ثريد:
... فندق ارآك هوتيل...
-مستحيل لأي شخص عاش ف السودان وخصوصا ف العاصمه الخرطوم وبمشي السوق العربي ما يكون شاف المبنى العملاق دا وماجاتو تساؤلات ليه المبنى القديم دا ف نص الخرطوم وفحته حساسة زي دي وبدون ما يشغلوهو ولا يستفيدو منو ولا حتى يفكرو يرمموه... (ساعدنا بالرتويت)...
... فندق ارآك هوتيل...
-مستحيل لأي شخص عاش ف السودان وخصوصا ف العاصمه الخرطوم وبمشي السوق العربي ما يكون شاف المبنى العملاق دا وماجاتو تساؤلات ليه المبنى القديم دا ف نص الخرطوم وفحته حساسة زي دي وبدون ما يشغلوهو ولا يستفيدو منو ولا حتى يفكرو يرمموه... (ساعدنا بالرتويت)...
اول شي الفندق دا بالمناسبة ما اشتغل كتير يعني لمن اتقفل هو في حد ذاتو كان جديد وكان حديث العاصمة كلها وكان يعتبر واجهه سياحية للبلد الكلام دا كان سنه 1985 وكانو بيستضيفو فيهو وحوه سياسية خارجية والفندق ملك لرجل الاعمال حسن ابراهيم مالك. (انا ما بعرف عنو كتير)....
بدت احداث قصتنا بعد سنتين من افتتاح الفندق سنه 1987م وبالتحديد الغرفة رقم (612) والغرفة دي اصلا ماكنت غرفة استضافة كانت غرفة قديمة مليانه عفش قديم وادوات تنظيف يعني بالجابس كدة الغرفة دي مخزن.
كان في تاجر عملة قالو انو كان من اكبر تجار العملة ف الخرطوم قاعد ف الفندق جا واحد وبطريقة ما وداهو الغرفة ٦١٢ دي واغتالو والغرفة دي اصلا بعيدة من باقي الغرفة يعني ف اخر طابق فوق....
بعد كم يوم النزلاء اشتكو انو في ريحة كريهه مصدرا الطابق الفوق لمن امن الفندق بحث عن المصدر اكتشفو انها من الغرفة ولمن فتحو الغرفة اتفاجؤ بتاجر العملة ملقى على الارض ويسبح في بركة من دمائه.. وفي لحظات زي البرق الخبر انتشر ف كل ارجاء الخرطوم...
وفي غضون دقائق اتحول الطابق العلوي من حته نائية وما بيجيها زول غير عدد بسيط جدا من العمال لي مكان ما بتقجر تقيف فيهو من شدة الزحمه من ناس سمعو الخبر وجو يشوفو الحاصل ومن قوات شرطة على استخبارات (بالمناسبة دي خليكم في بيوتكم يا شعب يا رائع).. المهم وبدت التحريات لحدي ما اكتشفوا..
اكتشفوو انو القاتل هو برضو نزيل ف الفندق وبيسكن ف الشقة 515 وكان معاهو كل القروش حقت تاجر العملة دا واتسجن ف سجن كوبر وتم تنفيذ حكم الاعدام عليه.
من بعد الفترة ديك الناس بقت ما بتجي الفندق خوفا على ارواحهم ولعدم ايمانهم ب امن الفندق مما أدى الى تدهور حاله حتى تم اغلاقو بعد عدة محاولات فاشلة لإعادة افتتاحة.
من بعد الاغلاق ب قريب ال 10 سنوات بدت تظهر قصص انو الفنجق اتسكن( بالجن) ما هو طبيعي يعني مكان وترك فترة من الزمن فا الناس بقو بيحكو (وانا علمي علمكم) انو بقو بيسمعو اصوات صراخ من الطابق العلوي واصوات ناس بتتكلم من شبابيك الغرف حقت الفندق؟! مع انو الفندق ليهو ١٠ سنوات ما دخلو بشر
وغير انو بقا ملجئ لناس كتار بيمارسو فيهو كل انواع الرذيلة فا طبيعي يعني. المهم اهم القصص قصة الظل البيحوم بليل.
-يحكي واحد من الباعه البيفرشو تحت الفندق دا وهو انسان كبير ف العمر قصة حصلت معاهو يوم بليل وهو راجع.....
-يحكي واحد من الباعه البيفرشو تحت الفندق دا وهو انسان كبير ف العمر قصة حصلت معاهو يوم بليل وهو راجع.....
قال ف يوم اتاخرت بليل بعد ما خلاص لميت بضاعتي حسيت بصوت حركة من جوة الفندق ف جاني فضول انو اعرف الصوت دا شنو هل هو حيوان ولا دا واحد من المتشردين البيكونو لافين ف الحتة ديك فلم عديت السور الزنك الحوالين الفندق قال شفت ظل الظل دا ما ظل انسان طبيعي وفي يعني شوية ضوء جاية من..
جاية من الجامع الكبير فا الحاجة الغريبة انو دا ما ظل انسان طبيعي والغريب انو في الظلام دا بتقدر تلاحظ انو عيونو فيها زي ماتقول كدة بتعكس لون غريب كدة زي عيون القطط اول ما لمحني بسرعه كبيرة جرا باتجاه السلم. واختفى...
-ايه الكائن دا؟
-وليه فندق بالحجم دا والموقع دا لسة كدة؟!
-ايه الكائن دا؟
-وليه فندق بالحجم دا والموقع دا لسة كدة؟!
انتهى الثريد ولو لقيت اضافات زيادة بعمل جزو تاني ان شاء الله.
- لو عجبكم الموضع اعملو ريتويت وخلي الفايدة تعم الجميع❤️
وشكرا.
- لو عجبكم الموضع اعملو ريتويت وخلي الفايدة تعم الجميع❤️
وشكرا.
اخيرا حأخت الصورة دي😂😂😂😂😂😂😂
... شكرا لكل الناس الحلوة والشعب الرائع ♥️.....
-اعملو فولو وخليكم جاهزين لقصة تانية قريبة ف الفرن🌚🔥
... شكرا لكل الناس الحلوة والشعب الرائع ♥️.....
-اعملو فولو وخليكم جاهزين لقصة تانية قريبة ف الفرن🌚🔥
يا شباب بالله العندو قصص ظريفة زي دي ولا معلومات غريبة عن حته معينه يتواصل معاي DM عشان نعز الناس.
القصة التاني🌚✌️🔥
@li8i_2 ايوة😂🔥
جاري تحميل الاقتراحات...