز الهند - القهوة - الشاي - البيض - انواع محدودة من الفواكه مثل الفراولة والتوت والافوكادو - بكميات محدودة - )

أمثلة للمنوعات :
( الرز - مشتقات القمح بجميع أنواعها مثل الخبز والمكرونة والشوفان وغيرها - الفواكه عالية الكارب - الخضار التي تنمو تحت الارض مثل البطاطس والجزر - الحليب - الذرة والنشا - السكر - البقوليات - المشروبات الغازية - العصائر )

أعيد وأكرر أهم قاعدة 👌🏻 :
تحديد نوع الاكل يكون بناء على الكارب اللي موجود فيه ،، اذا شريت شي من البقالة راح تحصل المعلومات الغذائية عليه ، وأبدأ احسب الحاجة اليومية من الكارب.

وإذا تبون تعرفون الكارب في اي نوع اكل ، مجرد البحث في قوقل تطلع لك النتائج وبناء عليه حدد اذا كان مناسب لك او لا ،،
مثال : الكارب في الفاصوليا في كل ١٠٠ جرام فاصوليا يوجد ٦٣ جرام كارب ( عالي جدا جدا )

مثال آخر :
كل ١٠٠ جرام من الطحين يوجد ٧٩ جرام كارب (دمار شامل )

نصائح سريعة :
- الرياضية مع الكيتو راح تزيد فاعليته ويزيد الحرق 🏃🏻‍♂️
- الموضوع يحتاج إرادة كبيرة خصوصا في البدايات 💪🏼
- فيه بدائل كثيرة لأنواع اكل متعودين عليها وطرق اعدادها موجودة في الإنترنت.

- شرب الماء لازم يكون بكميات كبيرة ( ضروري جدا جدا )
- الصيام والكيتو يحبون بعض 😂♥️

أهم شي ، حط في بالك ان الكيتو شي مؤقت مو نظام حياة ، وتابع وضعك وسو تحاليل عشان تتأكد من صحتك ،، وانتبه من الأعراض الجانبية اللي ممكن يحدثها اي نظام رجيم ،،

آخر شيء : لا تشيل هم فكرة انك بعد الكيتو راح ترجع وتسمن بسرعة اضعاف مضاعفة ، انت اضعف وفِي حلول لثبات الوزن.

بالتوفيق يا أبطال 💪🏼💪🏼😍

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة