في قصة وايد حلوه سمعتها مره والحين كاتبها بإيدي وبطريقتي جذي ، حق اثنين كانو يحبون بعض وعلاقتهم دامت ٧ الى ٨ سنين المهم ، حب الولد يتقدم حق البنت بعد ماتوظف وغيره من ان يضبط وضعه وأموره(الوظيفه عاديه)، ويوم يه يتقدم حق البنت الأهل رفضوه لأن الولد مو من طبقتهم ولا من اصلهم وفصلهم
وبعد عدة محاولات هماً يرفضونه بكل مره ، وانصدمو الأهل ان البنت كانت ترفض اللي ايون يخطبونها لان كانت تبي هذاك الشخص بس ، مع الايام غصبوها أهلها بأن تتزوج من شخص ثاني وطبعا ماكانو يغصبونها قبل لأنّ ما يدرون اهلها بأن ماتبيهم بسبة هذاك الشخص اللي يحبها وماتبي غيره ،
المهم انخطبت البنت من هذاك الريّال اللي اهلها غصبوها عليه وحس ان البنت مو على بعضها ، وقبل عقد القران عرف قصة هـل بنت بأعتراف منها حقه وكان معصب من الموضوع على اهلها ، وعرف ان داخلها ( حب قديم ) وماتبي تحب احد ثاني او تعيش بوهم مع ريّال ثاني ماتحبه ، وهذاك الريال من عايلة كبيره
وتجّار وزينة ، وأهل البنت يحبون هذي العايلة لان بينهم ترابط ومعرفة وغيره ، المهم خطيبها من بعد ماعرف القصة وعرف الولد هذاك منو راح لي عنده ، بعدها قاله ان انا عرفت قصتك ومن هل امور وقاله المفروض كنت اتزوجها لكن من بعد مادريت بالقصه ماقدرت اسكت ، المهم هذا الريال وظف حبيبها القديم
عندهم بالشركة عن طريق ابوه ، وهل شركة حيل معروفه وتصنع لك سمعة حلوه ، وراح الريال حق اهل البنت مع امه ، وقالهم ان مايصير وماينفع اللي تسوونه وحرام وهل شي راح يخرب حياة اثنين مو ذنبهم ان حبو بعض ولا ذنبه ان الله ما أغناه،وحرام تزوجينها مغصوبه وهل ولد الحين مشالله خلاص بيشتغل عندنا
وراح يتعدل وضعه وغيره ويمكن يصير احسن منه حتى بعدين وانا ما اقدر اتزوج شخص يحب شخص ثاني واخرب حياتها بسبتكم، المهم الام من بعد كلامه حست على دمها وحست ان اللي سوته شي واااايد غلط وكبير وخلاص راح توافق على الريال هذاك، المهم رفض الريال البنت ، وكلم هذاك الولد ، وعطا خبر حق البنت
ان كيت وكيت من و الى شنو صار وماصار ، لاتشوفون شلون بچو من الفرحه لأن قلبين صافيين راح يلتقون ببعض ❤️ ، تزوجو هل اثنين ومرت سنين،وتوفى الريال هذاك اللي مفروض يتزوج البنت واللي رفضها عشان مايظلمها معاه،وابوه ماقدر يكمل بالشركه خلاص ف اللي مسك الشركة زوج البنت وصار من تجار الدوله،
وتغيرت الأحوال وصار اهوا يصرف على ام واهل البنت وعاشو
حياتهم ، ومع العلم سامح الولد الأم باللي سوته وتصافت لقلوب .
حياتهم ، ومع العلم سامح الولد الأم باللي سوته وتصافت لقلوب .
اختصار الموضوع ، ان هذاك الريال عن مليون ريال لان ماحب يظلم البنت معاه وانتو عارفين ان احنا بزمن عادي ناس يظلمون البنات وحتى لو يدرون تحب غيرهم و جمع راسين بالحلال وكان من أساس زواجهم اهوا، وثاني شي الله سبحانه يغير كل شي ويقلب الموازين بيوم وليلة ف لا تتكبر على غيرك
لا تتكبر على غير و و ما تتقبل الثاني لان مو من اصلك وفصلك وطبقتك الدنيا دواره وتتغير ، اليوم تكون شي وباچر شي تصير شي ثاني ، آخر شي عسى الله يجمع كل اثنين يحبون بعض وماعندهم أمل بالزواج بسبب الأهل ??❤️
جاري تحميل الاقتراحات...