الناس الطبيعيه يصلون عشان تزيد حسناتهم إلا حنانصلي وتنقص حسناتنا ولاتخيلوا ان اليوم عشان عايلة خالي معنا قلنا بنصلي يالحريم لحالنا المهم ان اختي قالت انا الي بصلي فيكم والأمور تمام لين شفتها تقدمت لحالها قلت يامسلمه ترا المرأه اذا بتكون إمام تصف مع الصف الأول بالنص وتقول يالحسوده
مالك شغل فيني وجدتي تقول ماعليك من الفاجره ذي صلي بس وتكبر وتقرأ وترتل وصوتها يشبه لصوت بنات السلطانه وامي تنزل دموعها وشكلها من الضحك ومرت خالي الي اول مره بحياتها تصلي تراويح ميته ضحك وكل ماسجدت الي قدامها نغزت مكو*** وخالي الي يحب الحريم كل شوي يمر علينا ومرزام شماغه سابقه
ويوقف عند الباب يضغط جواله يحسب معنا احد ثاني والشغالات٤قدامي بينهم سجاده وحده وشغالتنا مباعده رجولها من بعض عشان مايجي لهن مكان واذا ركعت وسجدت تباعد يديها من جنبها والشغالات الثانيات يقبصونها عشان توخر لهم لين سحبت شغالة جدتي وخليتها توقف جنبي وصارت وراء شغالتنا المهم
ان شغالتنا مازالت حسوده واذا سجدت رفعت رجولها كذا ?لين تجي عند راس شغالة جدتي وشغالة جدتي مابيدها حيله ماغير تكشش عليها وصلينا الركعه الاولى وتجي اختي الوالد معها بخور وتصفق لها جدتي وتاخذه منها وتبخر جلالها وهي ف الصلاه وتعديه ع الي جنبها ويمشي بينهم
المدخن لين وصل عند مرت خالي وقامت تحطه تحت اباطها ولو تحمست شوي دخلته تحت قميصها ومشت الصلاه الي الله يقبلها بس لين قامت اختي تدعي واختي السايكو قامت تبكي وجدتي تدق صدرها وماتعرف شيء اسمه امين كل مادعت اختي قالت جده كالعاده بري حالي انشهد والشيء الغريب الي زاد اليوم ان مرت خالي
ترد على جدتي تقول شفتي اي بالله صدقتي وخلصنا صلاه توقعت بيقعدون شوي يستغفرون ولايقرون اذكار لا قعدوا يقطعون جح ويتحلطمون ان شهر ١٠مابيكون فيه زواجات وفتحت جوالي الا اختي الوالد مصورتنا وحنا نصلي وكاتبه"روحانيه" المهم اذا احد شاف الروحانيه يكلمني
جاري تحميل الاقتراحات...