قبل خطاب ٣/٧ الاخوان و السلفين في المنيا اتجمعوا ادام المحافظه ع الكورنيش و قطعوا الطريق .. كورنيش المنيا وقتها كان بالترتيب كده المحافظه - البنك الاهلي- مديريه الامن .. قفلنا الطريق من مديريه الامن و القوات اتوزعت عادي و انا كنت واقف ادام باب المديريه ١
كان في ظابط اسمه محمد و معاه عساكره واقفين ادام نادي الشرطه اللي هو ع الصف التاني في وش المديريه .. بعد الخطاب الاخوان واعوانهم هاجوا و بدأوا يحدفوا طوب و تكسير .. ولعوا ف البنك الاهلي و المحافظه و داخلين على المديريه ...٢
محمد جالي و قالي ما تيجي انت اقف مكاني و سيبني انا مكانك هعرف اتعامل احسن و فعلاً بدلنا الاماكن و رحت مكانه و جه مكاني .. عشر دقايق هما يحدفوا طوب و يكسروا لحد ما فجأه صفوفهم اتفتحت و ظهر اتنين على موتوسيكل و ضربوا بالالي كل اللي واقفين .. ٣
محمد استشهد هو والعسكري اللي كان معاه و انا عشت ، عشر دقايق فرقت بين عمري و عمره .. محمد استشهد وهو ملازم اول لسه ٢٢ سنه و العسكري اللي معاه ف نفس السن تقريباً....٤
خدت محمد و العسكري انا و ظابط تانى و اتنين عساكر و روحنا مستشفى المنيا الجامعي .. محمد كان واخد ٨ طلقات ف الصدر و ملحقنهوش هو و العسكري .. لسه هنروح المشرحه سمعنا صوت ضرب نار ف المستشفي من الجماعه عرفوا ان في ظابط مات و عسكري و عايزين الجثث بتاعتهم يمثلوا بيها ويصوروها .. ٥
حطيته ع الترولي و الظابط اللي معايا حط العسكري المتستشهد ع ترولي تاني و قعدنا نجري ف المستشفي بنحاول نستخبي ف اي حته .. محدش كان عارف يجيلنا ولا احنا عارفين ناخدهم و نجرى بره المستشفى .. ناس تقولهم مشوفناهمش و ناس تدلهم علينا ..٦
خرجنا في حته فاضيه جنب المستشفي لقينا عربيه اسعاف مش شغاله و عليها الغطا .. كسرنا ازاز الباب اللي ورا و دخلنا جثه محمد و العسكري الاسعاف و قعدنا جوه العربيه و غطيناها .. ٧
من ١١ بالليل ل ٥ الصبح جوه العربيه سامعين صوتهم بره بيرعبوا الناس عشان يعرفوا مكان الجثه و بيضربوا نار جوه المستشفي بشكل هيستيري من غير ما يراعوا اي حاجه و موبايل محمد بيرن اهله بيتصلوا بيه مش عارف ارد اقولهم ايه .. ٨
عشر دقايق فرقت بين حياتي و حياته بس البطوله مش لاي حد الله يرحمه كان جدع و راجل و يستاهل الجنه دنيا و اخره
تمت
تمت
معنديش تفاصيل اكتر عن الاحداث دي او اسامي
بس واثقة انها نقطة في بحر بطولات من ٢٠١١ لحد النهارده
واقل حاجة تتعمل اننا نحكيها ونفتخر ان الابطال دول مننا
بس واثقة انها نقطة في بحر بطولات من ٢٠١١ لحد النهارده
واقل حاجة تتعمل اننا نحكيها ونفتخر ان الابطال دول مننا
جاري تحميل الاقتراحات...