رتبها

دا ثريد مبسط عن #علاج_كورونا بالبلازما!!شنو هيا البلازما؟
وكيف بنحصل عليها؟
امكانية استخدام البلازما لعلاج مصابي كورونا التجارب الحصلت ونسب الشفاء وما مدى امان العلاج بالبلازما!؟
هل ممكن انو السودان يقوم بانتاج العلاج؟
مع المصادر
#كوفيد_19 #فيروس_كورونا
#القومه_للسودان

اولا البلازما احد مكونات دم الانسان وهيا عباره عن ٥٥٪ من الدم ومهمتا الاساسيه نقل الغذاء من المنشاء الى الخلايه المستهلكه وعندها مهام تانيه ممكن تقراها في المصادر

مكونات البلازما
بتحتوي البلازما على العديد من المكونات اغلبه عباره عن كالسيوم صوديم كلوريد بس المكون المهم هو الاجسام المضاده محور حديثنا اليوم

شنو هيا الاجسام المضاده؟
الاجسام المضاده هيا بختصار لمن يجيك فايروس بقوم جسم الانسان بحارب الفايروس او البكتريا واذا نجح في العلاج بقوم ببقى عندك اجسام مضاده

تاريخ العلاج بالبلازما
العلاج بي البلازما تم اكتشافو قبل اكتر ١٠٠ عام وتم استخدامو مؤخرا لعلاج السارس وميرس المنتمين الى عائلة كورونا وايضا الايبولا

طريقة استخراج البلازما
بتقوم الطريقه على اسحب من دم انسان اتعافى من الكورونا ويكون موجود فيو الاجسام المصاده بكثره
يلا بالنسبه للزمن الممكن نلقى اجسام مضاده بكثره ما اتحددت لسه بس في فترة النقاهه
بعدين بواسطة جهاز الطرد المركزي بتم فصل البلازما عن بقيت مكونات الدم..

طريقة عمل البلازما
بعد استخراج البلازما بقومو الدكاتره ببعض العمليات عليها وانتاج المصل
بعدين بنقوم نحقنو في المريض يلا الاجسام المضاده الداخل البلازما لمن تدخل جسم الانسان المصاب بتقوم تتكاثر وتبدا تحارب في الفايروس لانو عندها معرفه بيو واتغلبت عليو قبل كدا..

طيب ناخد غوصه شويه عشان نفهم كيف بتعمل الاجسام المضاده
الاجسام المضاده بعد حقنها في الجسم بتدور على الفايروس بعد تلقاو بتقوم تتلصق بيو لمن يحصل كدا بتمنعو انو يتكاثر او يلتصق بي خليه تانيه
وبتخليو حايم ساي

الحاجه دي بتحفز خليه تانيه اسمها البلعميه دي مهمتا بتدور على الاجسام المضاده الملتصقه بي كائن غريب عن الجسم وتقوم تبلعو وتجيب اجلو وهكذا لحدي ينضف الجسم من المرض

هل ممكن نستخدم البلازما لعلاج كورونا؟
عشان نجاوب على السؤال دا لازم نشوف التجارب الحصلت على المصل دا مرفق صور لتجارب من دول مختلفه للعلاج

ما مدى امان الطريقه دي على صحة المصاب ؟
جميع المصادر المريت عليها بتقول انو الطريقه دي من اكثر الطرق امان اذا اتبع الشروط في استخراج واستخلاص وانتاج العلاج
وانو مافيها اي اعراض جانبيه على المريض اذا كان الناقل معافى
يعني ممكن تطلع اسرع من اللقاح

نجي لي اهم نقطه في الثريد
امكانية انتاج واستخدام العلاج دا في السودان!!
زي ماعرفنا انو انتاج العلاج دا بحتاج ادوات اهمها اجهزة الطرد المركزي
الجهاز دا في السودان منو على اقل تقدير٥٠ جهاز جميع الجامعات والمستشفيات والمعامل ومصانع الادويه بتحتوي على الجهاز دا
دا بالنسبه للامكانيات

بالنسبه للقدرات البشريه لانتاج العلاج دا !!
اي طالب مختبرات بعرف طريقة فصل البلازما من الدم
وباقي العمليات ممكن يقومو بيها اخصائين تحاليل او حتى مختبرات و معامل ومصانع الادويه
لو واحد بفهم في الموضوع دا دخل النت ممكن يلقى طريقة عمل العلاج دا

دا بدل على انو افضل وارخص و أمن طريقه لعلاج المصابين بكورونا المتوفره حاليا هيا البلازما
طيب البمنع حكومه السودان من انو تعمل على العلاج دا شنو ؟ وليه ماف اخبار في سعي عن الحاجه دي؟
وليه نحن دايما حنكون دوله متخلفه حتى في الحاجه البنقدر عليها ننتظر غيرنا يسويها ?

في النهايه اذا في اي غلط صلحوني
انا ماخبير في الفايروسات او غيره
لكين لقيت معلومه وبحثت فيها بحث مضني وحبيت اشاركم فيها عسى ولعل يكون علاج والحكومه تتحرك في الاتجاه دا

ممكن تشوفو التويته دي للدكتور العصيمي خبير في الفايروسات ونظرتو عن علاج الكورونا بالبلازما
@AnaBandar د بندر هل ممكن تعلق على الثريد دا لو فيو اخطاء ولو ممكن تدينا بعض النصائح

المصادر
bit.ly
bit.ly
bit.ly
bit.ly
bit.ly

ودي مقاله لي اول دكتور يقوم بالعلاج بواسطة البلازما وقصص المرضه بالكامل
ياريت تقراها لو كنت محتاج تعرف معلومات زياده واكتر
bit.ly

bit.ly/2Wifxyg

@_VVelly
@Sudanese_Spt
@sam92er
@EzzoMojtaba
@BishoyMW
@Actanonverba16
@khalidalbaih
@aminabdullaM
@MohanadElbalal
@SudanMOH1
@SudanPMHamdok
@faral_3
@AmroKhier
@husam_koko
@hussamnasri
@safy_6

@AbrarTalab_123
@mohamadain
@MO7_OMAR
@yasin123ah
@Yasir705

عشان الفكره ماتموت زي اغلب افكار تويتر ونحاول نطلع بي حاجه
في غضون ٧ ايام لو ماف اخصائي في علم البكتريه والفايروسات نغض العلاج وبين انو ماناجع
و الحكومه ما اخذت رد فعل بخصوص العلاج حنقوم نشتغل عليها نحن كشباب

انا مستعد اوفر مقر للعمل وكمان مواتر وايضا لتوصيل عينات الدم وكمان المصل وايضا ممكن اوفر سيرفرات للعمل عليها بس ححتاج معاي ناس اي زول مستعد يشارك ولو حتى بي مجهودو فقط يشاركني في الخاص يكتب اسمو وتخصصو وشنو الممكن يقدر يقدمو ولو مشينا لي قدام حتواصل معاكم ونبدا نشتغل عليها

شعب السودان قدر يركب راس مع طاغيه ٩ اشهر وشالو
وهسه متاكد انو الشباب السوداني ممكن يشارك وينجح الفكره رغم عن انف اي من كان
حنحتاج معدات وادوات كتيره بس كل واحد بقدم البقدر عليو

ان شاء الله يوم ٧ مايو حنجي نشوف حنمشي بي المجهود الجماعي ام الحكومه حتقوم بالموضوع دا
#القومة_للسودان بي يد شباب السودان ولي شعب السودان ماف زول حيقدم لينا حاجه الزمن دا ولازم نعمل بي يدنا
لو انت على استعداد انك تشارك حتى لو عن بعد شاركني ف الخاص

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة