ثريد النهاردة تذكرة للشباب التوتو اللى مستغرب ازاى شخصية الارهابى صعبة كدة .. وللمتأسلمين اللى نسوا ارهابهم الوسطى الجميل من السبعينات للثمانينات للتسعينات مجرد تذكير بشوية بديهيات ومعلومات من الذاكرة واعذرونى بحكم السن
شخصية الارهابى و"اسرته" طبيعى تبقى كدة .. الجهادى بيبقى مختلف عن الاخوانجى الارهابى برده فى حاجة مهمة .. انه بيتم تجنيده عن طريق التزامه "بالسمت الملتزم" من لحية له ونقاب لاسرته يعنى مينفعش يبقى جهادى من غير ده.. وده بيعقبه "العزلة الشعورية "
كبير الارهابييين المجحوم سيد قطب عملهم البدعة دى بمجرد ما يشوف انه بقى على الدين الصحيح لازم ينعزل شعوريا عن المجتمع اللى حواليه اللى بيبقى - من وجهة نظره - مليان كفار وكفر- وبينغلق على اسرته ومجموعته زيادة .. الارهاب الاخوانجى بقى رغم ايمانه بده بس تعمقهم فى التقية
وخبرتهم فيها بتغطى على الغضب اللى بتبقى على وش الجهاديين اللى بخلفية سلفية ..عن تجربة شخصية .. واحد زميلنا كانت الناس بتقوله ان خسارة فى الاخوان اتقبض عليه قى اجتماع لخلية بالسلاح والمخططات والناس فضلت مش مصدقة حتى وهى شايفة صوره فى اليوم السابع
الخلاصة ان لازم الارهابى يبقى غبى زى ما طالع فى الاختيار وبالذات اللى حيختار القاعدة على داعش .. لان القاعدة اهم حاجة عندها السمت الملتزم وداعش ماهتمتش بكدة ..
اللى مستغرب بقى خسة الارهابييين وندالتهم نحكى لهم عن ارهاب التسعينات والثمانينات .. نحكى لهم انهم حطوا قنبلة وزنها 10 كم لاغتيال رئيس الوزراء تحت عربية جنب سور مدرسة وكانت الطفلة الشيماء هى الشهيدة الوحيدة فى العملية ومديرة المدرسة نجت باعجوبة من السقف اللى نزل على مكتبها
نحكى لهم ان فى ظابط شرطة امن دولة اتقتل لان الارهابى اللى كان رايح يقبض عليه وبعد ما اقتحموا شقته لقوه واخد اولاده دروع بشرية ورفض يضرب نار عليه فالارهابى قتله .. نحكى لهم عن الجنود الغلابة اللى اتقتلوا فى احداث اسيوط 1981 والحكمدار اللى دبحوه وهو نايم فى سريره جوة المديرية
نحكى لهم ان كان سهل جدا يطلع شيخ يقول عليك كافر فييجى واحد أمى تماما يقتلك زى ما حصل لفرج فودة او نجيب محفوظ.. نحكى لهم عن انتخابات اتحاد الطلبة اللى كانت بتم تحت تهديد الشوم والجنازير ..نحكى لهم عن استهداف المقاهى بالقنابل علشان ناس قاعدة عليهم
احكى لهم عن دهشتى وانا عندى 11 سنة فى اولى اعدادى ومدرس ملتح داخل ويقف طالب فى اول يوم دراسة يقوله وانت تبع انهى جماعة علنا .. المدرس يقوله انا دعوة سلفية والطالب يقوله انا جماعة اسلامية .. يالا الله يمسيهم بالخير
الحكاوى كتييييررر بس احنا اللى لسة مقصرين .. مقصرين فى الاستئصال الجدى والشامل لكل واحد من دول ..ومقصرين اننا نحكى عن اللى شوفناه منهم ..نحكى لهم لما كان الارهاب كيان حى فى كل شارع وان رغم كل كلام المبادرات ..ما تخفيه قلوبهم ظهر حى فى 2013
@Khaled_Nabil07 بمناسبة كلامك النهارده
جاري تحميل الاقتراحات...