مرحبا.. سوف أتناول #سلسلة_معلوماتية بعنوان: قصة صانع محتوى، (القصة مدتها يوم وتنحذف لأسباب أخرى - بعدها في السلسلة المتفق عليها الخاصة بصناعة المحتوى) يا جميل هل تعلم بأنك #أخصائي_معلومات ولك في كل عمل قطرة ويعجز اللسان عن شكرك، ولذلك أقول لك بالنيابة عنهم شكراً عزيزي.
قصة قصيرة: عنوانها صانع المحتوى الغامض، "لم أعتقد بأن يأتي يوماً يقدم لي دعوة بشأن كبير لأنني متخصص في علم المعلومات" قصة من نسج الخيال < لكن ممكن تكون صدقية وممكن تكون واقعية ولكن هي أمر طي الكتمان وحان عرضه (مدة العرض يوم) وتنحذف.
أبطال القصة: واحد اسمه محمد وأخوه الصغير وورشة عمل ومحتوى خاص ودعوة وغموض وقائدة مجموعة والمصممة الصغيرة ومجرد أسم والله يستر ما يزعلون علينا ويقولون وراك علمت (يوم وتنحذف) قسم بالله.
البداية: وصلني إتصال من أخي الصغير شاب طموح ويملك ابتسامة أجمل مني ويحب التطوع ودائما أجده في مقدمة صفوف التطوع وقد يقودهم في كثير من الآحيان @MN_AlHELAL طلب مني الحضور لمكان ما، لشأن ما...
1: طلب التالي: الو محمد تقدر تجي في ......... بس إذا وصلت لا تسجل حضورك راح أنتظرك وأجهز بطاقتك، يا محمد: لا تسجل أنتبه! بس تعال أوكي، أنا: وش السالفة عسى خير، هو: إيه خير خير ما عليك المهم لا تتأخر تراهم بيبدون الساعة .......
2: وصلت للمكان وللقاعة في أحد الفنادق المشهورة، وإذا بالمكان يعج بالشباب والشابات من كل فئة ونوع، كبيراً وصغيراً، اتصلت على أخي: سم آمر أنا عندك، وقال: (عسى ما سجلت حضورك)، أنا: لا الله يصلحك ما سجلت، بس وش هالناس كلهم؟
3:جاء أخي، وسلمت عليه، وأستقبلني، ولبست البطاقة مكتوب عليها محمد (مكتوب اسمي الأول بس دون أي معلومات ثانوية وحتى أسم العائلة) مع أني أشوف المتواجدين البطاقة عليها الاسم كامل والمنصب والدرجة العلمية والوظيفة، إلا أنا؟؟؟
4: دخلت القاعة ووضعني في مكاني مكتوب عليه محمد والطاولة تحتوي على 10 كراسي والكل بالاسم كامل والمنصب وغيرها إلا أنا < واضح مأثرة فيني، المهم جلسني وراح وجاني شعور المعزوم وما يعرف الا واحد بس وهالواحد راح ههههههه شعور مؤلم لكن ما عليه معي جوالي يزبط الوضع
5: بدأت الكراسي تمتلى وتزيد والكل يجلس ويسلمون على بعضهم وأنا في وضعية المزهرية وأطقطق بالجوال، ما أزال متماسك، جلسوا، وكانت القاعة تحتوي على 10 طاولات وكل طاولة تحتوي على فريق مكون من 10 أفراد (أنا اللي لابس النظارة).
6: طاولتي فيها قائدة ونائب لها، والبقية أعضاء وأنا من ضمنهم وخلونا نقول أسماء (وهمية) القائدة صالحه والنائب مشاري والأعضاء: أسامة دكتور، ويحيى دكتور، ورهام طالبة صيدلة، وسحر تقنية معلومات، سامي موظف في مكان ما، عبدالله مترجم، أميرة مصممة، والمزهرية محمد (أنا).
7: كل مجموعة تم تشكيلها حسب القادة والنواب وهم مسؤولون عن فريق العمل، وطبعا حتى هذه اللحظة لا أعلم ما الموضوع، وش السالفة، وماذا يريدون وطلب أخي بأني أعرف عن نفسي بمحمد فقط، دون اسم العائلة، وكمان تجاهل معرفتي < سحب على الأخوة الله يصلحه - الوعد البيت.
8: أكتمل العدد والكراسي فل والجميع في محله، والضوضاء تحوم في المكان ويا ساتر يالشعور كأنك في هاكثون، أنطلقت مسؤولة الورشة تعرف على المهمة وطبعا ما أخفيك أنا ذاك اللي ما جاب معه إلا قلم بس والباقين لابتوب وأيباد وكل شيء، الله يصلح بعض الناس لو معلميني كان جبت العدة.
9: الموضوع كالتالي: قدامكم وقت معين يبدا من الان حتى الساعة ... نحتاج منكم منتج عبارة عن معلومات تخدم مجالنا عن هذا الشأن (شكلها تقصد برشور) نبغى نسوي حملة توعوية عن هذا المرض ونرفع وعي الناس عنه، لكم حرية الفكرة والترتيب وكل شيء، المهم المدة تنتهي مع قرع الجرس.
10: قائدة الطاولة الأستاذة صالحه سردت الموضوع بالتفصيل علينا كفريق وطلبت نبدا نعرف عن أنفسنا ونكسر حاجز الرسميات، بدوا يعرفون عن أنفسهم أنا فلان دكتور في المدينة الطبية الجامعية أنا فلانة أنا وأنا ولما جاء دوري (أنا محمد) انتهى وكأني أرى في اعينهم وش عنده.
11: طبعاً انا ساكت وهادي ومسالم، وهم يتجاذبون الحديث وبدا يبحثون عن المعلومات وأنا ولا حركة بس احلل تصرفاتهم وأسلوب عملهم طالعت لي الأستاذة وقالت: ما ودك تشارك، رديت عليها للأسف أنا أخذ وقت لحد ما أبدا اسف (المكينة ديزل) طبعا عطتني النظرة وش عنده ذا، المهم بعد مضي نص ساعة.
12: ضايق بأن تعريفي عن نفسي كان بس مختصر، والسبب هو الوعد الذي وعدته أخي الصغير، ولكن: عدلت جلستي وصلبت ظهري، وقاطعتهم وهم يتلكمون وقلت ممكن أقول شيء اذا سمحتوا <استأذنت بكل أدب.
13: طلع واحد منهم قال اخيراً تفضل تفضل، قلت لهم: لكم نص ساعة في دائرة مفرغة وترجعون لنفس المعلومات، وأنتم متاكدين أن هالمعلومات كل الفرق الثانية حصلت عليها وبيكتبونها، وبالتالي ما استفدنا شيء، رد الدكتور وش نسوي طيب، هو سأل سؤال كنت انتظره عطيته احمم احمم< لازم بس ثنتين لا تكثر.
14: الأمر بسيط نحتاج: جمع ثم تنظيم واسترجاع وتقويم ونشر وإتاحة، العمل كالتالي: أربع فرق وكل فريق يعمل على عمل معين دون التداخل في الاعمال (فريق: جمع وتنظيم، استرجاع وتقويم، تحليل وتصفيه، نشر وإتاحة)، طبعا في لحظة مدري أنا تنحت والا اللي معي لكن في استغراب من الطرفين أنا وهم؟؟
15: الدكاترة منسوبي جامعات ويملكون يوزرات في قواعد المعلومات، وعندهم مصطلحات الورشة، وويقدرون يبحثون عن المعلومات باللغة الإنجليزية. أنا كمان عندي يوزر وببحث باللغة العربية ومعي سعد، الفريق الثاني نحتاج قوالب للتنظيم والترتيب جهزوها على ما بال نجمع لكم المعلومات.
16: ترى الامر سهل كل مجموعة له وقت معين ونقدر نخلص في الوقت المناسب وهو عبارة عن تحدي وأعتقد بأن الأستاذة صالحه والأستاذ مشاري، أختاروكم لسبب ولقوا فيكم الكثير، لذلك ننطلق.
17: طبعاً كل شخص وجهة له مهمته حسب مهاراته وهذا دور كبير للأخصائي أنه يعرف كيف يسخر الطاقات بالشكل الصحيح، وبالتالي كان الجندي المجهول واللي طلعته من الطاولة وطلبت أنه يستقل في مكان لوحده ويستغل الوقت بالتفكير هي: المصممة.
18: بمعنى حتى المصممة التي تنتظر درها بدأت بالفعل، وكل الفرق أنطقت بعملها لدرجة الفرق اللي ما وصل عملهم طلبنا منهم يتركون الطاولة ويتوجهون للبوفيه عشان بس يعطون حريتنا في العمل.
19: بعد فترة حسيت في شيء غلط!! أنا وش قاعد أقول وراني صرت القائد فجأة وجالس اوزع العمل؟ طيب ليش هم يسمعون الكلام؟ وراهم ما اعترضوا؟ لاني شخص مجهول. التفت على القائدة واللي ردت بأبتسامة وقالت لهم نفدوا اللي قال واضح عارف وش يقول، أنا موافقة وكمان أنا بالشتغل مع الفريق الثاني.
20: شكرتها وفجأة تنازل الصعلوك الصغير عن منصبه (أخوي اللي محدي يدري أنه أخوي) قال محمد الان هو النائب وين تبيني أشتغل الان، ووزعت المهام وأنطلقت الخطة: جمع من منافذ علمية محكمة نحتاج تاريخ المرض وأسماء المكتشفين وأسبابه وكيفية الوقاية منهوالعلاج و و و و و . يلااا
ههههههههههههههه اااه كنت حاس بيطلعون يقولون لا تكمل يا محمد!!!! وش رايكم أكمل؟ قلنا المدة يوم وتنحذف السلسلة شكل المدة اخر تغريدة في السلسلة وتنحذف هههههههههه أكتبوا لهم خلوه يكمل <بروح أخذ لي مشروب ساخن وأعود ونشوف ردودكم! وردهم على الواتساب!
بكمل سريع وبإختصار لم تزبط معنا
21: جمعوا وجمعوا ونظموا وأنتهت مهمة الدكاترة الحالية إلا انها لم تنتهي تماما، فالان راحه لهم، والفريق الثاني اللي صنع قوالب وأسلوب عرض المعلومات بأسلوب سهل وبسيط، أنطلقت رهام في التنظيم مع المترجم لأننا نحتاج المعلومات بالعربي وكتبوا وصاغوا بأسلوب مختلف ورائع مع القائدة صالحه.
22: طبعا في واحد معنا اسمه سامي مع الإدارة في الورشة لكنه جالس معنا المهم الولد عنده أفكار وجلس يفيد لذلك الطاولة صار ما عليها الا أربعة والباقين عند البوفيه واللي يفكرون في الخطوة التالية، واللي يسخنون في الفكرة الجاية ولعل روح الفريق تغلغلت فيهم وبينهم.
23: سحر وأميرة المصممة يفكرون في أسلوب الاتاحة اللي يجذب ويساعد وطبعا كل قائد له أسلوبة في العطاء وكانت الكلمات الجميلة عطاء الأستاذة صالحه.
24: انتهى عمل الفريق الثاني ورجعوا الدكاترة للمراجعة والتدقيق والتقويم بشأن المعلومات ووجاء دوري للاتاحة وتسهيل المهمة لأخر فريق
24: انتهى عمل الفريق الثاني ورجعوا الدكاترة للمراجعة والتدقيق والتقويم بشأن المعلومات ووجاء دوري للاتاحة وتسهيل المهمة لأخر فريق
25: المصممة هي أصغر عضو في المجموعة وبالتالي المصممين لهم طقوس خاصة وتلقاهم يحبون يسوون شيء خارج عن المألوف، قالت لي: ممكن اعرض الفكرة عليك أول وبعدين تعرضها عليهم قلت تم، وقفت وقفة وقالت التصميم بيكون كذا (مثل الصورة) أستغرب؟؟؟
26: يعني وشلون قالت كذا وانت لما تلمس مثلا الراس تطلع معلومات عن المرض في هذا المكان وتاريخ ويسحبك لمنافذ ثانية اذا تبغى معلومات اكثر، قلت لها يعني ما راح نختصر المعلومات قالت لا لا سحر عندها فكرة ما راح نفرط في أي معلومات طلعتوها وتعبتوا عليها نبي نقدم كل شيء مو اي شيء، كلامها!!
27: طيب فهمتك بس يمديك تسوينها هذي الفكرة تحتاج أيام، قاطعتني قالت خلصت اصلاً (ما شاء الله) كيف ومتى قالت انت ما قت لي روحي هناك وفكري في التصميم انا فكرت وصممت وخلصت بس باقي ادخل المعلومات (مجرد مثال اللي في التغريدة)...
28: قلت: يا بنت الحلال الله ينصرك، قالت: طيب عادي اروح الحين اكمل بس تراني ماراح ارد على احد قلت ليش قالت بلبس السماعات وبرفع الصوت وبدخل عالم آخر ما احتاج الا سحر تكون معي بس، ثم قالت محمد أنت وش تخصصك؟ قلت اذا نجحتي وخلصتي في نفس الوقت بقول لك.
29: حصل موقفين لي في هالورشة الأول ان رئيسة الورشة انزعجت من مجموعتنا وكأننا نضيع وقت ودايم عند البوفيه واحيانا كل اثنين يتناقشون وازعاج مو مثل المجموعات الثانية تشتغل مع بعض وكلن استخدم اللوحة الا حنى لوحتنا بيضاااااء
30: الموقف الثاني طلب مني شخصيا عرض الفكرة على المنصة
30: الموقف الثاني طلب مني شخصيا عرض الفكرة على المنصة
31: انتهت المصميمة الصغيرة وانتهت الأستاذة سحر وجاء وقت الحصاد وطلبت منهم نجتمع في مكان، ما يكون ورانا احد، ما نبي احد يشوف الفكرة، ونجتمع وتفتح على التصميم وتستعرضه وحنى في ذهور لدرجة واحد من الدكاترة يقول هذا شغل مين؟
32: طيب كيف سوينا كل هذا كيف تاريخ المرض صار كذا وكمان أسماء اشهر الأطباء والسيرة الذاتية وكيف قدرتي تكتبين المصادر لكل المعلومات، وليه كتبتيها قالت: محمد يقول لازم يعرفون وش مصادرنا.
33: طبعا أنا منصدم من القدرات الشابة والمجموعة الفخمة التي عملت معاها، هذه صناعة محتوى بشراكة؟
33: طبعا أنا منصدم من القدرات الشابة والمجموعة الفخمة التي عملت معاها، هذه صناعة محتوى بشراكة؟
35: جاء السؤال اللي دايم اسمعه أنت مين يا محمد؟ من تكون؟ من اللي تواصل معك عشان تجي هنا؟ وطبعا انا بس اوزع ابتسامات مقدر أقول شيء. ياه شعور حلو أنك استخدمت ما تعلمت في مجال اول مره ادخل فيه ومتعاون
36: لما جاء وقت استعراض الأفكار والتصميم على المنصة طلعت وأخذت معي الصغيرة لهدف في نفسي، هي شعله ويجب أن يعلم الجميع بعملها الكبير في التصميم، لذلك اصريت عليها تكون معي على المنصة وقدمت العرض والتصميم والفكرة والمصادر والمنافذ المستخدمة والطريقة والأسلوب
37: وكل مالي اشوف العيون تلمع علينا وخصوصا من الحضور ولا اخفي عليك طريقة العرض مجنونه، وحديثي عنها جعلني اكسب الحضور ولكن جاء ذاك السؤال بعد ما صفقوا من تكن؟ البطاقة مكتوب عليها محمد فقط
38: عيوني على اخوي لاني مااقدر أتكلم ولكن فجأة اشوفه يعطيني علامة الاوكي وكنه يقول انطلق.
38: عيوني على اخوي لاني مااقدر أتكلم ولكن فجأة اشوفه يعطيني علامة الاوكي وكنه يقول انطلق.
39: عرفت عن نفسي وتخصصي ودوري كأخصائي معلومات وأسلوب العمل الذي قمت به وليش أطلقت على كل فريق اسم و و و و وبالتالي انتهيت وانطلقت في شكر وتقدير للمساهمين على هذا العمل وبالتالي شكرت المنظمين والمنظمات والتسهيلات التي قدمت لأجلنا (طبعاً في كم هائل من الأسئلة وصلني عن تخصصنا).
40: نعم يا سادة صناعة المحتوى عمل من الأعمال التي نقوم بها ولأنه لنا نحن من نستطيع اتقانه بشكل مختلف عن الأخرين وحتى لو كان يملك ما يملك، نحن لنا طريقة فريدة في العمل على المحتوى، (المحتوى حقنا) لذلك يكفي ما حصلوا عليه لأننا سمحنا لهم بهذا، هذا عملك هذا جهدك أنت درست عشان هالشيء
النهاية: لا تعتقد بأن مكانك تحت مظلة واحدة، أنا كنت أعتقد هالشيء ولكن بعد ما درست وتعلم وما ازال اتعلم وراح أكمل دربي توسعت المدارك والآفاق، ياخي لا تقول ما وظفونا ياخي أخذوا وظائفنا هم غير متخصصين، الامر بيدنا في تحديد أماكنا والتوجه لها وطلبتكم لا عاد تقول قطاع حكومي انتبه
هناك من يقدر قيمتك وتخصصك حتى لو كان أخوك أو حتى أستاذك أو قريب لك، لا ترسم صورة سلبية وتقول ليش أنا كذا وتنشر المفاهميم الخاطئة، أنت اليوم وفي هالجيل صانع محتوى ومتخصص وتقدر تملك حساب في تويتر اي تويتر ياخي انت المتخصص الذي يدير حساب تويتر الخاص بالمؤسسة لأنك أخصائي معلومات.
كني عصبت اسف لكن تعلمت مؤخراً من أستاذي لا تنظر للكيان بل الأصل وأصلنا معلومات من فجر التاريخ وقد تصل طبيعة عملك إلى أقدم الأعمال يا معلوماتي، شكراً على المتابعة يا جميل أنت وياها، السلسلة تحذف الفجر حسب طلبهم، السلسلة الأصلية قريباً بمراجع علمية عن صناعة المحتوى في تخصصنا.
@Rattibha يا جميل انطلق
جاري تحميل الاقتراحات...