١-ثريد طويل يمكن لأني مش معود اكتب هيك شي، تويتر بالنسبة الي هوي محل ليريّح الواحد و يتسلّى شوي، بجرب اتهضمن ، ضحك العالم و اتضحك، بس في ناحية تانية بتفرض علينا، وخاصة هلأ بحكم وضع البلد، بحكم شغلي و مسؤوليتي عن كذا عيلة بتخليني احكي بشي نتفة جدي لو ما رح يقدم رأيي و يأخر .
٢-في عالم قد ما هي بريئة، مفكرة إنو الأزمة فترة و بتقطع، انو رح نعشلنا كم شهر هيك و بكرا بيرجع بيمشي الحال، بينما لي عم يصير هلق هو تصحيح البلد و ارجاعو على ارض الواقع بعد ما كنا عايشين بمنظومة matrix مالية.
٣-هيدا التصحيح انفرض بالقوة علينا وقت خلص مخزون المصاري لي كان عم يجي عالبلد و عم نستعملو تنخلي الوهم الراكب و الحياة الفوق ادرتنا ماشية.
صح كان في فقر و في عالم ما استفادت من هيدي الرحلة، بس الفقير بهيديك الحقبة رح يصير معدوم بالإيام لي جاية،و الميسور رح ينزل على الطبقة الفقيرة
صح كان في فقر و في عالم ما استفادت من هيدي الرحلة، بس الفقير بهيديك الحقبة رح يصير معدوم بالإيام لي جاية،و الميسور رح ينزل على الطبقة الفقيرة
٤-مسؤوليتنا كشعب بتبلّش من فكرة انو نتقبل بأي منطقة عايشين،نشوف تركيا لي اقتصادنا حدها ما بيبين، "الرخص الوهمي"فيها لي كنا ننبسط وقت نسافر لهونيك و نصرف بالبلاش،الإنتاج و الصناعة و الزراعة و مساحتها، و مع كل هيدا الشي منروح و منفشخ عليهن بال ٦٠٠ دولار لي كنا نقبضهن كمعاش هون.
٥-مسؤوليتنا بتبلش اليوم مع ولادنا لي لازم نعلمهن انو تنطلع مصاري لازم نتعب، مش كلنا بدنا نكون تجار و نعمل كاش بس كسماسرة، مش كلنا لازم نكون اطبّاء ومهندسين.
مسؤوليتنا هي نبني فكرة انو لم الزبالة مش عيب، تنضيف البيوت مش عيب، تعبي بنزين و تغسل السيارة عالطرمبة مش عيب.
مسؤوليتنا هي نبني فكرة انو لم الزبالة مش عيب، تنضيف البيوت مش عيب، تعبي بنزين و تغسل السيارة عالطرمبة مش عيب.
٦-لوم الطبقة السياسية، هوي اهين موضوع، جسمهن لبيس، فسادهن وقح و واضح للكل، بس بالنهاية السياسي هوي شخص، المنظومة لي حاميتو هي نحنا، السياسيين لي عنا هني نحنا، نحنا مننتخبهن، نحنا منحميهن، نحنا منخاف منن، نحنا منحطن حد الله، نحنا منسبن بالخفي و اول ما يجو عالضيعة منعلقلن يافطات
٧-اخيراً، الطبقة السياسية هي فاسدة بكل العالم، ما حدا يفكر انو بس هون، الفرق الوحيد بلبنان انو الطبقة عنا بلا حياء، طالعين من زواريب الحرب، مقتلين آلاف الشباب، سارقين، خاطفين معنفين و متوقعين منن يقدموا استقالة اذا انكشف واحد منن سارق كم مليون دولار؟
٨-ممكن ما رح فينا نغير كل العالم هلأ، بس فينا نبلش بحالنا، فينا نوعى للأزمة لي نحنا فيها و يلي يوم بعد يوم رح تكبر، فينا نغيّر اولوياتنا و نتحضر للجايي،لأن عاصفة الجوع و الفقر ما رح تميز بين حدا.
جاري تحميل الاقتراحات...