قررت اسوي ثريد عن طريقه التعامل مع شخصيات مختلفه كل يوم امسك شخصيه ، طبعا من خلال تجربتي وايش نفع معاهم والطرق السليمة للتعامل معاهم لاوفوقها تكسبهم لصفك ?
بسم الله نبدأ اليوم بالشخص المستفز والي يتعمد احراجك امام الآخرين ?
الشخص المستفز يتغذى على الأثر الي يتركه فيك فلا تعصب قدامه او تنفعل لأن هذا هو المغزى من استفزازه لك ، وتعصيبك منه حيعطيه قيمة وانتصار ، انت لازم تحسسه انه حتى هذه القيمة ماراح يكسبها منك وان مجهوده بإستفزازك طاير في الهواء رد عليه بهدوء وابتسامة ردود مختصرة فيها عدم اهتمام به.
مافي شي يغيظ اكثر من برودك مع شخص يحاول يقهرك لازم تبين انك اكبر من سخافته ومنت مهتم أبدا انك تجاريه في مستوى تعامله وكلامه ، كذا انت احتفظت بكرامتك وقيمتك وحسسته انك اكبر من انك تنزل نفسك له ولإستفزازاته التافهه ، وبنفس الوقت ماكسبت عدواته لأنه حس مافي فايدة من استفزازك أبدا .
بس اذا شفته زودها وقال شي مسئ لك وصعب تتغاضى عنه، سوي نفسك ماسمعت طالع فيه وقوله بهدوء معليش ماسمعت ايش قلت !! معها نظرة تضييق حواجب وتركيز مباشر بعيونه ، هنا حيتعدل ويبدأ يتلخبط ويصيغ كلامه كمان بطريقه افضل من الي قالها لأن انتبه انك فهمت انه يبغا يسئ لك وحيخاف من رده فعلك ??
اذا زودها معاك بالرغم من كذا ومااستحى منك واتكلم بنفس الصيغه ،عيد نفس الكلام الي قاله لك، مثلا قال لك(صعب الواحد يعتمد عليك واحسك مو قد مسؤولية هذا العمل) لاتبرر ولاتدافع عن نفسك بس عيد نفس كلامه (صعب الواحد يعتمد علي ! وتحس اني مو قد مسؤولية هذا العمل) وجاوبه ببرود هذا غير صحيح
لمن تجاوب بكلمة قطعيه وتلتفت بوجهك عنه هنا وضحت له عدم أهمية كلامه لك، ورد السؤال عليه بسؤال لأن هذه الطريقه تربكه وتخلي الأدوار تتبادل في لحظة وتصير مسكت انت كفه الاحراج له بدل ماهو يحرجك مثلا أسأله يحتاج الحكم بهذا الى دقة وخبرة ومؤهلات على ايش استندت على كلامك ورأيك !!
اما اذا كان الاستفزاز عام في مكان مثل اجتماع العمل اعزل الي يهاجمك وحسسه بالذنب وانه بيعطل وقتكم واجتماعكم ، مثلا تقول (على هذا النحو ماراح نوصل لأي نتيجة من حيث المضمون ) (من صالحنا جميعا ان نتعاون اليوم لحل هذه المشكلة لأن اتهامنا لبعض ماراح يخلينا نوصل لنتيجة اليوم )
وتقدر تضيف كلام يحسسه انك ماتبغا تدخل في مجادلات وماعندك وقت تضيعه وتجاري المشاكل ( كلنا نرغب اليوم بإجتماع فعال والمناقشة في أمور شخصية والقاء اللوم راح يعطلنا جميعا وبأسلوبك هذا انت تعيق تقدمنا وتغير مسار الإجتماع للجدال )
خلصنا المستفز بعدين اروق واحللكم الحسوديين ??
جاري تحميل الاقتراحات...