رتبها

تحليل مفصل لكونسبت ايتيز
ثريد :

اول شي القصه بدأت من ساي ماي نيم وكانوا ايتيز يحاولون يتغلبون على جانبهم السيء او اللي نسميه الجانب المظلم وانه هو العدو لهم وطبعاً مابيتخلصون منه بالساهل

بالبدايه هونق كان واقف بين ناس لابسين اسود ونقول انه ذا العائق اللي كان قدام هونق وبسبب ذا العائق طاح من يده العلم او مدري وش اسمه اللي مكتوب عليه ايتيز زي انه ماقدر يساعدهم او يتعاون معهم او شي من هذا القبيل وتعابيره محبطه وكأنه فشل بتسوية شي معين

وهنا الاعضاء كانوا جالسين قدام جانبهم السيء (عدوهم) وكأنهم يحاولون يتخلصون منه وسونقهوا كان صارم بذي المحاوله ورغبته انه يتخلص منه قويه

و يوسانق كان محبوس بمكان زجاجي وكان قدامه واحد من الاعداء وكأنه هو حبسه والاغلب ما لاحظ العدو لانه لابس اسود ويتجول قدام يوسانق طول الامفي وكأنه يحاول يجنده ويخلي يوسانق بصفه ضد ايتيز وبكذا يحرره

وبالامفي كانوا الاعضاء جالسين على طاوله وقاعدين يشتغلون على اوراق وكانوا جديين كأنه شي مهم للفرقه وفي لقطه ثانيه بنفس الغرفه وويونق كان قاعد يرمي الاوراق بالارض وكأنه مب هامه شي وكذا الايتينيز عرفوا اول عدو لايتيز كان وويونق من حركاته ومحتمل يكون هو اللي حبس يوسانق عشان يكون معه!

وبمكان ثاني سان كان يناظر نفسه بالمرايه وكان يشوف جانبه السيء وبعدها جت لقطه ثانيه جالس على الارض ومشككين هو ماتخلص منه او تخلص منه

وهذي اللقطه ايتيز كانوا يناظرون بالرايه اللي عليها اسمهم طايحه بالارض وكأنهم يحاولون يوصلون لها بس مب قادرين لان فيه شي يعيقهم

وبنهايات الامفي تقريبا طلعت لقطة ايتيز قدام جانبهم السيء كل عضو كان قدام جانبه الا وويونق لانه هو العدو بينهم كان قاعد قدامه يوسانق وكان وجه وويونق متفاجئ منه وكذا عرفنا ان اللي حبس يوسانق عشان يصير ضد ايتيز نجح والدليل ان يوسانق اللي كان له جانب واحد وهو الجانب السيء بس

وهنا سان كان يمشي لحاله وجا جونقهو من ورا وغنى معه وكأنه يساعده ولما طلع جونقهو من وراه لاحظ سان مساعدته له وناظر فيه

وبنهاية الامفي عشان سونقهوا كان صارم انه ينهي الجانب المظلم قدر انه يتخلص منه ويشيل الماسك من وجهه وصارت هويته معروفه بكذا سونقهوا تخلص منه بشكل نهائي وبالامفيز الثانيه يحاول يساعدهم ويحاول يصيد الاعداء اللي مايدرون عنهم ايتيز

وبنهاية امفي ساي ماي نيم طلعوا جانب ايتيز السيء من هنا كانت بدايتهم بالظهور بالامفيز بشكل واضح ومو تلميحات زي قبل

سونقهوا ويونهو من اكبر الاعضاء بأيتيز وتحليلات الكونسبت كلها انهم يحاولون يحمون وماهم مشبوهين عكس يوسانق و وويونق والدليل انه عندهم القفل ويوسانق عنده المفتاح ويمكن هذا السبب اللي يخلي سونقهوا يطارد يوسانق بوندرلاند

الحين بنتكلم عن ظهور جانب ايتيز السيء واللي هو عدوهم اللي يحاولون يتخلصون منه وهالا هالا كانت من ارعب اغاني ايتيز لانها تبرز الاشرار بذا الكونسبت

بارت راب هونقجونق كان يقول "في وسط الصحراء هناك اثار اقدام اكثر"

محد فهم قصد هونق بذي الجمله وطلع كان يقصد يوسانق لانه كان بالصحراء وكان فيه اثار اقدام اكثر من جد! بس ماكانت ليوسانق لانها كانت قدامه وهو مامشى بذاك الطريق يعني فيه احد مشى هناك غيره ويمكن يكون هو جانب هونق السيء هو اللي كان بصحراء يوسانق لانه هو الوحيد اللي تكلم عنها

طبعاً لان ما اكتملت رواية ايتيز حنا مانعرف ليه يوسانق راح هناك! ولا نعرف ليه هونق السيء كان بالصحراء يمكن يوسانق كان يبي يمسك هونق او انهم كانوا بيخططون لشي مع بعض ضد ايتيز! يارب بالكومباك الجاي يوضحون اكثر

وبذا البارت ايتيز كانوا يشبهون نفسهم بفيلم “Suicide squad” وهو فيلم ابطال خارقين الاكثر شراً وينفذون مهام خطيره مره وقالوا انهم هم نفسهم بس في الواقع!

واخر الامفي كل ايتيز طاحوا الا وويونق يعني ايتيز قدروا يتخلصون من جانبهم السيء ويطيحونه الا وويونق والاغلب حللها ان وويونق اكثرهم شر ورغبته بتدميرهم كبيره وذا الشي كانوا يلمحون له بساي ماي نيم

اليوم بحلل لكم امفي ايلوجن اللي كنا نحسبه يوتوبيا ايتيز اللي يبون يوصلون لها ونحسبها كيوت وسوفت وهي العكس لو تدققون بتلاقون اشياء بشعه وتخوف!

ببدا التحليل بذي الصوره اكيد الاغلب ما لاحظ ان الماسك اللي كانوا لابسينه جانب ايتيز السيء لما ظهروا بالامفيز الثانيه كان موجود بأمفي ايلوجن وذا يعني انه واحد منهم كان مع ايتيز في ايلوجن ومحد من ايتيز يدري عنه!!

الاحتمال الاول انه يكون جانب مينقي السيء هو اللي معهم،لاحظوا بهذي اللقطه مينقي يحاول يرمي العصا على هونق وهو مايدري بس سان صده ومسكه وحاول اكثر من مره، قد قلت لكم ان سان وجونقهو هم المدافعين بأيتيز سو عشان كذا هو اللي انقذ هونق

ومره ثانيه مينقي يحاول يضرب هونق!

والاحتمال الثالث يوسانق لانه كان مسوي نفسه يساعدهم وهم بالاصل يتجسس

تلميحات انهم كانوا بين ايتيز

لاحظوا ان يونهو كان ماسك البوصله ويتأملها كأنه يحاول يعرف طريق العوده منها وللحين مافيه تفسير لحركات يونهو لانها كلها غريبه بس الاحتمال الاكبر انه هو وسونقهوا يحمون ايتيز ومب ضدهم زي وويونق ويوسانق

@Ahgabebee وونهو فكت تشفير الكلام المكتوب على كارد البوم ايتيز واللي هو :" لقد كنت انظر للساعة الرمليه وبدون تفكير اُديرها، وبدأ الرمل بداخلها بالسقوط من الاعلى الى الاسفل" وكان سونقهوا يناظر للساعه الرمليه ويديرها كأنه يحسب الوقت الباقي عشان يصير شي معين وذا بعد ماله تفسير!

وويونق مسك البلوره وكان يشوف شي فيها وبعدين سونقهوا قام يناظر فيها بتعجب وكأنه لقى شي!بس مب موضحين وش شافوا فيها وليه مهتمين فيها هالكثر

والاحتمال الثالث والاكبر انه يكون وويونق لانه من بداية الامفي يسوي حركات مشكوك فيها وكان يشغلهم كثير وبأخر صوره كان الكل يشتغل ومشغول وكان وويونق يشغلهم وكان دايم يشغل سان ويلعب معه بحكم انه مدافع وبنفس الوقت يبعد الشكوك عنه

وعلى نهايات الامفي طلعت الساعه الرمليه حقت سونقهوا والبوصله حقت يونهو هذا تلميح ان الشي اللي كانوا ينتظرونه بيصير او نجحوا بتسوية شي

سونقهوا ويونهو بينهم تعاون بس مب ضد ايتيز وهم قاعدين يراقبون باللي مشكوك فيهم شوفوا مينقي و وويونق ويوسانق بعيدين عن البقيه بس سونقهوا ويونهو قريبين عشان يراقبونهم

ايتيز لما دخلوا المكان اللي بيرجعهم للواقع ويصحون من الحلم هذا ، كانوا واقفين جنب بعض الا وويونق كان قدامهم كأنه يعرف طريق الرجعه وذا تلميح ان كل اللي كانوا فيه هو مخطط له

وبذي اللقطه وويونق كان في اخر النفق اللي بيطلع ايتيز من حلمهم وكان هو الوحيد المتواجد فيه وكأنه يعرفه ومخطط له!، وبعدين جت لقطة لوويونق وانعكاسه بالمويه ويحركها وهذا معناته انه يتحكم بكل شي وهو العقل المدبر للي صار وهو اللي دخلهم وهو اللي طلعهم بالاخير

وبنهاية الامفي طلعوا ايتيز من الحلم اللي كانوا فيه وصحيوا في ويف وهي حياة الواقع مب وهم مثل امفي ايلوجن

وبعدها الاعضاء صحيوا في ويف والوحيد اللي ماله لقطه وهو نايم وويونق لان هو كان بالواقع اصلا وطلعهم له

سونقهوا كان اول واحد فيهم يفتح عيونه بالواقع لانه اقواهم وتغلب على جانبه السيء ومتحد معه

برجعكم لاغنية ترسيم ايتيز بايرت كينق وبقولكم شي يخوف شوي،الوحيدين اللي في البارتات حقتهم جاهم قليتش احمر هم مينقي و وويونق ويوسانق!هذا تلميح من اغنية الترسيم انهم بيكونون الاكثر خطوره في هذا الكونسبت

تحليل امفي وندرلاند الامفي فيه اشياء كثيره واكثر واحد بارز بالتحليل بيكون سونقهوا لانه شاد حيله بزياده وقاعد يحبس خلق الله وهو فاهم غلط الاخو

نبدا التحليل بهونقجونق يوم جا قليتش احمر بالبارت حقه دليل انه صار خطر عليهم وصار ضدهم؟ ميبي بس ماله افعال سيئه كثيره بهالامفي (زي القليتش اللي طلع في بايرت كينق ليوسانق ومينقي و وويونق ومن جد هم الخطيرين بالكونسبت)

نجي لبارت يثبت ان هونق صار ضدهم دف جونقهو وضرب سان (سويتي جونقهو وساني) بحكم انهم المدافعين وقد تكلمت عن تعاون سان وجونقهو قبل وطالعه بالامفيز كثير

سونقهوا بالمصعد مع سان ويوسانق رايح يحبسهم شكه بيوسانق صحيح بس سان شك فيه وهو ماله ذنب بس ستل راح يحبسه لانه فهم غلط

يونهو قاعد يراقبهم من بعيد طول سلسلة تريجر وهو قاعد يراقب محتمل نهاية كل شي بينقذهم يونهو لانه بيكون عارف كل شي، في بارت يونهو بوندر كان قاعد بغرفه فيها شاشات دليل على المراقبه بلس فيه ضوء اخضر يدل ان يونهو مب خطر عليهم عكس الضوء الاحمر اللي ببارت هونقجونق

وويونق اللي حبسه سونقهوا وقيده لانه عرف حقيقة انه ضدهم وخطر عليهم

سونقهوا حبس سان لانه شك فيه ( امسكوا مجنونكم يمشي ويحبس بخلق الله )

هنا جونقهو بدا يستعد انه يطلع الدرج اللي هو الطريق اللي الكل قاعد يتكلم عنه ويوصله للباب اللي يطلعون منه من وندرلاند وجونقهو بيبدا فيه اول واحد لانه اللي بوجه المدفع بالكونسبت وبحكم ان سان محبوس هو كان لحاله ، نلاحظ تلميحات انهم متعاونين الرايه السودا اللي مع سان ومع جونقهو