?? لا صحة إطلاقا للأخبار اللى بتقول أن مصر هتفتح المطارات يوم ٩ او ١٥ او ٢٣ مايو .. حتي لو لقيتو على المواقع حجوزات طيران مفتوحة تقدرو تحجزو فيها - رجاء متحجزوش - لأن مفيش تاريخ حقيقي - حتى الآن - لعودة الطيران ولو حجزتو الطيارة هتتكنسل ومش هتاخدو Refund .. خدو بالكم
عودة المطارات مرتبطة بأكتر من حاجه وقرار العوده هيبقي مربوط بإجراءات خاصه بوزارة الصحة بالتنسيق مع منظمة الصحه العالمية وتحقيق معايير صحية معينة علشان الدول اللى هتستقبل رحلات من مصر متعملش Ban لرحلات الطيران المصرية وتبقي كارثة أكبر من الكارثة الصحية
شركات طيران كتير زى British Airways و Lufthansa كنسلت رحلات طيران لعملاء مفروض كانت تطير من مصر لألمانيا أو من مصر لأنجلترا وكان معاد الطيران فيها ٢٣ مايو و ٢٥ مايو.. دا معناه أنه الطيران الدولى مش هيرجع فى شهر مايو على الأرجح .. فكرو كويس قبل ما تحجزو دلوقتى وتدفعو فلوس
لو دفعتو فلوس , شركات الطيران - علشان الأزمة الراهنة - ال Policy بتاعتها واضحه أن مفيش refund لكن هتاخد E-Voucher تقدر تستخدمه فى خلال سنه بقيمة التذكرة تقدر تحجز تذكرة تانيه فى أى وقت تانى لما الطيران يرجع .. فالأفضل تستنو لحد ما يطلع قرار رسمي بعودة الطيران الدولى من مصر
الدول الأوروبية حاليا كلها فى مناقشات يومية إنها تفتح فى النص التانى من مايو ( الحدود الداخلية مش الخارجية ) ولحد دلوقتى مفيش قرار مُعلن رسمي من أى دولة أوروبية أنها أمتى هتفتح حدودها للطيران الدولى وتبدأ تشغل المطارات .. فى دول زى فرنسا مثلا قالت انها هتفضل لحد سبتمبر قافله كده
الجزء الأخير والمهم , اننا بنتوقع أنه بعد ما المطارات تفتح فى أوروبا وأمريكا هيحصل Travel Ban لبعض الدول اللى عندها مشاكل فى الوضع الصحي بخصوص كورونا وبلاد تانية هيتطلب من مواطنيها تحاليل قبل ما تطلع الطيارة ويسمحو ليهم بدخول البلد .. الفترة دى نعتقد أنها هتستمر لحد الخريف الجاى
جاري تحميل الاقتراحات...