المجتمع
قضايا اجتماعية
قضايا الجنس
العنف القائم على النوع الاجتماعي
الأعراف الثقافية
القضايا الثقافية
التعليق الثقافي
جيبو لي الزول البقول انو نحنا في السودان ما عندنا عنف .
تحت الصور دي هتكلم عن قصة البت دي ?
تحت الصور دي هتكلم عن قصة البت دي ?
اولا شيء اسفه علي المنظر البشع ده ، بس ما هي براها البحصل ليها كده في بناااات كتااار بحصل ليهم بس بسكتو ، عارفين ليه ، لانو دي عادات وتقاليد طبعا ما ينفع اشتكي او اقول بغم .
البت دي نشرت قصتها في الفيس بس ما لقت غير عقليات متخلفه من النوع البقول اي لانك قليلة ادب والبقول اكيد غلطي تستاهلي وهكذا بس ابدا ما لقت النوع البقيف معاها الا من رحم ربي دي اولا .
انضربت واتعذبت من اهل راجل اختها متخيلين ، اي راجل اختها وامو ضربوها ضرب كانها حيوانه ما بني ادم وليه يعملو كده طيب ؟
كان راجل اختها ده بيضرب اختها صباح ومسا وهي قاعده معاهم وكان بضربا قدام اولاده فأخر مره ضربا شديد طلعت من البيت وقفلت تلفونه مع العلم انو عندها ولده فطيم وهي زاتا حالتها كعبه
مشت مني دي وامها يفتشو في بتهم الما عارفين هي وين بعد ساعات لقوها في بيت جارتا وجارتا اهتمت بيها وقاعده تنصح فيها انو خلوها ترجع لي راجلها وولده عشان ولده ما لازم يتربا وامو وابوهو كده، النقطه الهنا انو احنا كشعب سوداني بعاداتنا وتقاليد المره ما لازم تكسر كلمة راجلها حتى لو ضربا.
اختها كويس انو ما اقتنعت وقالت انو ما عايزاهو ومستحيل تقعد معاهو بي عايزه اولاده ، + انو للاسف زوج اختها ده بيقرب ليهم والمتزوجا دي بتبقا بت خالو ، يعني عرس اهل ، عادات وتقاليد برضو
اتلاقا معاهم في الشارع واتناقش معاهم ويريتو لو كان نقاش عادي لا كان بنبذهم بي اعفن الالفاظ ليها هي وامها واختها منى اللي اتعرضت لي ضرب وهي بدافع عن اختها ، ضرب عنيف وفي الشااارع
طبعا عاداتنا وتقاليدنا ما بتسمح لينا ندخل في خصوصيات ناس بيضاربو في الشارع عشان دي مرتو وبت اهلو وهو حر طبعا .
الحصل في نهاية الموضوع والاتاذى البت المسكينه دي واختها ، فسحبو اورنيك 8 واتعالجت منى وياهو خيطو ليها الجروح البتوجع القلب دي اللي شايفنها وفتحو بلاغ تحت الماده 139 وتم القبض عليهو ، ولحدي هنا احنا كويسين صح
بس اطلقو صراحو بكفاله ماليه وبعد كم يوم كده جا الاستاذ ده فتح بلاغ هو وامو انو منى هي الاتهجمت عليهو ، وتم القبض عليها ، انتو متخيلييييييين ??
وامو قالت انو هي شخبطت نفسها براها عشان تسلبطا في ولدها ، اكيد انتو بتسالو نفسكم كيف يعني ووين المحكمه وين العدل وين ده كلو ، البت دي اتعذبت هي واختها وامها واتزلت وخشت السجن عشان طلبت حقها وما لقت غير اهانه تاني وبس فيعني حسبي الله على العادات والتقاليد البتخلينا نسكت عن حقنا .
الواحد فينا تنضرب من اخوها زوجها ابوها اي زول ، ويقولو ليها ده اخوك ولا ده ابوك ولا زوجك احترميهو ، طيب ليه هو ما شافني انا اختو انا بتو انا مرتو او ام اولادو من اكرمني فهو كريم ومن اهاني فهو لئيم ، لمتين بتلمعو صوركم في المرأة عشان تثبتو رجولتكم العقيمه في ضعف انسانه
للان ما لاقاني رد لي بت زي ردود الاولاد هنا ، كلكم شايفنو عيب وكلكم شايفين دي رجوله وكلكم شايفين انها مستحيله وجزء البسيط اللي شايفو حرام امد يدي علي بت وديل الا من رحم ربي ، ليه يعني ، اوعو علي نفسكم ، السودان ده ما الجنه طيب .
وعشان الناس اللي رافضين فكرة انو في عنف في السودان ، هنزل يوميا القصص الدخلت لي وبصورهم او بي حكاويهم ولو انا ما دافعت عنهم ما ابقا شفق ما محتاجين عقلياتكم العقيمه البتحاول تثبت الرجوله في حرمه ايا كانت بتك اختك مرتك ، بعرف كيف اجيب حقها وادعم قصتها وانتهينا ???.
وفي الختام ?❤
نسوية ضد الذكورية، العالم لينا نحن الباقيات الصالحات الصارخات بعلو صوتهن الضاربات بصوت الحقيقة عرض الخائفين ..
نسوية ضد الذكورية، العالم لينا نحن الباقيات الصالحات الصارخات بعلو صوتهن الضاربات بصوت الحقيقة عرض الخائفين ..
القصه التانيه الهزتني جد جد
جاري تحميل الاقتراحات...