ولا تحزن اذا ما غنّت الدنيا على ليلاك
تبسم وانتظر ليلاك هي اللي تغني لك !
تبسم وانتظر ليلاك هي اللي تغني لك !
ولا تحزن على حزة مغيب الشمس عن دنياك
تغيب و عذرها تاخذ "صباح الغير" من ليلك !
تغيب و عذرها تاخذ "صباح الغير" من ليلك !
ولا تحزن على ارضك اذا صار الوطن منفاك
تمسّك بـ آآآآخر ترابه .. الين ترابه يشيلك !
تمسّك بـ آآآآخر ترابه .. الين ترابه يشيلك !
ولا تحزن على اسمك ولا شكلك ولا منشاك
تفاصيلك تكون احيان ، ما تحمل تفاصيلك
تفاصيلك تكون احيان ، ما تحمل تفاصيلك
ولا تحزن اذا صرت الغريب بطبعك ومبداك
مدام الحلم حلمك .. لازم التأويل تأويلك !
مدام الحلم حلمك .. لازم التأويل تأويلك !
ولا تحزن اذا ما فيه غير الذنب شي ابكاك
دموع لغير وجه الله .. ما تسوى مناديلك !
دموع لغير وجه الله .. ما تسوى مناديلك !
ولا تحزن على نفسك اذا احرمتها مشهاك
يا كبر الفارق اللي بين : تمهيلك وتهميلك !
يا كبر الفارق اللي بين : تمهيلك وتهميلك !
ولا تحزن اذا ما باقي الا يديك في مخباك !
نصيب ٍ كاتبه ربي يجي لك غضب بيجي لك
نصيب ٍ كاتبه ربي يجي لك غضب بيجي لك
ولا تحزن لو اصحابك ورا ظهرك تصير عْداك
ورا ظهرك بتلقى ناس تفرح لك و تدعي لك
ورا ظهرك بتلقى ناس تفرح لك و تدعي لك
ولا تحزن على اللي مانسيت انه قدر ينساك
تأكد من يضحي فيك .. لا يمكن يضحي لك
تأكد من يضحي فيك .. لا يمكن يضحي لك
ولا تحزن اذا تزرع ورود .. و تجني الاشواك
يجوز العيب من "تربتّك" ماهو من مخاييلك
يجوز العيب من "تربتّك" ماهو من مخاييلك
ولا تحزن على عثرات عمرك .. جعلها تفداك
تشوف القادم اجمل كل ما توقف على حيلك
تشوف القادم اجمل كل ما توقف على حيلك
ولا تحزن اذا ما انصفوك الناس في محياك
تموت ويسرفون الناس في مدحك وتبجيلك
تموت ويسرفون الناس في مدحك وتبجيلك
ولا تحزن اذا ما راح احد يحزن على فرقاك
من دروب الفراق .. اختار دربٍ ما يودي لك
من دروب الفراق .. اختار دربٍ ما يودي لك
أخيراً :
ولا تحزن ولو حتى يصير الحزن من سيماك
ترى الافراح تعني لك .. لأن الحزن يعني لك
ولا تحزن ولو حتى يصير الحزن من سيماك
ترى الافراح تعني لك .. لأن الحزن يعني لك
جاري تحميل الاقتراحات...