ثريد(اسرار عموض مبنى البرلمان) :
مبنى البرلمان السوداني. ايقونه عمرانية و اول شي بتشوفو بعد تعدي الكبري وتخش على امدرمان مبنى عجيب من جميع النواحي لكن هل اتخيلت فيوم انو جمالو دا بيحمل شي من الغموض وهل ممكن يكون مخيف بطريقة من الطرق؟.. (رتويت وتابعني عشان يوصلك كل جديد)...
مبنى البرلمان السوداني. ايقونه عمرانية و اول شي بتشوفو بعد تعدي الكبري وتخش على امدرمان مبنى عجيب من جميع النواحي لكن هل اتخيلت فيوم انو جمالو دا بيحمل شي من الغموض وهل ممكن يكون مخيف بطريقة من الطرق؟.. (رتويت وتابعني عشان يوصلك كل جديد)...
في البداية خلونا نعرف متين اتبني وكيف اتبني وليه انا كتبت عنو الثريد دا وكيف الرعب ومبني البرلمان حيتلمو مع بعض.
اتبنى مبنى البرلمان السودان نتيجه لصداقة بين الرئيس جعفر النميري والرئيس الروماني شاوسيسكو في اواسط السبعينات فا كانت الايدي العاملة فيهو رومانية والمهدسين رومانيين ويقال انو نفس خرطة مبنى البرلمان هي خرطة مبنى البرلمان الاسرائيلي (الكنسيت) واتبنى علشان يبقى رمز..
رمز لثورة 25 مايو والسور حقو كان بيرمز للثورة (خمسة اعمدة طويلة و 25 عمودقصير) ولمن مسك الترابي غير السور تحت شعار (ازالة اثار ٢٥ مايو) حاجة كدة قريبة لي ازالة التمكين هسي..
الحاجة المنها حتبدى قصتنا انو اتبنى وين؟ هل تعلم انو اتبنى فوق السجن العسكري ومقابر قديمه ف امدرمان؟ ايوووة مقابر.. وسجن يعني كانت بتتنفذ احكام اعدام على مجرمين وقتلة وفي المقبرة برضو حصلت مشكلة لانو كان فيها واحدة من اكبر قبب شيوخ الصوفية الكانو مريدينو بيجو ويتبكروا بيهو.
جمعت مجموعه من القصص منها البيحكوها رموز معروفة من كل حقب النظام المرت على السودان. ورغم انو في ناس كانو بينفوا الحاجة دي وبيستبعدوها كان في جزو تانية بيحلف ويقسم انو حصلت ليهم الحاجات دي والقصص دي ونبداها قصة قصة......
قصتنا الاولى حصلت لمحامي نميري (عبد العزيز شدو) قال كان مرة ف مكتبو ف مبنى البرلمان في وقت متاخر فجأة انفتح عليهو الباب! ما استغرب وقال ممكن الهوا فتحو مع انو كان متاكد انو اول ما دخل قفل الباب. بعد فترة الباب انقفل عليهو وابا يتفتح الا اتصل بواحد من برا وجو وكسروا الباب.
القصة التانية حصلت لعضوة ف البرلمان قالت مرة تهت جوا المبنى وماعارفة اطلع بوين فجاة لقيت طفل قالي انا بوريك الطريق استغربت من لبسو كان لابس ملابس بيت عادية لمن سالتو عن ابوهو ما ردا وفجاة اختفى زي كأنو اتبخر قداما؟؟؟؟؟
(غازي صلاح الدين) في لقاء ليهو مع صحفيين ف البرلمان كان صرح وقال انو حيستضيفهم في مكتبو الجديد (بعد ما يطرد الارواح الساكناهو)؟
ودا غير قصص كتيرة من اعضاء وموظفين قالو انهم بيشوفو خيالات ناس سوداء بتمشي ف اروقة المبنى وانو كانو بيسمعو همهمات غير معروفة وانهم مرات بتخلعهم اصوات صرخات مدوية وصوت ناس بتبكي والعفش بيتحرك براهو بدون اي سبب!
الحاجات الغريبة بتحصل ف اي مكان مهما كان فخم ومهما كان. وبحكم منطقتو الاتبنى فيها والقصص الحصلت ف المكان ما قبل المبنى سبب مقنع للحاجات البتحصل فيهو لكن ف النهاية يبقى الغموض... غموض.
انتهى الثريد لحدي هنا ومشكورين لحسن الاستمتاع واسف على التاخير.....
تابعني وسوي رتويت واذا عجبك الثريد لايك ياعزيزي وبحبكم كلكم❤️❤️👐🔥🔥🔥🔥 والى الثريد القادم❤️🔥
تابعني وسوي رتويت واذا عجبك الثريد لايك ياعزيزي وبحبكم كلكم❤️❤️👐🔥🔥🔥🔥 والى الثريد القادم❤️🔥
جاري تحميل الاقتراحات...