@M_alduhaimi همّهم .. تكوى شمغــهم بالنشاء
وهمّي .. اداري حفاي من الهجير
كنّهم كيـس الجـراد الى انحشى
تجمـــعه منّا .. وهو منّا يطيــــرً
لاسقى يوم امدحت شعري .. رشا
امدحت شعري .. ولا عينت خير

@M_alduhaimi نثّـــروني بين ماظن وحشــا
ضيعـــوني في يصير وما يصير
ان رقد طرفي غشاه اللي غشى
وان سهر ساقوه في نكر ونكير
ودّهم بعصيــر .. اصلي للعشاء
والعشاء وش جابه لحزة عصير

@M_alduhaimi توي ادري .. ليه غرّد وانتشى
اصغر اعصيفير .. صار اليوم طير
وكيف شعري هز ملهوف الحشا
وليه يرمـــوني على الضلع القصير
وكيف ( مسرع ) كان يعرج لامشى
و ليه (شعبان) افتخر واسمه قصير

@M_alduhaimi ياقصيدي لا غشيت ولا اغتشى
نذر مالك لاشبيه ولا خشير
واخبر الواشي ومن هوله وشى
والله ان الفرق ياشعـــري كبير
شاعرٍ ٍ مثل المــرابي لأرتـشى
وشاعر ٍ وظيفته ( كرسي وزير )
وشاعر ٍ .. يبغى لورعانه .. عشى
ومترفات الجيد ترفل بالحرير
وصح لسان ابو خالد
كلمات الشاعر
@M_alduhaimi