ضربتني الممرضة إبرة وإيدي صارت زرقاء
ليش صارت زرقاء ؟؟ راح أتكلم عن هذه الحالة وبتكون في عدة تغريدات
يتبع..

لأن الدم يطلع من الأوعية الدموية، بس ما عنده مكان يروح فيه، يظل محكور تحت الجلد ما يقدر يطلع برا الجسم لأن الجلد متسكر، فَ يبين لنا على شكل كدمة..
يكون لون الكدمة باللون الأحمر لأن الدم فرش طالع تو ومتروس أكسجين، بعد يوم أو يومين راح يفقد هالأكسجين ويبدي يتغيّر لونه نشوفه بنفسجي

وبعدها يصير أزرق أو أسود .
بعد خمس أو عشر أيام راح تصير لون أطراف الكدمة خضراء أو صفراء ، لما الجسم يبدي يكسر الهيموجلوبين اللي بالدم عشان تروح الكدمة راح يفرز ٣ مركبات تمر بهالمراحل ( احمر وأخضر وأصفر) بعد ١٠ أو ١٤ يوم راح يكون لونها اصفر على بني أو اصفر خفيف لحد ما تختفي كامل

يعني طبيعي اذا تغيّر لون الكدمة عندكم وغالباً الكدمة تروح بعد أسبوعين بدون علاج ولا دواء
" إن أحسنت فمن الله، وإن أسأت أو أخطأت فمن نفسي والشيطان" ?.