في زول رسل لي قصة جاتني في جرح
حنزلها ليكم في الثريد دا ...
حنزلها ليكم في الثريد دا ...
في بت اتصلت على واحد من الشيوخ الكبار وقالت ليهو انها قعدت ٤ سنوات تقوم الليل وبتدعي ومافي اتنين وخميس بمروا عليها الا وهي صايمة واجتهدت كتير في العبادة، وكل الحاجات دي كانت بس عشان تتزوج الشخص البتحبوا، فجاة ومن دون مقدمات الولد اتزوج بت عمو وخلاها
البت اتصدمت وجاتها نفسيات لي درجة انها خلت الصلاة وبطلت صيام اتنين وخميس، وابتعدت عن العبادة. قالت لي الشيخ، انا كنت قريبة لي ربنا، عملت شنو عشان يحصل لي كدا؟ انا كنت بصلي وبصوم وبقيم الليل، لي ربنا جازاني كدا ؟ مفروض ربنا يستجيب لي دعواتي
الشيخ قال ليها امشي افتحي المصحف سورة الحج الاية ١١ بتلقي حل لي مشكلتك، والآية بتقول، بسم الله الرحمن الرحيم:
(ومن الناس من يعبد الله على حرف فإن أصابه خير اطمأن به وإن أصابته فتنة انقلب على وجهه خسر الدنيا والآخرة ذلك هو الخسران المبين) صدق الله العظيم
(ومن الناس من يعبد الله على حرف فإن أصابه خير اطمأن به وإن أصابته فتنة انقلب على وجهه خسر الدنيا والآخرة ذلك هو الخسران المبين) صدق الله العظيم
عارفين يعني شنو حرف؟ يعني شك، يعني تردد يعني بالمصطلح العام 'تديني اديك'. قصة البت دي حاصلة في كل بيت، لو ما عرس، سفر، شغل، اي شي - انك تتقرب من الله عشان مصلحة مادية ويوم ما تنقطع المصالح دي تدي ضهرك للدين وللعبادة
المحكات الحارة دي ما هي الا جس نبض من ربنا ليك، هل حتثبت على دينه وتصبر ولا حتبيع القضية زي ما بقولوا لانو ربنا قال (احسب الناس ان يتركوا ان يقولوا آمنا وهم لا يفتنون) أن الله سبحانه وتعالى لا بد أن يبتلي عباده المؤمنين بحسب ما عندهم من الإيمان
الوصية اخر القصة كانت: ما تخسر دينك واخرتك وتكون زي ما ربنا قال عليهم (ومن الناس من يعبد الله على حرف فإن أصابه خير اطمأن به وإن أصابته فتنة انقلب على وجهه خسر الدنيا والآخرة ذلك هو الخسران المبين)
??????♥️♥️♥️
??????♥️♥️♥️
جاري تحميل الاقتراحات...