رتبها

هحكياكم انهارده قصة حرب البوسنة و الهرسك و الإبادة العِرقية للمسلمين على ايد الصِرب المسيحيين
###
لايك و ريتويت و التصويت في آخر تويت

بعد الحرب العالمية الأولى ظهرت المملكة اليوغوسلافية و اللي كانت بتضم ٧ دول صغيرة ...
كرواتيا
صربيا
الجبل الاسود
مقدونيا
البوسنة و الهرسك
سلوفينيا
كوسوفو
و كانت دايما بتضم ال٧ بلاد دي لحد الحرب العالمية الثانية
بدأت ألمانيا و إيطاليا تهاجم الاتحاد اليوغوسلافي

لحد ما انتهت كمان الحرب العالمية الثانية و تم إعلان جمهورية يوغوسلافيا الاشتراكية بشكل رسمي
و فضلوا ال ٧ دول متحدين لحد عام ١٩٩٢ م
بدأت تتشكل حركات استقلال و أن كل دولة تستقل بذاتها عن يوغوسلافيا
اول دولتين رحبوا بالاستقلال كانوا " سلوفينيا ، مقدونيا "
و بالفعل استقلوا

لكن الصراع الحقيقي بدأ في التحاد الثلاثي بين " كرواتيا ، صربيا ، البوسنة و الهرسك "
الصراع كان أن صربيا رافضة الاستقلال
في حين كرواتيا و البوسنة و الهرسك رحبوا بالاستقلالية
لكن الوضع السياسي كان كالتالي : البوسنة و الهرسك معظم أراضيها كانت تابعة لصربيا و بيسكنها المسيحين

و الاراضي اللي على الحدود الشمالية الشرقية كانت تابعة لكرواتيا
البوسنة و الهرسك الأقلية منهم مسلمين مقسمين بين الصرب و الكروات
تم إعلان انتخابات الاستقلال في البوسنة و الهرسك
امتنع عنها الصرب و شارك في الانتخابات دي بنسبة ٦٣.٦ % من الشعب
و النتيجة كانت ٩٩.٧ % مؤيدين الاستقلال

هنا بدأت الحرب بين الصِرب و البوشناق
فتمت إبادة عرقية للمسلمين تماما على ايد صرب البوسنة و الهرسك الأرثوذيكس و الكاثوليك
قامت مذابح و مجازر كتيرة جداااا للمسلمين
فالرجال المسلمين كان بيتم تهجيرهم أو تعذيبهم في معتقلات سياسية و بعدين يتقتلوا

أما النساء ...
فكانوا بيتجمعوا في مباني ضخمة و بيتم إذلالهم و ضربهم و تعذيبهم و اغتصابهم على ايد الصرب

و فضلت الأوضاع كده تتفاقم
طيب فين دور كرواتيا ؟!
كرواتيا وقتها كان بيحكمها شخص اسمه " تودجمان "
تودجمان وقتها قرر يدافع بجيشه عن البوسنة لكن في نيته كان الهدف من الدفاعات دي هي توسيع الاراضي الكرواتية مش مساعدة المسلمين
فبعد فترة بسيطة جيش كرواتيا ماقدرش يواكب الحرب

و زاد بطش الصرب على المسلمين فبدأوا يفجروا البيوت و يقتلوا الناس في الشوارع و يستخدموا أسوأ مظاهر التعذيب

من ضمن اكتر اامذابح المعروفة كانت مذبحة اسمها " سربرنيتشا "
المذبحةدي لوحدها اتقتل فيها اكتر من ٨ الاف مسلم اغلبهم من الرجال و الصبيان
و الكتيبة اللي تسببت في المذبحة دي كانت بقيادة الجنرال "راتكو ملاديتش"
حتى أن الاتحاد الأوروبي وصفها انها اسوأ مذبحة منذ الخرب العالمية التانية

و ضحايا المذبحة دي اتدفنوا كلهم في قبور موازية لبعضها في مساحة واسعة جدااا

المسلمين وقتها كانوا بقيادة " علي عزت بيغوفيتش "
و ده من أعظم الناس المفكرين المسلمين
طالب المجتمع الدولي و الاتحاد العالمي وقتها بأنه يمد شعبه بالغذاء و السلاح و المعونة
و فعلا مرة بعد مرة بدأت المعونات تُرسل لجيش المسلمين البوشناق
لحد ما قدروا يستردوا معظم اامدن من الصرب

و انتهت الحرب في نوفمبر عام ١٩٩٥ م
و تم إحصاء عدد القتلى و الجرحى كالتالي ...
مقتل اكتر من ٢٠٠.٠٠٠ شخص
اكتر من ٢.٧ مليون لاجئ و نازح
ما بين ٢٠.٠٠٠ - ٥٠.٠٠٠ حالة اغتصاب للنساء