انا الليله قررت احكي ليكم تجربتي مع الكورونا ((COVID-19)) قبل م احكي اتمني الناس تلزم بيوووتا حقيقي الوضع ماشي للاكعب ولو انت عندك عزيز وغالي بتخاف عليو وحافظ عليو وعلي نفسك بي قعدتك في البيت وحاول قوي مناعتك اكلو كويس وكترو فيتمينات وبرتقال واشربو مويه??
كتير حاجات بسيطه ممكن تعملا تغنيك عن حاجات كتير انت في غينا عنها ربنا يرفع عنا البلاء ويحفظنا ويحفظكم وم تشوف في عزيز شر ولا اللم ♥️??
من بدايه الكورونا انا م كنت متخيله انو الحاجه دي ممكن تصلنا نسبا للمفاهيم السودانين حقت انها م بتعيش في درجه حراره عاليه وم ادراك وكنت بطلع وبحوم عادي لحدي م ظهرت حالات في السودان والنسبه بقت تزيد بقيت اخاف اطلع م عشان خايفه من المرض ولا خايفه علي نفسي ولا عشان هو بكتل ???
بس عشان عارف انو البرنامج م حيقيف عندي بس ولو مسكتني حيسمك البيت كلو +انو نحن اسره كبيره ومعانا حبوبتي كبيره في السن وعندها امراض مزمنه ( سكري وضغط ) وبابا وعمي كمان وطبعا عارفين اكتر ناس تاثير المرض بكون عليهم اكتر بي سبب نقص المناعه وم طاوعت لي نفسي اني اكون سبب ????
في انو اشوف واحد فيهم تعبان ولا بتالم - اي الجايه من الله بتجي بس اخدو بي الاسباب - بس ?
الوضع بق ماشي في الاسؤ وانا بقيت في البيت وم قاعده اطلع بس مع الاسف حتي لمن عملو الحظر بابا كان شغال في مستشفي ????
الوضع بق ماشي في الاسؤ وانا بقيت في البيت وم قاعده اطلع بس مع الاسف حتي لمن عملو الحظر بابا كان شغال في مستشفي ????
وم كان في طريقه يوقف شغال وعلي قدر الامكان كان بكون حذر جدا في طرق الوقايه وطرق انتقال العدوه يعني لمن يجي من الشغل بتعقم كلو و م بتكلم ولا بسلم علي زول الا ستحما ويعقم الحمام كان حريص شديد وصراحه علي قدر م الحاجه دي كانت كويسه وده الصاح كنا بنتحسس لي درجه انو م بدخل للحبوبه ???
عمي ? من الناس البصلي كل صلواتو في الجامع لحدي اخر لحظه كان مُصر انو يصلي في الجامع لحدي م اعلنو الحظر حق الساعه وحده بعد تحانيس واللحاح عليو قرر انو يصلي في البيت انو اكتر زول بكون مخالط لي حبوبه الوقايه غير خير من العلاج ((الدين يسر )) ??
يوم ١٨ بابا جاي من الشغل وقال لينا انو عندي عمي تاني شغال مع بابا مشتبه بس حاله كورونا وبابا مخالط له طول اليوم بي حكم الشغل ومن وقتها بابا حجر نفسي في غرفتو للاحتياط لحدي م نتيجه عمي تتطلع ويشوفو الحاصل شنو عشان طلعت ايجابيه احتمال كبير بابا تكون عندو ?نتيجه عمي طلعت positive?
بعدها بي يوم بابا مشا فحص كانت اصعب لحظات الزول ممكن يعيشا من التوتر هو في الفحص قرر انو يفحصل للبيت كلو لانو هو برضو مخالطنا لو بقت عندو __لانو لمن فحصو اسره عمي التاني واحد من اولادو طلعت عندو جاب ناس الفحص وفحصنا كلنا بي البت الحبشيه((الفحص حار ومؤلم )) ???
يعني فحصنا لنا في يوم واحد بي بابا وهو لسه حاجر روحو وفي وقتها طوالي بدا في الفيتمينات والمضادات عشان يقوي مناعتو وم هو بس بل البيت ككككللوو بدا يقوي مناعتو ??
طلعت نتيجه بابا اول لانو مخالط من الدرجه الاوله وطلعت بعد ٢٤ ساعه positive ?اتصدمنا والخبر وقع فينا ذي الصاقعه في حين انو نحن متوقعييين بس بقيت متوترين وقاعدين علي اعصابنا لحدي من نتيجه باقي البيت تتطلع + اختي كانت بتوضع وهي براها ونحن م قادرين نمشي ليها لانو نحن مشتبهين كلنا??
اسواء ساعات في حياتي من التوتر ??
مع العلم بابا م كان بشكي من شي او اعراض واضحه بس كانت الجيوب والحساسيه تاعباو شويه قعدنا يومين في التوتر ونتيجتنا م طلعت عشان تعرفو الاهمال الحاصل وانو انت لو م عندك ضهر والله نموت فطيس نحن النوم م قادرن نوم وتوتر توتر الي ابعد درجه واي زول بعيد من التاني
واحد من اصحاب بابا دكتور كبير في الكادر الطبيعي ادخل في الموضوع ومشا المركز عشان يطلع النتائج
المهم مشا جاط م جاط طلع النتايج وشافم بي عينو وبابا جد جد نتيجتو ايجابيه ????
المهم مشا جاط م جاط طلع النتايج وشافم بي عينو وبابا جد جد نتيجتو ايجابيه ????
بس عمي طلع سلبي? يعني بابا م جاتو من عمي وبقينا نتوتر زياده ونحن لسه نتايجنا م عرفناها طوالي ختيت في بالي انا الجبتها الاستياء بدا يتملكني بس استقوين لحدي م شافو النتايج كلها والحمد لله انا وامي وحبوبه واخواتي كلنا سلبي الا ? بابا وعمي المعانا في البيت ?
كده عده حكايه بتاعت ٣ ايام متنا وحينا فيها من التوتر وقررنا انو يتحجرو معانا في البيت اريح ليهم ولينا نفسيا اي الموضوع صعبه شدديد ومحتاج معافره ومجهود بس احسن.
اكعب احساس لمن تشوف غالي عليك تعبان وانت م قادر تصلو وبتعاين ليو من بعيد ده اذا عاينت ليو اصلا لانو التعامل من ورا الباب والماسك والقلفز والمعقمات بي كل حرس ووقتها تتمني تكون مكانو ???
بحمد ربي انها جات خفيفه وم ظهرت فيهم اعراض شديدة لانو بدينا كلنت في تقويه مناعتنا بي الفيتمينات والمضادات من بدري بس العامل النفسي هو الصعب بزات لو زول بتعزو شايفو وم قادر تحس بيو ولا تلمسو ولا تحضنو ولا اي شي مع العلم نحن كنا اتحجرنا في بيتنا بس هم في مكان ونحن في مكان
كلنا اخدا علاجات وقائيه لانو بسمونا مختلطين
نحن الليله حنكون عملنا ١٣ يوووووووم ???
نحن الليله حنكون عملنا ١٣ يوووووووم ???
يوم التلات حنكون عملنا ١٤ يوم وخلصنا فتره الحجر وحنعيد الفحص للتاكيد دعواتكم انها تكون نظيفه
علي قدر م اقول انو الزول كان متماسك بس والله الموضوع م ساهل توتر وتنشنه وتعب زهني ونفسي وجسدي والله انتو في غنا عن الانا عشتو ده عليك الله خليكم في بيتكم لو م عشانكم عشان ناس بيتكم عشان
علي قدر م اقول انو الزول كان متماسك بس والله الموضوع م ساهل توتر وتنشنه وتعب زهني ونفسي وجسدي والله انتو في غنا عن الانا عشتو ده عليك الله خليكم في بيتكم لو م عشانكم عشان ناس بيتكم عشان
??
انصحكم بي البرتقال عصير القنقليز اي شي في فيتمين C اشربو مويه كتير اكلو كويس ولعو القرض في بيتكم اشربو حاجات دافيه كتير ابعدو من بعض عقمو واتقرقرو كل صباح
80% من سكان العالم عندهم كورونا بس مافي اعراض ومقاومه الجسم كفيله جدا انو تقدر تتخلص منها
انصحكم بي البرتقال عصير القنقليز اي شي في فيتمين C اشربو مويه كتير اكلو كويس ولعو القرض في بيتكم اشربو حاجات دافيه كتير ابعدو من بعض عقمو واتقرقرو كل صباح
80% من سكان العالم عندهم كورونا بس مافي اعراض ومقاومه الجسم كفيله جدا انو تقدر تتخلص منها
جاري تحميل الاقتراحات...