ملاحظ من تالي فيه بكبكة كثير وتعليقات على طرق تربية الاهل! ترا الحياة مب وردية مثل ما تشوفون بالافلام وزعلانين ليه ما يعطوني بوسة قبل ما انام واول ما اصحى ويضموني اذا رجعت من الدوام ويقول هذي اسباب امراضي النفسية!!!! والله دراما ياخوان!!!!!!!!
ما اظن فيه احد عاش هالحياة، ولو صارت يعني انه هو مترف بس مب هي الطبيعة! الواجب عالاهل الفعلي هو توفير الطعام والمسكن والتوجيهات، إن وجدت هذي فأن الاهل اتموا عملهم على اكمل وجة، لا ترفعون طموحاتكم وتطالبون بشي غير موجود اساساً
دام الاهل نجحوا ببناء مبادئ شخصية وتوجهات لك يعني انهم اتقنوا التربية مهما كان طريقهم للوصول قاسي، واذا تبون تعرفون ان التربية مب بهالسهولة، تابعوا فلم the judge وبتشوفون الموضوع من نظرة أبويه
لازم أوضح ان لكل أب طريقة تربية، ما تجي تشوف كيف عيال عمتك تربوا بطريقة وردية وابوهم صديقهم وقريب منهم وأنت أبوك صارم وبينكم ثقل وتزعل! أبوك له ظروفة الخاصة وتربى بطريقة مغايرة ويرى انها الأفضل، اذا ابوك موظف ويالله يلقى وقت لنفسة كيف تبيه يسخر وقته الباقي لك؟
انا ممكن اتفق معك لا صار أبوك سكّير نكّير ويجيكم البيت مطينها ويضربكم ويقلب حياتكم سوداء هنا صحيح فيه شي خاطئ! بس انه وفر لك الاشياء المطلوبة فوق وتقول انا مرضت نفسياً وما تربيت كويس لانه رباني بطريقة غير اللي انا ابيها! استهبال ذا.
هم درسوك ووفروا لك بيئة نظيفة وتوجيهات سليمة، اي فشل بالتالي هو فشلك انت وضعف منك لا تحط عذرك على اهلك وتقول انا المفروض دكتور بس هواش ابوي عالدراسة خلاني افشل واصير باريستا
جاري تحميل الاقتراحات...