@error21188 1- حلو السؤال .
ربنا سبحانه وتعالى قبل ما يعذب الأقوام كان بيرسل فيهم رسول ونذير والرسول دة بيخاطبهم بالتي هي أحسن وبيدعوهم بالمنطق والموعظة الحسنى وبل بيصبر على أذاهم وكفرهم وعنادهم ثم الليفل الأخير ليفل العذاب الأنت قاصده.
فكل دي مراحل (رحمة) أنت عملت ليها Skip 😅 "يتبع"

@error21188 ومشيت للعذاب طوالي.
ربنا لو ما رحيم وبيريد بعباده الرحمة
من العذاب ما كان قال لسيدنا (موسى وهارون) إنهم يمشوا يقولوا لفرعون القال أنا ربكم الأعلى عديييل وطغى في الأرض وظلم وسفك الدماء
(فقولا له قولآ لينا لعله يتذكر أو يخشى)
لاحظ لقوله تعالى (قولا له قولآ لينا)
"يتبع"

@error21188 فربنا سبحانه وتعالى الغاية الأسمى عنده الجنة ما النار والرحمة ما العذاب لذلك تجد آية (الله ولي الذين آمنوا يخرجهم من الظلمات إلى النور)
فدي غاية ربنا سبحانه وتعالى ودة مراده للبيتبعه.
فالقصة ما قصة تلذذ بعذاب.
ثم النار دي من رحمته سبحانه وتعالى
ما بتدخل بسهولة زاتو
"يتبع"

@error21188 ربنا ما أقام العذاب على الأقوام دي كلها إلا لما أداهم كل الفرص وأتاح ليهم كل السبل ودعاهم بكل المنطق والموعظة الحسنى.
وحاليآ إحنا كبشر عايشين ربنا سبحانه وتعالى مدينا مهلة وفاتح لينا ابواب التوبة والمغفرة ومدينا الصحة وكل دة عشان نتجنب النار فدي أنواع رحمة سابقة عذاب لأنه رب رحمة

@error21188 والآية حقت
(إنا هديناه السبيل إما شاكرآ أو إما كفورا ) دي توريك إنه الموضوع ما قصة إنه ربنا بيتلذذ بالعذاب أو رب عذاب.
إنما بتوريك إنه مصيرك ونهايتك في إيدك أنت وبإختيارك
وإنه ربنا عادل وعدله سبق رحمته وعذابة
و thank you very much.